Yasaqya 14:3 - NABUWWA KEE MALIKWA

³ YALLI, isin luk sugten biyaakak sin urseleeh; cisabbootiyyak amaanah sin xiinisele. Dirkih sin absiisak sugen gibdi taamak sin ayfoofele.

Yasaqya 14:3 ပူးပေါင်းရင်းမြစ်များ

Yasaqya 11:10

Too ayro Dawud abbah yan Yiisak rade num, baadal tan ummattah inkih asta yakku waa simbil akkele. Mango mari kas kee fayu kaak beetelon. Usuk elle yan ikkel muxxo le nabna gacele.

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 32:18

YALLIH mari isi buxal cisaabak amaanah xiineleeh; gadaamak affoofele.

Yasaqya 40:2

*Yarsalaam xaylo lih yaaba; racmatta luk ken lih yaaba: ‹Mango biyak siinit yekke, mango waktih biyaakitten; aysa, biyak akket yaade. Abba hayten dambih inkih, dudda luk sin 'kah digaale; aysa dambik qafu geyten› 'yaanam inxica, warisa» 'yaanam iyye sin Dagelti.

Ermiyaas 17:4

A baaxoy siinih eceehiyya akah cabtan innah siinik abeyyooh, aaxige waytan baaxol sin naqboytiitih naqoosa sin abeyyo. Toh siinit akah takku waytam, isin yot ugussen naqabih giray barge waytahiyya kinni» 'yaanam siinik iyye.

Ermiyaas 30:10

«Tonna kinnuk, Yaqkuub xayloy yi naqoosay, mameysitinay; Israayil ummatey, niya siinik addigille waytay. Tahat yabtam yoo YALLA. Ama xer baaxoy elle taniinik sin ayyaaqeyyo. Casbi gurrah elle tanin baaxok siinik radu waa mara ayyaaqeyyo. Isinni baaxo fan aduurettoonuuh amaanah xiinetton. Num sin maxagaay sin mameysiisa.

Ermiyaas 30:8

YALLAY Nabaamak Nabahiyya iyyeemih, «Too ayro fillal keenik abbixe coox keenik kaleyyo. Axawah edde yanin silsilat keenik afdigeyyo. Too ayrok wadir marin marih naqoosa mayakkan.

Ermiyaas 50:34

Takkay immay ken cattu waytam, inki celemi. Maa celemiiy inteenik, YALLAY Nabaamak Nabahiyya. Keenit tekkeemih adda isih wagtele. Baabelon mara amaan waysiisele'mmay, gersi mara inkih amaanah xiinisele» iyye.

Yacedkel 28:24

YALLI iyyeemihii, «Faxe baaxooxay dariifal geytimma 'taah, ken bursutak sugtehiyya tahak wadir Israayil ummatal ada matakka. Too waqdi YALLAY Mulki lehiyya kinniyom aaxigelon.»

Zakariyya 8:2

«Yarusalaam magaala kaxxam kiciyyooh; teetih liyo kaxxa kacanih sabbatah teetil umam baaha mara anqibeh.

Zakariyya 8:8

Yarusalaamal ken nookiseyyo. Yi mara akkeloonuuh, anu amo keenik wagta Dagelta keenih akkeyyo. Qadaalat leeh, digga le xintoh ken xiiniseyyo.