Yasaqya 16:8 - NABUWWA KEE MALIKWA

⁸ Cesbon garit tan buqre kee qinab-buqrey Sibma deqsitta kafte. Mango baaxooxah abbobti woo qinab-cooxut teeqete. Woo qinab-coox duma yan saaku Yaqder deqsitta magaala fan gufak sugeeh, ayrô-mawqa le kabuk bacarih tan baaxo fan gufak sugeeh, ayrô-culma le kabuk kaadu, tonnah, Rabe Bad deqsita bad taturak sugen.

Yasaqya 16:8 ပူးပေါင်းရင်းမြစ်များ

2 Samuwel 1:21

«Gilbowaq qaleelaw, rob siinil rade waay! Rob kee buqre ken booxaaxal able waynay. A abaaro akah axceemih akah abamaa, agiira le goobwa wanna maleh raqte. Tohum qax-umaane kinnih waaga mali. Saawuluk gob saliid duugo geyah mayan.

Yasaqya 10:7

«Assuuriyah malikih tu gactek, isi bagul malseemih amol yaniih, mango baaxo baysam faxak yani'mmay,

Yasaqya 15:4

Cesbon kee Elqaale-mari weeqat yan. Oson aban weeqi Yahax fan yontoobbe. Qaskar agantah axaxitteeh, niya keenik tiddigille.

Yasaqya 16:9

Tohuk gexxaamah, Yaqder-mari Sibmâ-qinabah akah weeqa innah, anu kaadu weeqah. Cesbon kee Elqaaleh ximo yok tamaate. Macaay inteenik, ummatta ruffo hayta daroy orbisaanahiyya mabla; ummatta ruffo haa kudaar mayan.

Yasaqya 24:7

Qinab xala coox kafele. Qinabak bicsen kamri waytimele. Tohuk gexxaamah duma farcatat suge mari qaadele.

Ermiyaas 48:32

Yaqder marak fula Sibmâ-marat takku waytam yoo biyaktah tan. Sibmâ-magaalah mari le qinab xaylo xalta cooxuk luddi, xexxaarah Yaqder garil yan bad fan gufe. A saakuh tu gactek, naqboytit ken cooxih xaylo kee qinab inkih bayisse.

Yoosuwa 13:19

Kiryatyim kee Sibma kee, Xeret-Sacar deqsitta magaalay daqar addal tan koomah amol tanihiyya kee,

Yoosuwa 13:25

Yaqder deqsitta magaala kee, Gilqadal enna 'ta magaalooli kee, Qammon marih baaxok Qarooqer deqsitta magaalay Rabba deqsitta magaalak ayrô-mawqa le kabut raqtahiyyah amma 'yaanam takke baaxo inkih too kedoh yecee.