Yasaqya 19:2 - NABUWWA KEE MALIKWA

² YALLI iyyaamah, «Masri addal sahda kee sahda qeebih tittat ruubeyyooh; toobokoyta kee toobokoytaay, cuggaane kee cuggaane qeebih tittat ruubeyyo. Namma magaalah mara qaduwwih tittin amot heeyyo. Doolatwa tittat ruubeyyo.

Yasaqya 19:2 ပူးပေါင်းရင်းမြစ်များ

1 Malikwa 16:21

Tohuk lakal Israayil mari malikih haan numih dooriyyal titta weenih, namma'kkeh gaceeniih; marak garab keenik Ginat deqsita numih baxay Tibni migaq luk yenehiyya malikih haanam faxen. Aki garab keenik duma heenih sugen Qomri malikih yanay 'yaanam iyyen.

2 Aydaad 15:6

Doolat doolatat xukkutakaay, magaalak teenal yan mari, gersi magaalal yan maral umam baahak yen. Tohum akah akkuk tenem, Yalli isi makkok gadaama kee gibdaabina sinaamal oobisak sugeemih sabbata.

Yasaqya 3:5

Mari marat keenik xukkutele. Qunxa urri barah naba mara mayassakaxxa. Tut loowoh suge wee mari, isik naba mara mayassakaxxa.

Yasaqya 9:21

Manasse kee Efrayim mari qeebi tittat abeenih, tonnah kaadu, titta lih gacca 'yeenih Yuudâ-marat qeebi aben. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 46:12

Sin qaybi rasi inkih yoobbeh. Isin abten weeqa aabbe wee mari mayana. Qeebil agiirak yan mari titta cabeh kudelon. Too waqdi titta ankiseloonuuh, asillimi titta mahaan», 'yaanam YALLI iyye.

Ermiyaas 51:46

Sanatalaay qusba xaagu baahaanaah, hebeltô-makaabanti hebeltô-makaabantut qeebi abe iyyan. Qeebi radele 'yaanamih texce-texcek mameysitinaay, niya siinik rade waytay.

Yacedkel 38:21

Googul umaaneh innah tanim baaheyyooh, akak cunxitta 'ya umaane kaal ruubeyyo. Taham intam yoo YALLAY Mulki lehiyya. Kay mari qeebih tittal aduureleeh seefit titta qidelon.

Zakariyya 8:10

Ahak duma ummat fanal tittin way kee naqabu ruubeh eneeh; naqboytak isi rooci catam duuda num ken fanat musuginna. Sahda lakqoh tamsiisaanam kee saq kirah geyaanamih dudda le num masuginna.

Makaabon 7:22

Gidqoon mari yakkeemiik sidiica boolih baanta yoogoren waqdi, YALLI, Miidiyan mara qeebi tittat ken yuyfukuneeh, seefit titta qiden. Too mari tokkeek aben kudmah, Dareeda deqsita rasuk Beet-Sitta deqsitta magaala kee, Aabil-Macoola deqsitta magaala dariifal tan baaxoy Tabaaqot deqsitta magaalat xayuk raqtahiyya fan yoowwen.

Makaabon 9:23

Tohuk lakal Yalli, Abimalik kee Seekem marih fanat tittin way ruubeeh; tohuk gexxaamah kaat makoyteenih.

1 Samuwel 14:16

Saawuluk dacayrih yan maray Benyam baaxok Gibqa deqsita aracal sugehiyya Filistiin-maray kinni'nna waagisay kudahiyya yublen.

1 Samuwel 14:20

Sarrak kaa kee kay qaskar, Filistiin-maray inkitanuuk baditeeh isinni kee isinnih qeebi tittat abahiyya fan gexen.