Yasaqya 15:5 - NABUWWA KEE MALIKWA

⁵ Mooyab-marah afqado yok danantah. Macaay inteenik, yasillimem faxa mari Xooqar kee Qeglat-Selisiya fan kuda. Marak teeni weeqak Lucit fan beya gita gexan. Marak teeni anay fayya haak boogisak Coronyim fanah kudan.

Yasaqya 15:5 ပူးပေါင်းရင်းမြစ်များ

2 Samuwel 15:23

Dawud kataata mari foore waqdi, ummatta weqteh. Sarrak Dawud kee Dawud-mara Kidroon deqsita buyyik sinam elle dago baaxo fanah haysiten.

2 Samuwel 15:30

Dawud ‹Madeera-li Qale› deqsitak ten qale boogisak yewqe. Too waqdi ib-qassih yeneeh, amot saro heeh yen. Kaa'lih yen mari yakkeemiik kaak kaxxih amô-sara isik hayya heeh, woo qale kaa'lih boogisak yewqen.

Yasaqya 16:14

Awayah tu gactek, YALLI iyyaamah, «Mooyab marih kaxxa nabna hununuh sidiica sanatih addat bayele. Mooyab maray manguk yenehiyyak dago mari raaqeleeh; woo mari boola le mara akkele» 'yaanam iyyah yan.

Yasaqya 22:5

Macaay inteenik, YALLAY Dagelta kinnih Nabaamak Nabahiyya ayro le. Too ayro xayyowtem able. Too ayro, Sirri-Golol kaxxa-waxxaqto kee ib-itqaay ummat badit edde tan ayrooy; gasoosa taddigilleeh, qaleela fanah catoh deerisan.

Yasaqya 59:7

Tu baahe wee mara sissikuk qiddaanah, bagi siinik xuwaw mali. Umaanek sa tu mamalissaanaah, elle gexinnaan ikkel baaxo abur kee baatî-gadda abteenih cabtan.

Ermiyaas 13:17

Takkay immay, yoh tu gactek, kaa aynabe wayteenik, anu uqurat weeqeyyooh, kaxxa weeqah weeqeyyo. Abah an weeqak yok caxitta ximo weeqi innah oobele. Too weeqa akah abu waam, YALLIH maray seewah marin baaxo beyoonu waanahiyya kinni» iyye.

Ermiyaas 17:16

tohuh, anu ku taamah-loyna akkem macininniyo. A marat kaadu, gadaama takkem mafaxinniyo. Toh YALLAW, atu yok taaxigeh. YALLAW, anu axcem yok taaxigeh.

Ermiyaas 4:19

Ermiyaas iyyemii, «Anu woyyow, kaxxam keenih biyaakitah an. Woyyow yi ulqow! Ulqi ah yok xiqah mayan! Qeebih yamaate mari aba tirtira kee baantah ugura yol raddah taniih; aham aabbih tibba axcem yoh takkeh matan.

Ermiyaas 4:20

Naharsi balah lakal gersi bala ciggiltah tan. Inkih yan rasi abuuruh raaqu waah yan. Sirooqa nek, nanu cube'kal nan way, foyya nek aboonu waanah yanin. Goli sara qanxixxisoonu nek waanah yanin.

Ermiyaas 48:3

Coronyim deqsitta magaalal yan marih weeqa ankacisa! Too marat takke baati kee finqak-gexxaamah aban weeqa ankacca haay!

Ermiyaas 48:5

Lucit deqsita arac fan gexa gita koran waqdi, kaxxam weeqak gexan. Coronyim deqsita aracah amma iyyan way, tekkeh tan baatih aban weeqih anay rada.

Ermiyaas 50:46

Baabelon mara yabbaxoonu waan saaku, aboonu waan deerok gexxaamah, baaxo edde engeyya axcele. Ken weeqi mango baaxoh addal antaabbele» 'yaanam iyye.

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.