Yasaqya 14:29 - NABUWWA KEE MALIKWA

²⁹ Isin *Filistiin maraw, ruffu maxcina. Sin aatakuk suge birti yiddigilleh immay, abeesak teena rabtaamah wohuk gacta abeesa ciggiilele. Abeesa xalte naalaytih addak haada baadeysi awqele.

Yasaqya 14:29 ပူးပေါင်းရင်းမြစ်များ

2 Malikwa 18:8

Filistiin-marak yeyseeh; oson dabqih elle sugen aroocak qunxa magaalaay kaxxa magaalooliy gasot maroh tanihiyyak, Gaadâ-magaala kee teetik dariifal tan baaxoh amma 'yaanam tan baaxo inkih buube.

2 Aydaad 26:6

Quddiyya Filistiin marih gaaduh ugteeh, Gat kee Yabne kee Asdood akak iyyan magaalooli yiggileh. Asdood xaqu kee raqqa 'te Filistiin rasul magaalooliy gasoosa maroh edde tanihiyya xise.

2 Aydaad 28:18

Filistiin mari kaadu Yuudâ rasuk gabbi-qaxat raaqa rakaakay kee ayrô-culmat raqta mango koomaami le baaxol tan magaalooli wararen. Ta mari, Beet-Semes kee Ayyalon kee Gadeerot deqsitta magaalooli qeebit xabbaay isinni gabat raaqissa heen. Tonnah kaadu, Sooko kee Timna kee Gimdo deqsitta magaalooli kee ken dariifal sugte gaandoodi edde yibbixen. Sarra, wokkel elle nooken.

Yasaqya 11:14

Oson titta geyya heenih ayrô-culma le kabul tan Filistiin-ummattat qeebi abeloonuuh; ayrô-mawqa le kabul tan ummatta kaadu buubelon. Edom kee Mooyab-ummattak qeebil ayseloonuuh; Qammon-ummatta ken yab oggolelon.

Yasaqya 11:8

Cambabbariya awki abeesâ-boodoh amol digreleeh; qunxa-urri afat summi le abeesas xagaamah keenil bahtu waytam mali.

Yasaqya 14:31

Gasoosa maroh edde tan magaalooliy, boogisaay cato esserita! Filistiin maraw, takkeenimiik meysita. Kilbat le kabuk qamburre celta siisah innah tanim tamaate. Tohum, qaskaray bexxi addat akak ane waa.

Yasaqya 2:6

Yallaw, Yaqkuubuk rade isi marak texxeereh. Oson ayrô-mawqa le kabul yan mara kee Filistiinih yooboke mari ken barse baab taamah haysiten. Isinni qaada cabba heenih marin qaadah tanim aben.

Yasaqya 30:6

YALLI bacarih tan baaxoy gabbi-qaxat raqtahiyyal tan alluwwah giddinaamak farmo ruubeeh iyyeemih: Ta makaabonuy farmoh afat gexxehiyya gexen saaku, gibdaabina le baaxoy lubooka kee afat summi le abeesas kee haadda baadeysitte elle tanihiyyak adda gacca 'yeenih gexen. Merraytuh qarik garab danoonal luk gexen. Garab kaadu gaalal luk gexen. Too merraytul heenim, limo mango duyyek ten. Too duyye akah beenim, catoh edde qaagan marih mattacok ten. Takkay immay oson catoh edde qaagen mari, hebeltô-cato keenih abu duuda marak mananna.

Ermiyaas 47:1

Masri-malik, Gaada deqsitta magaala yabbixeemik duma, YALLI *Filistiin marih giddinaamak nabi Ermiyaasal qangara oobise.

Yacedkel 25:15

YALLAY Mulki lehiyya iyyaamah, «*Filistiin mari, mango dabaanah naqboytiitih keenik sugen Israayil maral, canê gacsah kaxxam umam baaheeniih, keenih lon naqabuh ken seleenih.

Yacedkel 26:2

«Bani-adantow, Suur magaalal yan mari akah wallitam macaay intek, kinnim koh warisu waa. Ahaysa, ‹Yarusalaam tiddigiiggilleeh; tellemmoy teetil akkuk tenehiyya gaba kalteh ikkal, gaddaliinoh net mamissowta› 'yaanamah wallitan.

Hosiqa 9:1

Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.

Ayyuqel 3:4

YALLI kaadu iyyeemih, «Suur kee Sayda kee *Filistiin maraw, maca yok abtaanam faxxan? Siinil baaheemih caneh yol gacissaanam faxxaanam maay liton? Faxxeenik, yi mogoy tammoysetton.

Qaamus 1:6

Kaadu qagissa heeh iyyemii, «Aham YALLI iyyaama. ‹Gaadâ-mari fiiruk geerah dambi le taama abeenih; tohuk gexxaamah ken digaaleyyom digga le. Inkih yan ayyunta seewah beenih, Edom maral naqoosah ken yeylemmen.

Qaamus 1:8

Asdood kee Askalon deqsitta namma magaalal abbobtih yan mara qideyyo. Ekron magaalah maral gaba qideyyooh ken digaaleyyo. *Filistiin marak raqqa 'tem inkih bayele› Tah intam YALLAY Mulki lehiyya» 'yaanam iyye.

Qobadya 1:12

Sin toobokot umam takke saaku, umaanel keenil tasuuleenim sin ceelak mananna. Keenit baati takke waqdi, tafriceenim sin ceelak mananna. Oson gadaamitan waqdi, wadir keenil horrissaanam, sin migaaqak mananna.

Miika 7:8

Yarusalaam mari iyyeemih, «Naqboytit nel akah tirtirissam mali. Boolatneh sugne'mmay, YALLI boola nee cabsiisele. Away diteh addat nani'mmay, YALLI noori nel oobisele.

Xafanya 2:4

«Gaada deqsitta magaala abur akkele. Askalon deqsitta magaala bacarih raaqele. Asdood deqsitta magaalah mara, saaku aben qeebit wallaqenta xiiriyak ayyaaqelon. Ekron deqsita magaalah mara dabaaqah elle yanin ikkek fixixih ken ruubelon.

Xafanya 2:5

*Filistiin-maray baddi afal yanihiyyaw, bayteenim isinnik ixiga! YALLI cokmih baati siinil ruubeeh; too baatih bayettoonuuh, num siinik maraaqa.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.

Zakariyya 9:5

Askalon magaalah mari taham yabalu waa waqdi, cunxo keenit heele. Gaadâ-magaalah mari aham yabalu waa waqdi, kaadu cunxok gexxaamah araadaqiselon. Ekron magaalah mari luk sugen niya luk maraaqaanaay meysitelon. Gaadâ-magaalah malik rabele; Askalon magaala abur akkele.