Yasaqya 19:20 - NABUWWA KEE MALIKWA

²⁰ Too aracay sadgat elle abaana kee qamiddi, YALLAY Nabaamak Nabahiyya Masril yaniimih asta akkele. Tokkel yan marat xukko takku waytaah YALLAL cato esseroonu waan saaku, wakiiliy ken catu waa keenih ruubele.

Yasaqya 19:20 ပူးပေါင်းရင်းမြစ်များ

Yasaqya 19:4

Masri mara racmatta sinniih xuwaw sinni malikiy uma xintoh ken xiinisu waahiyyah gabal heeyyo. Aham intam yoo, YALLAY Dagelta kinnih, Nabaamak Nabahiyya» iyye.

Yasaqya 20:4

Assuuriyah malik woo namma rasuk carbit yibbixe mara qasunuk beele. Qunxaamaay kaxxam inkih gambi qassih, iba qassih, deega qassih beeloonuuh, Masri mari qaybit radele.

Yasaqya 37:36

Tohuk lakal YALLIH malaykatti Assuuriyah-mari elle yan ikke barat amma 'yeh, bool kee bacra-taban kee koona alfih num yiggifeh maacise. Saaku sinam xiinik ugutte waqdi too gide yakke marih ginaada yublen.

Yasaqya 43:11

YALLI dibuk yooy; yok kalah Yalli mayan; yok sah wadoot akak geytan Yalli mayan.

Yasaqya 43:3

Macaay inteenik, YALLAY sin Dagelta kinniih sin wadahiyya yoo. Israayil doore Dageltay *Kudduusuk yanihiyya yoo. Isin currih tawqeeni'gidih, Masri-mara sin gidyatah ecee. Kuus kee Saba sin aftok ecee.

Yasaqya 45:15

Israayil doore Dageltay ken wadehiyyaw, atu nummah is yaaqure Dagelta kinnito!

Yasaqya 52:5

A saaku kaadu tonnah tanim siinit tekke. Seewah been marah tantoonuuh, wohul yeexegen lakqo matana. Sin amol reedah yan mari yol tirtirisaah, ‹Nanu abnu waynaamow› iyyan. Inkih tan ayro yoo xaafak assan.

Yasaqya 55:13

A saaku waaqeexa elle tan aracal, saagan aabukele; sibaasib elle yan aracal, ceba aabukele. Taham, YALLA elle kassitan waarta asta takke» iyyah yan.

Yasaqya 60:16

Doolatwa kee malikwa meqe'nnal koo dacrisele. Too waqdi yooy YALLAH yani koo wadem aaxigetto. Xixxibaanek koo yeyyeeqe Dagelta kinniyom aaxigetto. Yaqkuub doore Dageltay cayla le kinniyom aaxigetto.

Yasaqya 63:8

YALLI, «Oson yi maraay; yi xayloy yoo make wayta kinnon» iyyeeh, tonna leemiik ken wadeena yekke.

Yoosuwa 22:34

Ruuben kee Gaad mari, ‹Astah sin kee ni fanal yani'gidih xisne arac YALLI ni Dagelta kinniimih sumaq akkele» 'yaanam iyyen. Tohuk gexxaamah woo aracak migaaqah «Sumaaqa» 'yaanam iyyen.