Yasaqya 2:16 - NABUWWA KEE MALIKWA

¹⁶ Kaxxa nabna kee qaxa le maraakib finqisele.

Yasaqya 2:16 ပူးပေါင်းရင်းမြစ်များ

1 Malikwa 10:22

Badal gexa maraakibik butta luk yen. Kay maraakib Curam maraakib lih gexak yen. Too maraakibit yan mari sidooca sanatal inki adda dahab kee lakqooy dakni-qaag kee wagaqwa kee qaxa le kaxxa kimbir eerra heenih baahak yenen.

Yasaqya 2:17

Sahdayti kaxxiina kee anaani gaba kaleleeh; Yallih aftok aqbuduk sugen xeet kee coox bayele. Too ayro nabna luk raqtu waytam, dibuk YALLA.

Yasaqya 23:1

Yalli, Suur magaalah giddinaamak ruube farmo ah teeti. Suur baateeh; Suurul amaatuk yen maraakib edde culak yen marso kee qarwa bayteh immay, maraakib maraw, weeqaay boogisa. Sin maraakib Kobroosuk yuduure saaku, sin qambaltam ta xaagu.

Yasaqya 23:14

Badal maraakibit gexa maraw, boogisa. Wadbah luk sugten Suur baateh.

Yasaqya 60:9

Aham xer baaxok yamaate maraakibi; a maraakib, yi xaylo edde tan maraakibi. Israayil doore Dageltay *kudduusuk yanih migaaqih nabnah baahen dahab kee lakqo a maraakibih addat tan. Tah akah abaanam, yoo ku Dagelti nabna kot heemih sabbata. Macaay intek, allî-baaxoh mari yoo qambaalita» 'yaanam YALLI Yarusalaamak iyyah yan.

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Yacedkel 27:25

Ku tellemmoh duyye kaxxa maraakibit hayya heenih beyak sugen. «Atu kaadu kaxxa duyye quukah le markabay badal gexxahiyyah bis luk sugte.