Yasaqya 2:12 - NABUWWA KEE MALIKWA

¹² Macaay inteenik, YALLAY Nabaamak Nabahiyya ayro le. Too ayrot qande leemiiy kaxxiina kee qubbuy intam inkih wacarroysele.

Yasaqya 2:12 ပူးပေါင်းရင်းမြစ်များ

2 Samuwel 22:28

Kaxxiinita mara, ramma hayta'gidih wagga hayta, YALLAW. Is rammisa marak rooci waddah, Yallaw.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 10:33

YALLAY Dagelta kinnih, Nabaamak Nabahiyya, isih qandey kaxxa cunxo sahdat qiddahiyyat caxak yirgiqen luddi innah ken baysele. Ken addak kaxxiina kee nabnah lafitta 'ya mari bayeleeh qaybit radele.

Yasaqya 13:11

Yalli annah iyye. «Ken umaaneh sabbatah, baadal bala oobiseyyooh; umaanet asa mara ken umaanek gexxaamah digaaleyyo. Kaxxam isit yakkale mara ayqunxeeyyo; racmatta-maleelay anaani lehiyya ramma heeyyo.

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

Yasaqya 13:9

YALLIH ayro amaatele. Toh, Yallih-naqabuy kaxxam gibdi edde yakku waa ayroy racmatta sinnihiyya. Dambi elli haa mari inkih bayeleeh, baad abuuruh raaqele.

Yasaqya 14:15

toh makkinnay akeerak iqiyal rabe mara lih gacte.

Yasaqya 23:9

ta magaalal tah oobissem, YALLAY Nabaamak Nabahiyya kinni. Akah abem, teetiy sahda elle kaxxiinitak sugte bayisa'gidiiy; baadal migaq-gexxo le mara inkih wacarroysa'gidih abe.

Yasaqya 24:21

Too ayro YALLI qaraanal taniimiy cayla lehiyya qaraanal digaalele. Baaxô-bagul tan amoytitte kaadu digaalele.

Yasaqya 24:4

Baaxo kafeleeh, coox laqaymuumele. Addunyâ-bagul yan mari boolaatele. Kaxxa marah yan mari aqunxuyuk maacisele.

Yasaqya 40:23

Cayla-leelah tan abbobtik, cayla beyah, ken cabsiisah; keenik beyah, foyyal caba. Baadal amri tecee abbobti finqah ruubah, foyyal caba.

Yasaqya 42:15

Qaleela kee koomaami abur abeyyo; caxa kee qayso elle mataabuka. Illaltah sugte baaxo kafseyyo; doritte elle sugte baaxo kafseyyo.

Yasaqya 5:15

Kulli num keenik qaybit radeleeh, gaca mara akkelon. Kaxxiina leela aqunxeele.

Yasaqya 61:2

YALLI, isi mara edde wadu waa wakti kee, isi naqboytit edde digaalu waa ayro temeetem warsa'gidih, yoo ruube. Rookat yan mara aytikumusa'gidiiy

Ermiyaas 12:9

Yi maray anu dooritehiyya, kimbiiriy qawi kulli kabuk maraasiytehiyya yekken. Alluwwa ken takme'gidih akah seeca.

Ermiyaas 13:9

yok iyyemii, ‹Yuuda kee Yarusalaam marih kaxxiina, tama saroh innah heeyyo.

Ermiyaas 30:7

Kaxxam uma ayro amaatele. Too ayroh innah tan ayro way matamaata. Yaqkuubuk rade mari too ayro abam waagisele'mmay, tohuh rabak cattiimelon» iyye.

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Ermiyaas 50:31

YALLAY Dagelta kinnih, Nabaamak Nabahiyya kaadu qagseh iyyeemih, «Baabelon maraw, isin yol kaxxiinitteenim hinna! Wohoysa a saaku naqboytah siinik maaciseh an. Sin edde digaalu waa wakti xayyooweh.

Yacedkel 13:5

Tiddigille gidaarwa siinih madacrisaanaay; woo gidaarwa nammeyhaak maxisan. Yallih-carbi siinit yakku waa saaku, kalalu siinih mayakkan.

Daaniyel 4:37

Tonna leemiik yoo Nabkadnessar qaraanal yan Malik faylisaah kaa assakaxxeh. Usuk le nabnat yaabah, usuk abba heem inkih cakkik taniimiiy, kay giti cakki gita. Kaxxiina le marak kaxxiina kalu dudda le» 'yaanam iyye.

Qaamus 5:18

Qaamus qagseh keenik iyyemii, «Isin YALLIH cokmih ayro qambaala maraw, woo ayro diteh tan ayro'kkal, meqe ayro hinnaay; woh abletton!

Miika 2:3

Tohuk gexxaamah YALLI iyyeemih: «Anu too maral bala ruubam faxa. Anu ruubu waa balak num siinik macattiima. Kaxxa gadaamah gadaamitetton. Tahaysa kaxxiinah amo qaraanal haak magexxan.

Miika 5:11

Magaalooli siinik bayseyyo. Isin naqboyti culaamak hayten koosit inkih foyya abeyyo.

Xafanya 1:16

Too ayro qeebi radu waamih astah *baanta amuggurele. Naqboyti-qaskar abtah tan tirtirah xongolo, inkih tan baaxol antaabbele. Magaalat maroh tan kaxxa gaso korelon; amo xer qarik amo korelon.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

Malaaki 4:5

«YALLIH ayroy sahda akak meysitta kaxxa ayro kinnihiyya tamaateemik naharal, anu nabi Eliyyas sin fan ruubeyyo.