Yasaqya 14:1 - NABUWWA KEE MALIKWA

¹ YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Yasaqya 14:1 ပူးပေါင်းရင်းမြစ်များ

Aster 8:17

Kulli rakaakay kee kulli magaalah addal suggu 'ye Yahuud-mari, baahen-waraakitil-tanim keenih yikriyen waqdi, farcatah kaxxa xigla aben. Ummatta mangih Yahuuduk meysitteemih sabbatah, akah aabuke ween Yahuud yekken.

Yasaqya 19:18

Too ayro, Masri addal tan koona magaalah addal Qibraan afat yaabelon. Wokkel yan mari Nabaamak-Naba-YALLIH migaaqal xiibitelon. Woo magaaloolik tiyak teena migaaqah «Baatî-magaala» deqsitele.

Yasaqya 21:1

Yalli, badak garil tan baaxoy sahda dabaaqah elle deedaltahiyyah giddinaamak, ruube farmo ah teeti. Gabbi-qaxak tamaate caacoh innah, bacarih tan baaxoy sinam kaxxam akak meysittahiyyak tu amaatih able.

Yasaqya 27:6

Ahak sarra tamaate ayroora Yaqkuubuk samad daabimele. Israayilik ummat saadele; caxâ-miri baad duudusele.

Yasaqya 41:8

«Hay, Israayil-maray yi naqoosah yanihiyyaw! Yaqkuub-xayloy anu dooritehiyyaw! Abraahimiy yok kataysah yanihiyyak rade maraw!

Yasaqya 41:9

Baaxô-maggaraqak siinih seece. Affara kaalibik sin gaaboyse. ‹Yi naqoosa kinnitoonuh; sin doorite'kkal, baaxot sin maqida› axcuk siinih seece.

Yasaqya 44:1

«Tonna'mmay Yaqkuubuk rade maraw, yi naqoosay! Israayil ummatey, anu innih doore maraw!»

Yasaqya 45:14

YALLI iyyamaa: Yi ummatey, Masri kee Kuus mari le duyye sinim abeyyo. Saabah maray lafa xeerihiyya siinil amaateleeh, sin mara akkele. Silsilatat axawah anuk, sin kataateloonuuh, assakaxxiyyah amo qunuunussa heenih, ‹Yalli sin qaxat yanim nableh naniih, kaak sah yalli mayana› 'yaanam axcelon» iyyah yan.

Yasaqya 47:1

YALLI iyyemii: «Baabelon magaalay, elle tan dardaarinni-korsik oobay baaxol bullaaqê-bagul gac. Dumah yan saaku, qeebil num akak ayse weeh, gabah xage ween bikirit tan baxuwwah gidek sugte. Ahak wadir luk ten saytunan kee qax-maqaane gaba kok kalteh.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Yasaqya 49:13

Qaraanow, farcatah qililis; baaxoy, wallit; qaleelay, ifricay qililisa! Macaay inteenik, YALLI isi marat niya heeh yanih, isi maray biyaakitahiyyah xuwaawe.

Yasaqya 49:15

YALLI iyyamaa: «Ina isi anguk yaaxe baxa maay hawwenta? Is isi baguk xalte baxa maay akcine wayta? Ina isi baxa hawwentam takkeh, immay anu sin mahawweena.

Yasaqya 49:25

Takkay immay YALLI, «Toh tekkeemi» 'yaanam iyya. «Sin lih aaminnaan mara lih anu aameyyo. Qaskar gabat yan casbi mari asillimele. Racmatta sinni malik seewah orbisem gabak kaak kalelon. Sin xaylo umaanek anu cateyyo.

