Yasaqya 14:2 - NABUWWA KEE MALIKWA

² Gersi-baaxoh-mari, Israayil marah isi baaxo fan yaduureeni'gidih cato abelon. Tokkel, YALLI isi le baaxol, woo marak labim kee sayim Israayil marih buxaaxih addal taamitelon. Duma Israayil mara qeebit yibbixeh suge mari, ta saaku ken gabat antixibbixele. Tonnal Israayil mari duma keenit xukkutak suge marak reedah amol gacelon.

Yasaqya 14:2 ပူးပေါင်းရင်းမြစ်များ

Qedra 2:65

Oson taamat luk yenen maray ken lih yuduurehiyya sayim kee labimih fanal malcina alfi kee sidiica bool kee soddom kee malcina num akkuk yenen. Say mara kee lab maray gad kee saare abahiyya namma boolih num akkuk yuduure.

Yasaqya 18:7

Toh tekke saaku, weeqaytitte adda akak radde baaxo le maray qande le doolat leeh, tonnah kaadu, xeeriih xagar arab akak xamciniih addunyal inkih akak meysitaanahiyya, YALLAY Nabaamak Nabahiyyah acwa baahelon. Woo mattaco Siyon-qaley YALLAY Nabaamak Naba elle yaqbudeenihiyya fan baahelon.

Yasaqya 31:8

«Assuuriyah mari seefit ambaxele'mmay, toh sahdayti bicse seef hinna. Ken mari too seefik kudele. Ken furrayna naqoosay dirkih tamsiisaana akkele.

Yasaqya 45:14

YALLI iyyamaa: Yi ummatey, Masri kee Kuus mari le duyye sinim abeyyo. Saabah maray lafa xeerihiyya siinil amaateleeh, sin mara akkele. Silsilatat axawah anuk, sin kataateloonuuh, assakaxxiyyah amo qunuunussa heenih, ‹Yalli sin qaxat yanim nableh naniih, kaak sah yalli mayana› 'yaanam axcelon» iyyah yan.

Yasaqya 49:22

YALLAY Mulki le isi marak iyyamaa, «Doolatwa fan gaba caseyyo. Elle yaaxigeeni'gidih, inni qalaamat ken aybulleeyyo. Sin xaylo sin baaxo fanah gacseloonuuh; lab-xaylo siinik aliilit baahelon; say-xaylo kaadu sunkut baahelon.

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Yasaqya 49:25

Takkay immay YALLI, «Toh tekkeemi» 'yaanam iyya. «Sin lih aaminnaan mara lih anu aameyyo. Qaskar gabat yan casbi mari asillimele. Racmatta sinni malik seewah orbisem gabak kaak kalelon. Sin xaylo umaanek anu cateyyo.

Yasaqya 54:3

Macaay intek, atu woo exxak a exxal guubuh elle gacta baaxo aymagguk aymaggetto. A saaku baadal tan ummatta elle tan baaxo, ku mari raaqisele. A saaku abuuruh tan magaaloolil, kok radu waa mari amaggele.

Yasaqya 60:14

Kot xukkutak yen marih xaylo amaatele; koo yassakaxxeeni'gidih gommoh koh radelon. Duma koo bursutak yen mari ku ibih gubat radeh, ‹YALLIH magaalay! Siyon magaalay! Israayil doore Dageltay *Kudduusuk yanihiyyah magaalay› 'yaanam axcuk koo diyaarelon.

Yasaqya 60:4

YALLI iyyaamah: «Deraafi isik wagga haay takkem ubul! Yakkeenimik gaaboowaanah koh fan yamaateenim matabla? Say-xaylo kok aliilit xabba heenih beeloonuh; kok lab-xaylo xeri'kkek amaatele.

Yasaqya 61:5

Allak yemeete mari siinih taamitele. Lac siinih dacriseloonuuh, buqre siinih abqureloonuuh, qinab elle yooboke baaxo siinih xagurelon.

Yasaqya 66:12

Macaay inteenik, YALLI iyyaamah, «Ambaxe sinni amaanah Siyoonut xiiniseyyooh; doolatwa elli hayta gaddaliino, kafe sinni weeqaytih innah, teetil caxitele. Isin, ina gurumbal qarissa baxay kacni intit tablehiyyah bis alletton.

Ermiyaas 30:16

«Takkay immay ahak wadir sin baatit suge mari inkih bayeleeh, sin seewah bee mari inkih seewah gexele. Sin wararak suge mara warareloonuuh; sin buubak suge marat buuba akkele.

Ermiyaas 49:2

Qammon rasuk inaytâ-magaalay Rabba deqsittal yakku waa qeebik xongolo edde oobba haan wakti amaatele. Too magaala abuuruh raaqele. Tet dariifal tan gaandoodi carriselon. Israayil mari isinni baaxoy keenik beeni gacsitelon.

Yacedkel 39:10

Too silac girâ-bocoh haysiteloonuuh; tohuk gexxaamah bocô-goranah coox elle yan booxa magexaanaay, garbok bocoh coox mayargiqan. Ken warare mara warareloonuuh, ken buube mara buubelon. Tahat yabtam yoo YALLAY Mulki lehiyya» iyye.

Daaniyel 7:18

Takkay immay keenik lakal, Yallay inkih daga raaqahiyyah ummatta too abbootan geeleeh; woo abbootan ken gabak way makata› yok iyye.

Ayyuqel 3:8

Xaylo Yuudâ-marat siinik aylammeyyo. Oson kaadu Saaba deqsita xer baaxoh marat ken aylammelon. Tahat yabtam yoo YALLA» iyye.

Qobadya 1:17

«Takkay immay Yarusalaamal tan Siyon qaleh amol sugu waa mara cattiimele. Too arac taahirik yan arac akkele. Yaqkuubuk rade mari isi baaxoy ikoytah luk sugehiyya geele.

Zakariyya 2:13

Ummatey, YALLI isi dabaaqay taahirik yanihiyyak yamaateh yanik, kay foocal tibba 'xica.

Zakariyya 2:9

Gaba keenil qideyyooh; keenih taamitak sugte ken naqoosa ken buubele. Toh keenit takku wayta saaku, YALLAY Nabaamak Nabahiyya yoo ruubem aaxigetton.