Yasaqya 2:6 - NABUWWA KEE MALIKWA

⁶ Yallaw, Yaqkuubuk rade isi marak texxeereh. Oson ayrô-mawqa le kabul yan mara kee Filistiinih yooboke mari ken barse baab taamah haysiten. Isinni qaada cabba heenih marin qaadah tanim aben.

Yasaqya 2:6 ပူးပေါင်းရင်းမြစ်များ

2 Malikwa 1:2

Israayil-malikih yen Malik-Acadya isi qarih amol yen qarik taagat boohaahik radeeh, kaxxam biyaakite. Too waqdi Filistiin-magaalay migaaqah Ekron deqsittahiyya Baqal-Dabub-deqsittaamay yalla 'yeenih yaqbudeenihiyyal woo biyaakak uram kee ure wayu waam esseraana'gidih, farmoh sinam ruube.

2 Malikwa 17:20

Tonnal YALLI inkih yan Israayil mara yinqibeeh; ken digaaleh, ken naqboytiitiy racmatta sinnih gabal ken hee. Ellecabol isi garik ken xiiriyeh.

1 Aydaad 10:13

Saawul wonnah yan raba akah rabem, YALLAL faxxiimak yen imaan agaagul kaak yekkeemih rabe. YALLIH amri cineeh, YALLAL imaan haam hinna'mmay, rabe marih roocaaniyyal fayu esseraanam taamah haysite.

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

2 Aydaad 24:20

Sarrakaa, seekik raaqe baxay Zakariyya migaq luk yenehiyyal Yallih Roocaaniyya obte. Too sek sinam kaa elle table ikkel solla 'yeeh, anay fayya haak, «YALLI siinik iyyaamah, ‹Ummatey, yi amri akah cintaanaah bala isinnil akah oobissaanam macaa? Yoo cinteeniih anu kaadu sin cineh› siinik iyyah yan» iyye.

Nacmiya 13:23

Too dabaanal kaadu Yahuud-mari Asdood kee Qammon kee Mooyab agabu rihimih abiteenim eexegeh.

Yasaqya 14:29

Isin *Filistiin maraw, ruffu maxcina. Sin aatakuk suge birti yiddigilleh immay, abeesak teena rabtaamah wohuk gacta abeesa ciggiilele. Abeesa xalte naalaytih addak haada baadeysi awqele.

Yasaqya 8:19

Takkay immay sahda, «Ramli qida mara kee kalluwalley tutuc intak xaagu aba» siinik intu wayta waqdi, isin, «Xaagu kalluwallek abtaanamak, Yallak macah abe waytan? Yan marih xaagu rabe marih roocik macah abtan?» 'yaanam keenik axcetton.

Ermiyaas 10:2

YALLI siinik iyyamaa: «Sinam abtam maabina. Qaraanal duma able waak sugten asta tableenimih macunxitina. Sinam annah tan asta table waqdi cunxitaanam tableenimih, isin macunxitina.

Ermiyaas 12:7

YALLI iyyemii, «Anu Israayil marak obboodeh; innih doorite marat darre cabeh an. Ken kiciyyoh immay ken naqboytiitih gabal ken haah an.

Miika 5:11

Magaalooli siinik bayseyyo. Isin naqboyti culaamak hayten koosit inkih foyya abeyyo.

Miika 5:12

Ama sicrih xagarat liton duyye siinik kaleyyo. Sarra takku waytam warissa kalluwalle kee ginnili siinik bayseyyo» iyye.

Xafanya 1:8

YALLI iyyeemih, «Too masgaadah ayro malik gubal tan abbobtiiy, malik-buxah mara kee, marin mari abuk raqtih lem kataata mara siinik digaaleyyo.

1 Samuwel 6:2

Filistiin mari isinni seeka kee baab-abeenitih seeco abeenih keenik iyyeenimii, «YALLIH Qahdi addat akak yan Sanduguk maca abnooh? Akak baahen aracah gacisna waqdi, woo sandug lih maca hayneh rubnooh?» iyyen.