Yasaqya 49:7

Israayil ummatta wade Dageltay *kudduusuk yanihiyya, sinam intit bura leeh baadal tan ummat niqba numuy abbobtih yan marah naqasu yekkehiyyak iyyamaa: «Amoytit koo tabalu wayta waqdi, aracak ku assakaxxah ugtele. Baaxoh abbobti koo table way gomboh radele. Ta mari ta assakaxxiyya akah abu waam, YALLAY digga lehiyya isi farmoytah koo dooreemih sabbata. Yeey, ta mari ta assakaxxiyya akah abu waam, Israayil doore Dageltay kudduusuk yani isi farmoytah koo dooreemih sabbata» iyya.

Yasaqya 54:3

Macaay intek, atu woo exxak a exxal guubuh elle gacta baaxo aymagguk aymaggetto. A saaku baadal tan ummatta elle tan baaxo, ku mari raaqisele. A saaku abuuruh tan magaaloolil, kok radu waa mari amaggele.

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Yasaqya 56:3

Allî-baaxoh-numuy YALLA yaqbudeenim dooritehiyya, «YALLI isi numuh yoo maliiy, isi mara lih kaa aqbudi yoo maha» 'yaanam axce waay. Seelabu le num, «Kafte caxa kinniyo» axce waay.

Yasaqya 60:10

Qagisak teetik iyyaamah: «Koo inqibeeh koo digaaleh suge'mmay, koh liyoh an kacanu kee inni racmatta koo aybulleemih sabbatah, allak yemeete mari ku gasoosa xisele; ken malikwa ku taamat gacele.

Yasaqya 60:14

Kot xukkutak yen marih xaylo amaatele; koo yassakaxxeeni'gidih gommoh koh radelon. Duma koo bursutak yen mari ku ibih gubat radeh, ‹YALLIH magaalay! Siyon magaalay! Israayil doore Dageltay *Kudduusuk yanihiyyah magaalay› 'yaanam axcuk koo diyaarelon.

Yasaqya 66:20

Baadal tan ummatak sin tooboko inkih, mattacoh yoh baahelon. Gaariiy faarisiiy bakil kee gaalal hayya ken heenih, Yarusalaamal tan yi qaley taahirik tani ken baahelon. Israayil mari taahirik-yan-kafaqat sadgatah daro yi Qibaadah-Qari elle baahan innal, ken baahelon.

Ermiyaas 30:8

YALLAY Nabaamak Nabahiyya iyyeemih, «Too ayro fillal keenik abbixe coox keenik kaleyyo. Axawah edde yanin silsilat keenik afdigeyyo. Too ayrok wadir marin marih naqoosa mayakkan.

Ermiyaas 31:4

Kiciyyo Israayil maraw, ahak sarra sin xiseyyo; ahak sarra karambo xabqet hayya hayteenih farcatah digiretton.

Ermiyaas 50:33

YALLAY Nabaamak Nabahiyya iyyemii, «Israayil kee Yuudâ-mari kaxxa xukkoh addat yan. Ken yabbixe mari wagittoh keenit yaniih, rike ken gexi mahaan.

Ermiyaas 51:51

‹Nee xaafeeniih qaybit radneh. Qaybih tanim net tekkeeh; wacarriyih rabna. Marin baaxok yemeete mari YALLIH Qibaadah-Qarik taahirik tan arooca culen› 'yaanam intan.

Yacedkel 16:60

Yoh tu gactek, qunxuk ten saaku rihimih koh cule qahdi kol mamaka.

Yacedkel 47:22

Sin ikoyta akkele. Allî-baaxoh maray sin addal yaniih xaylo sin addal xaleeh qarsitehiyya, tama baaxo kurta saaku, ken akak macabinaay ken afto keenih akak ucuy. Israayilih yooboke marih intit ken ubulaay, baaxo kurta saaku Israayil xaylok kaxxih, baaxol saami caxxa keenih qidaay, ken afto keenih ucuy.

Zakariyya 1:17

Tohuk kalah too malaykatti yok iyyeemih, «YALLAY Nabaamak Nabahiyya iyyaamah: ‹Yi magaaloolil yan mara gaddaloola abeyyo. Yarusalaam qagitak anu doorite magaala akkeleeh; tet cateyyom ummatah waris› » yok iyye.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.