Yasaqya 15:3 - NABUWWA KEE MALIKWA

³ Woo mari, gititteh addal, sartanah *qabuddat gaca. Magaalak maglallah yan arac kee qarwah amol yan mari weeqaah rookita.

Yasaqya 15:3 ပူးပေါင်းရင်းမြစ်များ

2 Samuwel 3:31

Tohuk lakal Dawud Yowab kee raqqa 'ye maray kaa'lih sugehiyyak, «Sara isinnik qanxisaay qabuudut gacaay Abner rabah rookita» iyye. Too saaku Malik Dawud isih ginaadak lakat gacca 'yeh gexe.

2 Malikwa 6:30

Malik ah yoobbe waqdi, niya kaak tiddigilleh sara isik qanxiseh. Magaalat maroh tan gasoh garil yan mari malik xagaral le sartanak guba *qabudda haah kaa yublen.

Yasaqya 15:2

Dibon mari qibaada-elle-aban-qale yewqeenih, sadgat elle aban aracih garil weeqan. Mooyab mari, Nabo kee Medabâ-magaalah-marah boogisaanaah rookitan. Rookah amo kee deben isinnik mooleenih.

Yasaqya 22:1

Yalli, Sirri-goloh giddinaamak ruube farmo ah teeti. Sugay isin inkih qarwah amo akah tawqeenim macaay?

Yasaqya 22:4

Tohuk gexxaamah excemii, «Kaxxa weeqah weeqam faxak, wonnah yok gaca. Anay yoo 'xica; inni maray rabehiyyah weeqay yoo inxica. Weeqe yoo makalina» exce.

Yasaqya 3:24

Qatri suruy ruubak elle yenen ikkel, xagar keenik abcele. Bagul luk yenen caleytih aftok, qax-umaane le akoota bagul heelon. Qax-meqe amô-xagooruy luk yeneenik, moolah raaqelon. Xagaral luk yenen qax-meqe sarih aftok, *qabuudut gacelon. Luk sugen qax-maqaaneh aftok, qax-umaaneh wacarriyelon.

Ermiyaas 19:13

Yarusalaam magaalah qarwaay, malikwâ qarwa kee magaalal enna 'ya marih qarwa, nadaysa akah takke innah abeyyo. Too qarwah amol, yaqbuden cutuukah qaydarus ruubak sugen. Mango qaynatih duyyey yaqbudeenihiyyah amol, qibaadah qinabak bicsen kamri caxak sugen. Tonna leemiik too qarwa inkih nadaysa akah takke'nnah absiiseyyom keenih waris› » yok iyye.

Ermiyaas 48:37

Yakkeenimik amo kee deben isinnik mooleenih, xagar kaadu isinnik toobiyeeniih, sartanah *qabuudut gacen.

Yacedkel 7:18

Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.

1 Samuwel 5:12

Woo dalkah rabe wee marih agantah a laahi-baxxi biyak luk yeneenih, ken xongolo kee weeqi qaran fan gufe.