Yasaqya 18:2 - NABUWWA KEE MALIKWA

² doolat farmo baaha mari bayrek bicsen doonikit gacca 'yeh badal amaatele. Farmot sissiki maraw! Qande le doolat le maray xeeriih, tonnah kaadu, xagar arab akak xamciniih addunyal inkih akak meysitaanahiyya fan farmo beya. Ken baaxo weeqaytitte adda akak radde baaxo.

Yasaqya 18:2 ပူးပေါင်းရင်းမြစ်များ

2 Aydaad 14:9

Ayrok teena Dara deqsita numuy Kuusuh yoobokehiyya malyoon qaskariita kee sidiica boolih faras-gaariy qeebi edde abaanahiyya haysitta heeh, Yuudâ-rasu yabbixe'gidih, Mareesa deqsitta magaala xaqu yemeete.

2 Aydaad 16:8

Macaa, mangah tu gactek, Kuus kee Liibiya loowo sinni gaariiray qaskar qeebi edde abtahiyya kee mango qaskaray faras amok qeebi abtahiyya luk tene'mmay, woo saaku YALLAL kibaal hayteemih sabbatah, YALLI keenik koo yiysiseh.

Yasaqya 18:7

Toh tekke saaku, weeqaytitte adda akak radde baaxo le maray qande le doolat leeh, tonnah kaadu, xeeriih xagar arab akak xamciniih addunyal inkih akak meysitaanahiyya, YALLAY Nabaamak Nabahiyyah acwa baahelon. Woo mattaco Siyon-qaley YALLAY Nabaamak Naba elle yaqbudeenihiyya fan baahelon.

Ermiyaas 49:14

Ermiyaas qagseh iyyeemih, «Edom maraw, YALLAK farmo yol obte. YALLI qeebi siinit abu waa marah farmo ruubeeh, ‹Gaaboowaay Edom marat qeebi abtoonuh bical gaca› 'yaanam iyye.

Yacedkel 30:9

Too ayroy Masri finqa yakku waahiyyal, amaanah xiinak suge Kuus marat cube waak sugen cunxo qidu waa farmoytit markabat ruubeyyo. Too ayro xayyowteh taniih; xayuk amaateleeh; cunxo keenit heele.

Qobadya 1:1

Ah, Qobadya deqsita nabi Edom giddinaamak naharal edde yaabe yaaba. Toh YALLAY Mulki lehiyya kaa yuybulleeh, edde yaabeemi. YALLI isi farmoyta baadal tan ummatah ruubeeh; nanu kay farmo noobbe. Too farmoyti iyyemii, «Nee ugusay Edom marat qeebi abna'gidih nee beya» iyye.

Cabakkuk 1:7

Sahdat cunxo kee meysi qideloonuuh; sarrak isinnih meqe madqay ken fayya haytahiyya mudelon.