Yasaqya 15:2 - NABUWWA KEE MALIKWA

² Dibon mari qibaada-elle-aban-qale yewqeenih, sadgat elle aban aracih garil weeqan. Mooyab mari, Nabo kee Medabâ-magaalah-marah boogisaanaah rookitan. Rookah amo kee deben isinnik mooleenih.

Yasaqya 15:2 ပူးပေါင်းရင်းမြစ်များ

2 Samuwel 10:4

Cannun too yab yoobbe waqdi, Malik Dawud ruube marak debenik gambi mollaay, sartanay edde sugeenihiyya xiiqarel keenik qanxissa heeh ken xiiriye.

1 Aydaad 19:4

Cannun too yab yoobbe waqdi, Malik Dawud ruube marak deben mollaay sartanay edde sugeenihiyya xiiqarel keenik qanxissa heeh ken xiiriye.

Yasaqya 14:31

Gasoosa maroh edde tan magaalooliy, boogisaay cato esserita! Filistiin maraw, takkeenimiik meysita. Kilbat le kabuk qamburre celta siisah innah tanim tamaate. Tohum, qaskaray bexxi addat akak ane waa.

Yasaqya 15:3

Woo mari, gititteh addal, sartanah *qabuddat gaca. Magaalak maglallah yan arac kee qarwah amol yan mari weeqaah rookita.

Yasaqya 16:12

Mooyab mari dooqa elle aba'gidih, fayyat raqta aroocay qibaada elle abaanahiyya gexot taqbeloonu'mmay, tu edde mageyan.

Yasaqya 16:7

Tonna-leemiik, Mooyab mari keenit yakke taqabih weeqan. Kiir-Ceras magaalah addal yokmen meqe maaqo kassitan waqdi, yakkeenimiik weeqaanah, niya keenik taddigille.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Yasaqya 3:24

Qatri suruy ruubak elle yenen ikkel, xagar keenik abcele. Bagul luk yenen caleytih aftok, qax-umaane le akoota bagul heelon. Qax-meqe amô-xagooruy luk yeneenik, moolah raaqelon. Xagaral luk yenen qax-meqe sarih aftok, *qabuudut gacelon. Luk sugen qax-maqaaneh aftok, qax-umaaneh wacarriyelon.

Ermiyaas 3:21

Ermiyaas iyyemii, «Allak qaleh amok xongolo yol radda. Too xongolo akak raddam, Israayil maray isi Dagelta hawweeneeh, dambi le taamat asehiyyak ten. Too mari aba weeqa kee, kallacih aban xongolo yol radda» iyye.

Ermiyaas 47:2

Kaak iyyeemih, «Wagit! Weeqi kilbat le kabuk yamaatem. Tama weeqi sarra kaxxa weeqaytu akkele. Too weeqi yamaatu waa wakti, daqaaral tu macabaay gubbil tu macaba. Magaala kee magaalah addal yan marak tu macaba. Ta weeqi edde yamaatu waa wakti, sugu waa mari boogiseleeh, catoh gaba deerih heelon.

Ermiyaas 47:5

Gaadâ-mari kaxxa rookah amo isinnik moolah able. Askalon mari kaxxa tibba abah able. Filistiin marak rabak raaqe mari rookah xagar isik qanxisah able.

Ermiyaas 48:1

YALLAY Nabaamak Nabah, Israayil doore Dagelta kinnihiyya Mooyab marih giddinaamak iyyeemih, «Woyyow Nabo deqsitta magaalat takku waytaama! Too magaala abuuruh raaqele. Kiryatyim-magaala qaybit radeleh antixibbixele. Kaxxa gasoosay maroh teetit tenehiyya addigillele. Teetil yan mari qaybit radele.

Ermiyaas 48:18

«Mooyab rasu bayisu waa num yemeeteh yan. Gaso maroh edde tan magaalooli bayse. Tonna kinnuk Diboonul yan maraw, ama elle tanton kaxxa aracak ugutay. Annah amay guddaafak bagul daffeya.

Ermiyaas 48:31

«Tohuk gexxaamah Mooyab rasul enna 'ya marah inkih weeqah an. Kiir-Ceras labhah boogisah an.

Ermiyaas 48:35

Mooyab mari yallah le duyye elle yaqbuden aracal aban sadgat kee, too duyyeh qibaadah ruuban qaydarus ahak wadir ayseedeyyo. Tahat yabtam yoo YALLA» 'yaanam iyye.

Ermiyaas 49:3

Qaay baateh tanik, Cesbon maraw, boogisa! Rabba deqsitta magaalah agabow, rookita! *Qabuudut gacaay rookita. Meekitay *emreereya. Macaay inteenik, isin yallah liton Milkom kee kay seeka kee kay makaabon inkih seewah siinik beelon.

Ermiyaas 7:29

«Tohuk gaba kalta waqdi intaamah, ‹Yarusalaam magaalah ummatey, rookita! Amo isinnik moolay muxcah caba. Molten amoh xagorta baaxot qida! Yoo YALLI bagcarriteeh inni mara cineemih sabbatah qaleeli amol keenih weeqay rabe marah abak yenen booge keenih aba› inxic.

Yacedkel 27:31

Kot tekkeemih rookah, amo isinnik molla heenih sartanah qabudda haysiten. Kot tekkeemih kaxxam koh qaadelon.

Yacedkel 30:2

«Bani-adantow, takku waytaamat yab. ‹YALLAY Mulki lehiyya iyyaamah: Boogisay, «Woo saaku takku waytaamow!» axcuk, anay fayya hayisa› inxic.

Yacedkel 7:18

Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.