Yasaqya 19:12 - NABUWWA KEE MALIKWA

¹² Masri malikow, ku tu-taaxaguy fayu koh acayuk tene mankel tan? Oson duudeenik, YALLAY Nabaamak Nabahiyya Masri marah loowam koh warsoonay.

Yasaqya 19:12 ပူးပေါင်းရင်းမြစ်များ

Yasaqya 14:24

YALLAY Nabaamak Nabahiyya xiibiteeh, «Anu ucsubem abeyyo. Akkele akak excem akkele.

Yasaqya 44:7

Yi bis lem iyyaay? Yi gid takkem tenek yaabittay. Tanim tekkek, abtem elle abte'nnah away yoh baxxaaqissay. Tanim tekkek, anu elle abe'nnal, sahda dumaak isim elle abteeh elle dacrisse'nna yoh baxxaaqissay. Yi gid takkem tenek, sarra takku waytam warissay.

Yasaqya 5:21

Kaxxa kas lem isik yakkaleeh, kaxxam bagi cubbih is dareema maraw, woyyow, siinit takku waytaamow!

Ermiyaas 2:28

Anu siinik axceemih: Yalla akak intan duyyey isinni gabak bicisseenihiyya ankel tan? Ta duyyey yalla akak intaanahiyya mangah sin magaaloolik madagok, gadaamittaanaah caalat siinil uma waqdi, sin akah cate waytam macaay? Sin edde wadan dudda maay lon?

Qobadya 1:8

Edomuh yooboke mara digaalu waa saaku, kas le mara keenik selli heeyyo. Luk sugen kas ken waysiiseyyo.

Makaabon 9:38

Sarrak Dabul kaak iyyeemih, «Hay, taway, kaxxa tirtiray abak sugte manke kok gexxe? ‹Kay gubat akah gacnam macaay› akak axcuk sugtem, tama numu. ‹Tu'mara hinna› akak axcuk sugtem, tama marak; taway gexay koosit» kaak iyye.