Yasaqya 16:6 - NABUWWA KEE MALIKWA

⁶ Mooyab mari kaxxiinah akah yani'nna noobbeeh, oson anaani kee kaxxiinah qubbuy iyya mara kinnoonum naaxigeh immay, ken tirtira foyya.

Yasaqya 16:6 ပူးပေါင်းရင်းမြစ်များ

Yasaqya 15:1

Mooyab marih giddinaamak ruuben farmo ah teeti. Qaar kee Kiir magaalooli inki barih addat baateh! Too magaaloolil kaxxa haan yekke.

Yasaqya 2:11

Sahdâ-kaxxiina kee anaani gaba edde kalta wakti amaatele. Too ayro nabna luk raqtu waytam, dibuk YALLA.

Yasaqya 25:10

Macaay inteenik, YALLI Siyon-Qale amaanah xiinisele. Takkay immay Mooyab marat laahi robbi addat suge caffat akah yaaqiten innah aaqitelon.

Yasaqya 25:11

Mooyab mari giiru aba numih innah gaba asgayyelon. Takkay immay woh tu keenih maxiqtaay; Yalli qaybik ken qidele.

Yasaqya 28:15

«Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 28:18

Sin kee rabi fanal yan qahdi bayele. Akeera lih hayten bici gaba kalele. Duufut sinam beya weeqayti yamaate way duufut sin beele.

Yasaqya 44:25

Ginnili kee kalluwalle dirableela kinnoonum aybullee. Faal qida mara kee cutuk-beya duquura kinnoonum aybullee. Sahda le ixxiga, iggima kinnim keenik aybullee.

Ermiyaas 48:14

«Mooyab maraw, isin, ‹Agiiray qeebil timixxigehiyya kinnino› elle intaanam macaay?

Ermiyaas 48:26

YALLI kaadu iyyeemih, «Mooyab mari yot missoowaanam faxak suge'mmay askireloonuuh, isinnih aben alliyot amboroorokelon. Sinam keenil anqaasah rabele.

Ermiyaas 48:42

Mooyab mari yot missoowaanam faxak suge'mmay, ahaysa doolat mayakkan.

Ermiyaas 50:36

Oson ginnili kee kalluwalleh lon marat qeebi aba! Too waqdi kaxxa duquurah sugeenim aaxigelon. Ken qaskarat qeebi aba! Ahak sarra kaxxa cunxo keenit radele.

Qaamus 2:1

Qaamus qagissa heeh iyyemii, «Aham YALLI iyyaama. ‹Mooyabah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Edom amoytih lafat gira ruubeeniih noora akak bicsen.