Yasaqya 19:25 - NABUWWA KEE MALIKWA

²⁵ YALLAY Nabaamak Nabahiyya barkat keenit heeleeh, keenik iyyu waamah, «Masri maraw, yi mara kinnitoonuuh; Assuuriyah maraw, yi gabah taama kinniton. Israayil maraw, isin kaadu yi ikoyta kinniton» keenik axceleeh, barkat keenit heele.

Yasaqya 19:25 ပူးပေါင်းရင်းမြစ်များ

Yasaqya 19:24

Too ayro, Israayil mari nabnah Masri kee Assuuriyah marat missoowele. Ta sidiica rasih mari addunyal enna 'ya marah barkat akkele.

Yasaqya 27:13

Too ayro, kaxxa *baanta aagureloonuuh tet kaayiselon. Masri kabuk gitah been mara kee, Assuuriyal baatit yan marah seecaana'gidih tet aagurelon. Too baanta aabbeloonuuh amaatelon. Yarusalaam-qaley saytunil YALLA aqbudeloonuuh, kaa aynabelon.

Yasaqya 29:23

Macaay inteenik, anu siinih acee xaylo tabloonu waytan waqdi yoo aqbudetton. Yaqkuub doore Dageltay kudduusuk-yani kinniyom yok aaxigetton. Yi migaq aynabetton. Yi meysi xagarat siinik culele.

Yasaqya 45:11

YALLAY sin gine siinik iyyam le. Israayil doore Dageltay kudduusuk yani iyyamaa: «Sarra takku waytam elle takke inna kee yi xayloh giddinaamak, num tu yoo essere waay. ‹Ah abaay woh ab› yok maxcina.

Yasaqya 45:14

YALLI iyyamaa: Yi ummatey, Masri kee Kuus mari le duyye sinim abeyyo. Saabah maray lafa xeerihiyya siinil amaateleeh, sin mara akkele. Silsilatat axawah anuk, sin kataateloonuuh, assakaxxiyyah amo qunuunussa heenih, ‹Yalli sin qaxat yanim nableh naniih, kaak sah yalli mayana› 'yaanam axcelon» iyyah yan.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 61:9

Baadal tan ummattah addal, migaq le mara akkelon. Ken yable mari YALLIH barkat gee mara kinnoonum keenik aaxigelon.

Yasaqya 63:17

Ku gitak nee hoxissam macaay? Ku yab aabbe sinni maray darre kot caba nee akah abtem macaay? Ku naqoosa kinninok, nel uduur; ku mara kinninok, nel uduur.

Yasaqya 64:8

Takkay immay YALLAW, atu nek abba kinnito. Nanu kallaay; atu kallak buuti bicsa numih bis lito; nakkeemik ku gabah taama kinnino.

Yasaqya 65:23

Cawal keenik mafoyyaata; abeenim foyya matakka. Macabaaritta, ken xaylo; anu barkat keenit heeyyo. Ken samad barkattoyseyyo.

Ermiyaas 10:16

Yaqkuub doore Dagelti woo duyyeh bis le Dagelta hinna. Kullim gintem kaa; Israayil ummat ikoytah lem kaa; Kay migaq YALLAY Nabaamak Nabahiyya.

Ermiyaas 2:7

Tokkeek niqmatah tan baaxoy kudaar kee buqre elle aboonu waanahiyya fan ken baahe. Takkay immay yi baaxoy siinih eceehiyya caraamu yok abten. Baaxo yok wasak abten.

Hosiqa 2:23

Inni mara le baaxol nookiseyyooh, ken gaddaliseyyo. Racmat-Wee akak axcuk suge marah racmateyyo. Yi mara hinnon akak axcuk sugen mara, inni mara abeyyo. Yi mara kinniton keenik axceyyo. Ni Dagelta kinnitoh yok axcelon» iyye.

Zakariyya 8:13

Yuuda kee Israayil maraw, duma yan saaku allî-baaxoh mari titta abaara waqdi, ‹Yuuda kee Israayil tibbixe bala sin tabbaxay› 'yaanam tittak axcuk sugen. Takkay immay a saaku tohuk sin cateyyo. Toh axcuk suge mari, ‹Yalli Yuuda kee Israayilit hee barkat siinit haay› akak inxicca iyyan barkat siinit heeyyo. Tonna kinnuk agiira takkeeniih meysi cabtaanam siinil tan» iyye.