Yasaqya 17:13 - NABUWWA KEE MALIKWA

¹³ Doolatwa baddi haffoh innah habbuy inta. Takkay immay Yalli ken yassacakku waa waqdi, qaleh amok caacay baahe siisah innah, wadir gacelon. Silayti baahe caffih innah wadir aduurelon.

Yasaqya 17:13 ပူးပေါင်းရင်းမြစ်များ

Yasaqya 14:25

Assuuriyah maray yi baaxol yanihiyya bayseyyo; inni qaleh amol keenit aaqiteyyo. Inni mara Assuuriyah marih xukkok ayyaaqeyyo; fillal keenik suge quuka keenik kaleyyo.

Yasaqya 21:15

A mari akak yoowwem, seefiy ken edde qidaanam faxak sugeeni. Siiben seefik kudeenih yemeeten. Gaysê-baxay ken edde mudoonuh qalaamiseenik kudeenih yemeeten. Rada carbik addak kudeenih yemeeten.

Yasaqya 22:18

Ukkuqqa koo heeh, koqosoh innah kaxxam naba baaxok bagul koo qidu waa waqdi, kombobbolettooh, tokkel rabetto. Elle kaxxiinitak sugte faras-gaariira elle kok raaqele. Atu malik-buxak migaq baysa num kinnito!› kaak inxic» yok iyye.

Yasaqya 27:1

Too ayro YALLI isi seefiy nabam gibdiih, qande kee nabna let, Leyyatan qidele. Leyyatan deqsita kaxxa abeesay makmakitak gexxa digaalele. Leyyatan deqsita kaxxa abeesay kudak sugte digaaleleeh, kaxxa alay baddi addal yaloolehiyya qidele.

Yasaqya 29:5

«Takkay immay mango naqboytiitiy kot qeebi abahiyya siisa akkele. Koh racmate waa mari caffay caaco beyte akkele» iyye. Tah sissikuk takku waytaama.

Yasaqya 30:28

Kay ufuy kaxxa weeqay kullim duufut beyahiyyah bis le. Baadal tan doolatwa yaqiyyireh, finqa ken abele. Baadal tan ummatta badseleeh, santiitat hayya ken heeh makot ken beele.

Yasaqya 34:17

Baaxo keenih kurtu waytam YALLA'mmay, tokkel dabaaqah sugelon. Baaxo kaadu daayiman kenim akkele.

Yasaqya 40:15

YALLI doolat tuh mayabla. YALLIH garil doolatwa inkih, roobuk radde tiffoh gide; qiddeyti gide, kay foocal. Gadirwa inkih YALLIH garil, gabat heen ballaaqeh gide.

Yasaqya 40:24

Ubukka 'teh cabaaritte, qunxa caxah gide kinnon. Yalli caaco ruuba waqdi, qunxa caxa cabaarittah; kaffa karacca 'tah rabtah. Baaxoh abbobti too gide. Caaco beyta caffa yakken.

Yasaqya 41:11

«Sin niqba mari nasri wayya heeh, wacarriy ken abbixelem digga. Sin biyaakah ugte mari bayeleeh suge weeh innah gacele.

Yasaqya 8:7

tonnal yooy Goytah yani, Assuuriyah-malik kee usuk elli haa qaskar ken radaana'gidih baaheyyo. Furaat kaxxa weeqaytuy sissikuk gexay dariifal caxittah innah amaatelon.

Daaniyel 2:35

Woo waqdi woo birta kee kallaay, nacaasaay lakqo kee dahab inkih, inki-adda caffa tekkeeh, caacay woo caffak raat cabe'kal inkih beeh. Takkay immay woo kaxxa xaa, baaxo inkih dudda qale yekke.

Hosiqa 13:3

Tohih sabbatah ta mari, saaku maacisa naafu kee qubul ayro tewqek wadir elle baata'nnal, bayelon. Anfiyan daroh caffa caacay elle beya innal qellitelon. Girak yawqe qer elle baya innal bayelon.

Xafanya 2:2

YALLI bagcarritaah, kay naqbi siinil oobaamak dumal, edde tanin soxak uduuraay, caaco beyte caffa makkina.