Yasaqya 21:15 - NABUWWA KEE MALIKWA

¹⁵ A mari akak yoowwem, seefiy ken edde qidaanam faxak sugeeni. Siiben seefik kudeenih yemeeten. Gaysê-baxay ken edde mudoonuh qalaamiseenik kudeenih yemeeten. Rada carbik addak kudeenih yemeeten.

Yasaqya 21:15 ပူးပေါင်းရင်းမြစ်များ

Yasaqya 13:14

«Loyna sinni illi elle fixixe'nnal, fixixelon. Admoh yemeete marak sageeri elle kudda innal, kulli num isi baaxo fan kudeleeh, isi mara fan gacele.

Yasaqya 13:15

Geyinnaan num gilet qideloonuh; yibbixen mara seefit qidelon.

Yasaqya 17:13

Doolatwa baddi haffoh innah habbuy inta. Takkay immay Yalli ken yassacakku waa waqdi, qaleh amok caacay baahe siisah innah, wadir gacelon. Silayti baahe caffih innah wadir aduurelon.

Yasaqya 22:3

Sin abbobti inkih kuddeeh, qeebi abe'kal ken yibbixen. Xer ikkel kude marih agantah, siinik geen mara inkih yibbixen.

Yasaqya 31:8

«Assuuriyah mari seefit ambaxele'mmay, toh sahdayti bicse seef hinna. Ken mari too seefik kudele. Ken furrayna naqoosay dirkih tamsiisaana akkele.

Yasaqya 33:3

Ku xongolo radda waqdi, baadal tan ummat kudele. Atu ugutta saaku doolatwa fiik faak akkele.