Yasaqya 19:19 - NABUWWA KEE MALIKWA

¹⁹ Too ayro, Masri rasuk gudet, YALLAY Nabaamak Nabahiyyah sadgat elle aban arac heelon. Masri cuduudul kaadu xeetik bicsen qamidduy kaa elle kassitaanahiyya heelon.

Yasaqya 19:19 ပူးပေါင်းရင်းမြစ်များ

Yasaqya 56:7

Siyon qaley taahirik tanihiyya fan sin baaheyyooh, yi migaaqal abtan sadgat siinik oggoleyyo. Dooqa yoo fan elle aban qarih addal ruffa axcetton. Tonna-leemiik, yi qari baadal tan ummat inkih dooqa elle abta qari deqsitele» 'yaanam keenik iyyah yan.

Yasaqya 60:7

Keedar kee Nebayot mari illik elli haam sadgatah ku fan baahelon. Yoo ruffu haana'gidih, sadgatah asguudeloonuh; anu too sadgat keenik oggoleyyo. Tonnal yi qariy bilqa lehiyya qax-meqe bilqak kibeyyo.

Yasaqya 66:23

Alsi elle bilinnaanimil aban qiid kee, kulli sabtih aban qiidih, sinam inkih Yarusalaamal yoo taqbude'gidih amaatele» 'yaanam iyya YALLI.

Ermiyaas 46:2

Yoosiyaahû-Yahoyaakim Yuudâ-malik edde yekke fereyhaytô sanat, Furaat weeqaytih xaqul Karkamis deqsita aracal, Baabelon-malikiy Nabkadnessar deqsitahiyya, Masri-malikiy migaaqah Nako deqsitahiyya le qaskarat qeebi abeeh, qeebil keenik yeyse. Too saaku YALLI, Masri giddinaamak Ermiyaasak iyyeh sugem ah teeti:

Yacedkel 29:1

Seewah nee edde been tabanhaytô-sanatak tabanhaytoh alsak taban kee nammeyhaytoh ayrot, YALLIH qangara yol obteeh; yok iyyeemih:

Yacedkel 30:1

YALLIH qangara yol obteeh; yok iyyeemih:

Yacedkel 31:1

Seewah nee edde been taban kee inikhaytoh sanatak sidochaytoh alsak inikhaytoh ayro, YALLIH qangara yol obteeh; yok iyyeemih:

Yacedkel 32:1

Seewah nee edde been taban kee nammeyhaytô sanatak taban kee nammeyhaytoh alsak inikhaytoh ayro, YALLIH qangara yol obteeh; yok iyyeemih:

Zakariyya 6:15

YALLIH Qibaadah-Qarih xisneh allal yan mari amaateleeh, xisnet gaba assagallelon. YALLAY Nabaamak Nabahiyya sin fanah yoo ruubem too saaku aaxigetton. Tonna'mmay tah inkih takku waytam, isin YALLAY sin Dagelta kinnihiyya aba iyyem dudda luk abtoonu waytan saaku.

Yoosuwa 22:10

Too mari Gallot deqsita aracay Ordon weeqaytuk ayrô-culma le kabut raaqahiyya gufen waqdi, weeqayti garil kaxxam naba aracay sadgat elle abaana bicsen.

Yoosuwa 22:26

Aham sin kee nee kee sarrî-dabaanah nek radu waa marah, nanu, YALLA yaqbudeeh YALLIH Qibaadah-Siraqih garil kulli qaynatih sadgat abaah, tooboko lih YALLA yaqbude mara kinninoomih astah, sin kee ni fanal yani'gidih, hayne arac ikkal, YALLA cinna hayneh sadgat a aracah abna'gidih mahannino. Tonnal sin ramad ni ramadak, ‹Isin YALLI doore mara hinniton› iyyaanam matakka» iyyen.

Yoosuwa 22:28

Kaadu qagseenih iyyeenimih, «Taham akkuk maacissa 'teeh, siinik radu waa mari ah inxicca 'yek, tonnal ni ramad, ‹Nanu akak radne ni kaxxa abbobti bicisse arac wagitay, YALLAH sadgat elle aban aracih bis lek. A arac akah bicseenim, sadgat elle aboonu hinnaay sadgat akak carrisan saq elle qidaana'gidih maxisinnoonuuy, sin kee ni marih fanal asta yakke'gidik ten› axceloonu 'yaanam niyal hayya hayneh xisne» 'yaanam iyyen.

Yoosuwa 22:34

Ruuben kee Gaad mari, ‹Astah sin kee ni fanal yani'gidih xisne arac YALLI ni Dagelta kinniimih sumaq akkele» 'yaanam iyyen. Tohuk gexxaamah woo aracak migaaqah «Sumaaqa» 'yaanam iyyen.