Yasaqya 21:13 - NABUWWA KEE MALIKWA

¹³ Yalli, Qarab marih giddinaamak ruube farmo ah teeti. Arhoh yemeete Dadan maraw, Qarab baaxok garbo elle tan aracal a bar anfiddigetton.

Yasaqya 21:13 ပူးပေါင်းရင်းမြစ်များ

1 Malikwa 10:15

Tohuk kalah kaadu, duyyê-xaamak beya qusuur kee tellemmô-mari yecee qusuur kee, Qarab baaxoh malikwa tecee gabbara kee, tonnah kaadu, Israayil-rasul tan rakaakay-abbobti tecee gabbara geyak yen.

1 Aydaad 1:32

Abraahim caggô-gubih caggoh nikaacat abbaxuk yen barray Katuura deqsitak ten. Is Dimraanaay, Yoksaanaay, Medaanaay Miidiyanaay Yisbak kee Suwac kaah xalte. Yoksan, Seeba kee Dadan xale.

1 Aydaad 1:9

Kuusuk rade mari, Sabaay Cawiilaay Sabtaay Raqma kee Sabtakak ten. Raqmâ-xaylo Seeba kee Dadan deqsitak ten.

Yasaqya 13:1

Yalli Baabeloonuh giddinaamak Amóx-Yasaqyal ruube farmo ah teeti.

Yasaqya 13:20

Sahdayti sarrah, dabqih teetil magacaay; sahda elle gace wayta abuuruh raaqele. Gexak yemeete Qarabtoyti siraq teetil maha. Illi le num illi teetil mayayloola.

Yasaqya 21:12

Too waqdi anu kaal gacsemii, «Maaci maacisele'mmay, bari siinit qagtele. Ahak sa essertam tellek, uduuray esser!» kaak exce.

Ermiyaas 49:8

Dadan magaalal yan maraw, wadir gacay kuda! Gablah addat ombooqoray suga. Qiisok rade mara baysam faxa. Ken edde digaalu waa wakti yemeeteh.

Yacedkel 27:15

Roodes deqsita mara kee koo tellemmo titta lih abak sugten. Baddi afal suge mari duyye kok abuuduh beyya haanaah, woo duyyet milaaguh (libaakih), dakani-qaag kee data gurmud le caxak yirgiqen coox koh edde acayuk sugen.