Yasaqya 20:3 - NABUWWA KEE MALIKWA

³ Asdood yibbixen saaku, YALLI iyyemii, «Yasaqyay yi naqasuh yanihiyya sidiica sanatah xagaral saro maliiy ibat kabella maliiy ibah gexe. Taham Masri kee Kuusut takku waytaamih asta.

Yasaqya 20:3 ပူးပေါင်းရင်းမြစ်များ

Yasaqya 19:4

Masri mara racmatta sinniih xuwaw sinni malikiy uma xintoh ken xiinisu waahiyyah gabal heeyyo. Aham intam yoo, YALLAY Dagelta kinnih, Nabaamak Nabahiyya» iyye.

Yasaqya 37:9

Assuuriyah malikik migaq Sanceeribik ten. Ta malik, «Masri-malikiy Tirhaaka deqsitaah Kuusuh yaabukehiyya foocat-akak-yan-qaskar, kay qaskarat qeebi abta'gidih tamaate» iyyaanamih xaagi yemeete. Assuuriyah-malik tah yoobbe waqdi, Malik-Ciskiyyaahu fanah qagseh farmo ruube.

Yasaqya 43:3

Macaay inteenik, YALLAY sin Dagelta kinniih sin wadahiyya yoo. Israayil doore Dageltay *Kudduusuk yanihiyya yoo. Isin currih tawqeeni'gidih, Masri-mara sin gidyatah ecee. Kuus kee Saba sin aftok ecee.

Yasaqya 8:18

YALLI yoh yecee xaylo luk akkel aniyo. YALLAY Nabaamak Nabaah dardaarinni korsi Siyon-qaleh amol akak tanihiyya yoo kee yi xaylo Israayil ummatta fanah asta nakkuh nee ruube.

Ermiyaas 13:1

Ermiyaas iyyeemih, «YALLI iyyemii: ‹Gexay *baftak bicsen meqe-saro xaamma haay tikyah edde gac. Immay lee maxagisin› yok iyye.

Yacedkel 12:6

Gexxa waqdi, sinam koo akah table innah, duyye sunkul hayyaay; baaxo akah able wayta innah, foocal gaba hayya haay, diteh addat gex. Tamah abta waqdi, tamah, Israayil maray koo yabalu waahiyyah garci-kaloot akkele» yok iyye.

Yacedkel 30:4

Masril qeebi radele. Mango mari edde rabeleeh, rado amaggeleeh, abuuruh cabba tet heelon. Too waqdi Kuusul sinam kaxxam ankikkiqele.

Yacedkel 30:6

YALLI iyyeemih, «Kilbat le kabuk Migdol deqsitta magaalak xabba haanamaay, gabbi-qaxat raqta Aswaan deqsitta magaalah amma 'yaanam tan baaxol, Masri marah qande acayuk tenem bayele. Masri mari kaxxam edde yakkalem inkih foyyaatele. Tahat yabtam yoo YALLAY Mulki lehiyya.

Yacedkel 4:1

Yalli kaadu yok iyyeemih, «Bani-adantow, gexay kallak bicsen xaa baahay foocal isik daffes. Too xaak bagul Yarusalaam magaala ceela taswiir bicis.

Yacedkel 4:3

Birtak bicsen buuti bahha haay is kee magaalak fanal gidaar innah soolis. Too waqdi magaala fanah ufkun. Tama magaalat maro heeloonu'mmay, ceelallo akak takkem koo. Taham Israayil marah asta akkele.

Xafanya 2:12

Kuus maraw, isin kaadu seefit bayetton.

Zakariyya 3:8

Kaxxa sek kinnitok, ko'lih yaaba yab ankacca hay. Isin kaadu kaa'lih tan seekay ankacisa. Sarra takku wayta maqaaneh asta kinniton. Anu faxa taamah taamitu waa numuy migaaqah Dawud Luddal muggaaqisaanahiyya ruubeyyo.