Yasaqya 17:10 - NABUWWA KEE MALIKWA

¹⁰ Toh macah sabbatah akkeleemih inteenik, Yallay, kaxxa qale akah eleelitan innah aleelo siinih yakkeeh sin wadahiyya, hawwenteenih. Kaa cabba hayteenih, taahirik yan cooxu axcuk, isinni gabak coox tuysubukeenih, marin baaxok baahen coox tuysubuken.

Yasaqya 17:10 ပူးပေါင်းရင်းမြစ်များ

1 Aydaad 16:35

«Yallaw, ni Wadeenaw, nee cat. Candu koh akah gacisnaah, ku migaaqay *kudduusuk yanihiyya faylisna'gidih, a aki marih addak nee gacisaay keenik nee wadey» dooqah kaak intaama.

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 17:9

Too ayro ken magaalooliy meqe innah gaso maroh edde heenihiyya, duma elle suge marih magaalooliy Israayil marak kuden waqdi garbo tekkehiyyah innah, foyya akkeleeh abuuruh raaqele.

Yasaqya 18:5

Qinab xaylo yifiileenik duma, qobor radaah, qinab xaylo alayta saaku, Yalli, qinab caxah luud gilet elle yargiqen innal, ken argiqele.

Yasaqya 25:4

Baaciteeh yossomme marah reebu kinnito, Dageltaw. Gadaama kaa tabbixe way gabat tu sinni miskintuh reebu kinnito, Dageltaw. Too maray ayro carrissah caaco kee rob qayyaawise, reebissah, ken silaalissa. Xuwaw maleelah umaane kaxxa caacoy xeet taggileh inna le'mmay tu mabahta.

Yasaqya 26:4

YALLIH dacayri daayiman tan; daayiman amo nek wagtele. Kulli waqdi YALLA naaminay, YALLAL eemena; kibaal kaal haa.

Yasaqya 30:29

Takkay immay Yallih ummatey, isin ruffa axcetton. Qiddi bar abak yenen saare abetton. YALLA elle yaqbuden qalel, YALLA saarissaana'gidih, fooxima gabat luk tawqen waqdi, farcatah yassallen inna assalletton. Israayil-ummat dacrisa Dageltih-qale yamaate mari farcatah yassalle inna assalle lon.

Yasaqya 33:2

YALLAW, neh emeq. Ku maqaaneh qambaalat nan. Maaci elle maacisinnaanimil maqar net hay. Gadaaminna saaku nee cat.

Yasaqya 44:8

Takkay immay yi ummatey, isin mameysitinaay cunxo sin abbixe waytay. Dumaak siinih warseeh, sin oysoobbeemil yi sumaq siini. Yok sa Yalli maay yan? Mayan. Anu aabbe wee yallay reebu sinaamah yakkehiyya mayan» iyyah yan.

Yasaqya 51:13

YALLAY sin gineeh qaran fidseeh baaxoh kaadu elle solta rakiibo bicse, hawwenteenii? Kulli waqdi siinit xukkutaah, sin baysam faxa marih bagcarritaamah macah meysittan? Ken bagcarra tu makalta.

Yasaqya 61:10

Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Yasaqya 62:11

Macaay inteenik, YALLI baadal tan ummatak inkih iyyeemih; «Siyoonuk, ‹Ubuley, koo wadu waa num yamaateh yan› inxica. ‹Isi galto luk yamaate. Isi-ummatay isih wade, gabat luk yamaateh yan› 'yaanam axcuk teetik inxica» iyye.

Ermiyaas 12:13

Buqreh kamadi qideloonu'mmay, daro orbah gacca 'ta saaku kamadih aftok keenan orbiselon. Yi kaxxa bagcarrak gexxaamah buqret kaxxam cawale loonu'mmay, akak orbisoonu waanam malon» iyye.

Ermiyaas 17:13

YALLAW, Israayil ummat kibaal elle lem koo. Koo bursutta haa mari inkih qawratak radele. Kooy sila le leeh raceynah yanihiyya cine mari siisâ-bagul yuktuben migaq akkelon.

Ermiyaas 2:32

Sugay, qibna fillí-bila hawwentaa? Qad-qari-qibna teetih baahen bila cabba hayteh qad-qari orobtaa? Moorobtam kulli num yaaxige tiya. Yi maraw, isin hay loowo akak igmon ayroorah gide yoo hawwenten.

Ermiyaas 3:21

Ermiyaas iyyemii, «Allak qaleh amok xongolo yol radda. Too xongolo akak raddam, Israayil maray isi Dagelta hawweeneeh, dambi le taamat asehiyyak ten. Too mari aba weeqa kee, kallacih aban xongolo yol radda» iyye.

Yacedkel 22:12

Ku addal yan marak garab, lakqo akah ucuyya haan waqdi, qida iyyen mara qida. Marak garab abuuduh yeceeh yan lakqot gacsal ossotina faxa. Isinni cuggaaneh lakqo dulmih beyan. Ku mari yoo hawweeneh yan. Tahat yabtam, yoo YALLAY Mulki lehiyya› teetik inxic.

Yacedkel 23:35

Yoo YALLAY Mulki lehiyya kaadu axceemih, «Yoo hawwenteeh darre yot cabteemih sabbatah, ama litoh tan sammô-xagit kee abtah tan dalwak gexxaamah, biyak kol oobele» iyye.

Hosiqa 4:6

Yi mari yoo aaxige weenimih sabbatah bayele. Isin kaadu seekak, yooy sin Dagelta kinnihiyya siinih eyyeeqe xinto cinteenih yoo cinteenih. Tohih sabbatah anu kaadu sin cineeh, sin xaylo yi seeka matakka.

Hosiqa 8:14

Israayil mari malik qarwah xiso yeexegeh immay, ken gine Dagelta hawweeneenih. Yuudâ mari, meqe magaalooli dacayrih xisen. Oson malikwah xisen qarwa kee magaalooli keenik bayissa gira keenil ruubeyyo» iyye.

Ayyuqel 1:17

Buqreh qiden dariyyi leê waytih kafe. Daanisen daro masugta. Daro edde daanisak yenen riigittet daro ane waytaamih sabbatah, riigitte finqitte.

Qaamus 5:11

Masaakiinah cakkit taaqiteeniih, daro keenik dirkih beyya haytaanah, isinnih haysittan. Tonnal, ama gabah oren xeetik bicsitten qarwat buxah magactan. Meqe qinab tuysubukeenih taniini'mmay, tuysubuken qinabak bicissen maqab mataaquban.

Cabakkuk 3:18

taham inkih net takke way, YALLI yoo catam aaxaguk, ruffu axceeh, kaxxam tassa axce. Yi Dagelta assakooteyyo.

Xafanya 1:13

Luk suggu 'yen gaddaliino keenik buubelon; buxaaxi keenik bayselon. Xissiten qarwat magacan. Yubquren qinabih kamri mayaaquban» 'yaanam iyye.