Yasaqya 17:6 - NABUWWA KEE MALIKWA

⁶ Dago mari keenik raaqele. Israayil mari *daytuun caxay xaylo inkih akak ifiilla heenih, namma *daytuun akkeey sidooca *daytuun akke amot akak raqte akke kee, hinnay kaadu, gubi luddat dago xaylo akak raqtehiyya innah gacelon. Ah intam yoo YALLAY Israayil doore Dageltah yanihiyya kinni» iyye.

Yasaqya 17:6 ပူးပေါင်းရင်းမြစ်များ

1 Malikwa 19:18

Takkay immay yol imaan luk sugeeh, Baqal-akak-iyyaanamah-qibaada elle abaana'gidih gabak bicsen duyyeeyah gommoh rade weeh, woo ceelo fugute wee maray malcina alfih num yakkehiyya rooci luk ken cabeyyo» iyye.

Yasaqya 1:9

YALLAY Nabaamak Nabahiyya, Yarusalaamal yekkeh yan wararak marak garabak rooci cate waamal, Yarusalaam magaala Sodom kee Gomorrak kaxxih, inkitanuuk baye rarte.

Yasaqya 10:22

Away Israayil mari mangah baddi afih qiddeh gide yakkeemih dago mari aduurele. YALLAY Dagelta kinnih, Nabaamak Nabahiyya inkih tan baaxooxat «Abeyyo» iyye baati elle inxicci 'ye innal abe leemih sabbatah, Israayil-ummattat «Abeyyo» iyye baati bical taniih; a baati keenih elle taguude innal keenit akkele.

Yasaqya 24:13

Addunya kee addunyal enna 'ta ummatat, tamah takku waytaama. Caxâ-miru akak yifiilen caxah amot, akak aylahiten caxâ-miri tiya-tiyah akah raqta innah, addunyay baatehiyyah bagul num-num saaboh raaqele.

Yasaqya 27:12

Too ayro YALLI, Furaatak xabba haanamaay Masri cuduudul yan daqaarah amma 'yaanam fan, Israayil ummat gaaboysele. Isi mara gaaboysele. Kamadik caffa elle baxsan innal, ken baxisak ken gaaboysele.

Ermiyaas 4:27

Macaay inteenik, YALLI, ‹Inkih tan baaxo abuuruh raaqele iyyeh immay, inkitanuuk tet bayseyyo 'yaanam maxacco.

Yacedkel 39:29

Israayil marat inni Roocaaniyya heeyyo. Tahak wadir darre keenit macaba. Tahat yabtam yoo YALLAY Mulki lehiyya» iyye.

Qobadya 1:5

«Garqi bar buxa garqa waqdi, buxal sugga 'tem mabeyay, isih faxem addak dooreh beya. Sahda qinab xaylo tafiile waqdi, caxah amot dagom cabta. Takkay immay sin naqboytit gaba siinil haytu wayta saaku, tu siinik macabaanay foyya sin abelon.

Miika 7:1

Nabi Miika iyyeemih, «Woyyow yi nabsow! Satqiteh yemeete numuy caxat caxâ-miru weeh, qinab-xaylo wee ekke. Qinab kee salfa luk yen caxâ-miruk tu matan.

Makaabon 8:2

Usuk too waqdi keenik iyyemii, «Anu abem isin abteenimih gide takkem hinna. Isin inkih yan Efrayim marak abteenim, ni mari yakkeemiik abeemik fula le.