Yasaqya 19:21 - NABUWWA KEE MALIKWA

²¹ Tonnal, YALLI Masri marah ambulleeleeh; too waqdi kaa aaxigelon. Kaa yaqbudoonuh, sadgat kee mattaco kay migaaqal abeloonuuh; YALLAH nadri culeloonuuh woo nadri duuduselon.

Yasaqya 19:21 ပူးပေါင်းရင်းမြစ်များ

1 Malikwa 8:43

too dooqa kaak raabitaay koo akah kallacem kaah ab. Isih dabqah elle tan qaraanak kay yab oobbey. Tonnal, Israayil ummattak kaxxih, addunyal enna 'ta ummatta koo aaxigeleeh ku amri duudusele. Toh lih kaadu, a qariy anu xisehiyya koo elle yaqbuden qari kinnim aaxigelon.

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 11:9

Lee bad akah kibta'nnah, Yalla yaaxige mari inkih tan baaxo kibeleemih sabbatah, Yallih qaley taahirik tanihiyyah amol sahda biyaaku waah meqem bayisu waa num mayana.

Yasaqya 27:13

Too ayro, kaxxa *baanta aagureloonuuh tet kaayiselon. Masri kabuk gitah been mara kee, Assuuriyal baatit yan marah seecaana'gidih tet aagurelon. Too baanta aabbeloonuuh amaatelon. Yarusalaam-qaley saytunil YALLA aqbudeloonuuh, kaa aynabelon.

Yasaqya 37:20

Tonna'mmay ta saaku YALLAW, ni Dageltaw, ta numih gabat rade nee kal. Ta numih gabak nee teyyeeqek, kok sa YALLAW, Yalli ane waam, baadal tan doolatwa inkih aaxigele» 'yaanam dooqah iyye.

Yasaqya 44:5

Num numuk, ‹YALLIH num kinniyo› axcele; aki num, ‹Anu Yaqkuubuk rade num kinniyo› axcele; Gersi num kaadu, isi gabal ‹YALLIH imi› aktubeleeh yi migaaqah ‹Israayili› 'yaanam axcele» iyyah yan.

Yasaqya 45:14

YALLI iyyamaa: Yi ummatey, Masri kee Kuus mari le duyye sinim abeyyo. Saabah maray lafa xeerihiyya siinil amaateleeh, sin mara akkele. Silsilatat axawah anuk, sin kataateloonuuh, assakaxxiyyah amo qunuunussa heenih, ‹Yalli sin qaxat yanim nableh naniih, kaak sah yalli mayana› 'yaanam axcelon» iyyah yan.

Yasaqya 49:7

Israayil ummatta wade Dageltay *kudduusuk yanihiyya, sinam intit bura leeh baadal tan ummat niqba numuy abbobtih yan marah naqasu yekkehiyyak iyyamaa: «Amoytit koo tabalu wayta waqdi, aracak ku assakaxxah ugtele. Baaxoh abbobti koo table way gomboh radele. Ta mari ta assakaxxiyya akah abu waam, YALLAY digga lehiyya isi farmoytah koo dooreemih sabbata. Yeey, ta mari ta assakaxxiyya akah abu waam, Israayil doore Dageltay kudduusuk yani isi farmoytah koo dooreemih sabbata» iyya.

Yasaqya 55:5

Wagitey! Israayil doore Dageltay kudduusuk yanihiyya migaq kee nabna kum abeemih sabbatah, koo aaxaguk suge wee marah koo fan edde yamaateeni'gidih amri ruubettooh; too mari koo fan arduk amaatele. Tamah abtu waytam, yoo YALLAY ku Dagelta kinnihiyya» iyye.

Yasaqya 56:7

Siyon qaley taahirik tanihiyya fan sin baaheyyooh, yi migaaqal abtan sadgat siinik oggoleyyo. Dooqa yoo fan elle aban qarih addal ruffa axcetton. Tonna-leemiik, yi qari baadal tan ummat inkih dooqa elle abta qari deqsitele» 'yaanam keenik iyyah yan.

Yasaqya 60:7

Keedar kee Nebayot mari illik elli haam sadgatah ku fan baahelon. Yoo ruffu haana'gidih, sadgatah asguudeloonuh; anu too sadgat keenik oggoleyyo. Tonnal yi qariy bilqa lehiyya qax-meqe bilqak kibeyyo.

Yasaqya 66:23

Alsi elle bilinnaanimil aban qiid kee, kulli sabtih aban qiidih, sinam inkih Yarusalaamal yoo taqbude'gidih amaatele» 'yaanam iyya YALLI.

Yoonas 1:16

Toh yublen waqdi, baddi mari YALLAK kaxxam meysiteh raaqeeh; tonna leemiik YALLIH migaaqal sadgat abeenih nadri kaah culen.

Cabakkuk 2:14

Bad kibuk akah yan innah, baaxol yan mara kaadu YALLIH nabnah ixxiga duudele.

Xafanya 3:10

Kuus-rasuy xeerihiyya fan yinkiliqeh suge yi mari sadgat yoh abeleeh yol xaaqimele.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.

1 Samuwel 17:46

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.