Yasaqya 14:19 - NABUWWA KEE MALIKWA

¹⁹ koh kabri madagaanaay; ku raysa caxak yirgiqen luddi innal baaxot qideloonuh, teetit ummatta aaqitele. Ku raysih bagul carbit rabte qaskarih raysitte gacele; sitta lih akeerak iqiya fan oobetton.

Yasaqya 14:19 ပူးပေါင်းရင်းမြစ်များ

1 Malikwa 21:19

Too waqdi yooy YALLAH yani annah kaak axcem kaah waris. ‹Atu num qiddeh, kay midir isih haysitteh. Hununuh kuuta Nabot qabala elle muxuuqak sugte aracal, ku qabala kaadu muxuuqele› kaak inxic» iyye.

1 Malikwa 21:24

Ku buxah marak magaalah addal rabinnaan numih raysa kuuta akmeleeh, barrih raqta baaxol rabinnaan numih raysa guma akmele› 'yaanam kok iyyah yan» kaak iyye.

2 Malikwa 9:25

Yaahu, catottah kaa'lih yen Bidkar deqsita numuk iyyemii, «Ginaada kaak beyay Nabot buqreh baaxot qid» iyye. Sarrak kaadu woo numuk, «Koo kee yoo Malik-Yooram-abba-Acab lakat farasat gexak sugne saaku, YALLI,

Yasaqya 13:15

Geyinnaan num gilet qideloonuh; yibbixen mara seefit qidelon.

Yasaqya 14:18

Addunyal sugga 'te malikwak kulli malikih kabrih garit, ken elle kassitan asta heeloonu'mmay

Yasaqya 34:3

Keeniy yusguudeenihiyyak lafa baaxot qidelon. Ken raysay baaxot qideenihiyya abicele. Qabal qaleelâ-baguk darah innah caxitele.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 16:6

Gaddali kee baacoyti keenik inkih, ta rasul elle rabeleeh, num keenih marookitaay, num ken mayaaguqa. Ken rabih rookah isi xagar num masalliyaay amo isik num mamoola.

Ermiyaas 22:19

Rabta saaku, rabe danan hirriigisak elle beyan innal, lafa kok hirriigisak beyya heenih magaalak afal qidelon» 'yaanam kok iyye. YALLI iyyeemih:

Ermiyaas 41:7

Oson Mixfâ-magaala yemeeten waqdi, Ismaaqil kee kaa'lih suge mari, a marat kaadu qeebi abeeh ken qideeh, lafa keenik birkat addat qiden.

Ermiyaas 41:9

Ismaaqil qide marih raysa inkih edde qidem, inki birkatak teneeh; too birkat kaxxam naba birkatak ten. Too birkat bicissem, malik Aasa deqsita malikik teneeh; akah bicsem, Baqsa deqsita malikiy Israayil amoytah yenehiyyah qeebi kaat abe saaku, woo qeebik amo edde raaqisa'gidik ten. Ismaaqil too kaxxa birkat too marih raysak kibe.

Ermiyaas 51:4

Tonnal Baabelon rasul tambaxem kee gititteh addal tambaxem akkelon.

Yacedkel 32:23

Ken kabaara elle tanim, akeerak adda le araca. Woo qaskarih kabri teetit maroh yen. Keeniy ta saaku tonnal yanihiyya, addunyal sahda akak meysitta marah sugen.

Yacedkel 32:27

Dumî dabaanal agiira rabta saaku carbi silac luk ken aagaquk yeneenih, seef lacdi addal ginaadak amô-ginat haak yenen. Ta mari addunyal yen saaku sahda akak meysitta marah sugeeni'mmay, tonnal ken maaguqinnon. Ken dambih digaala ken lafal raqta.