Yasaqya 13:8 - NABUWWA KEE MALIKWA

⁸ Yakkeenimiik wariggiteloonuuh; biyak ken abbixele. Xalay edde xayyoowe barrah innah emreqeeqedelon. Wariggah mariiy mara keenik wagga heeleeh wacarriyih fooci keenik gombod ceelele.

Yasaqya 13:8 ပူးပေါင်းရင်းမြစ်များ

2 Malikwa 19:26

Wokkel dabaaqah suge mari cayla luk masuginnon. Tohuk gexxaamah woo mari wariggiteeh gahangahiteh. Gubbil tooboke qaysoy kaftehiyya yekken. Qari-amol tooboke qaysoy laqaymumtehiyya yekken.

Yasaqya 26:17

Lacawat tan barray boogissa, elle weqtaah boogissa gurral, ku foocal boogisneh nen, YALLAW.

Ermiyaas 13:21

Kataysis takkalen maray qalla lih litoonuhiyya siinik iysiissa heeh, amol siinik heek, maca abetton? Biyaakah lacawat tan barrah innah gacettoonum taaxigeenimi.

Ermiyaas 30:6

‹Ah macah takkeemiiy?› inxicay esseray, kinnim cubbusa. Labhayti maay yaadiqeeh? Labhayti aadiqe week, hay, celeemah tan labha, lacawah iihissa barrah innah, bagul gaba akah lem macaa? Sahdak fooci inkih gombod akah ceelam macaa?

Ermiyaas 4:31

Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Ermiyaas 46:5

Takkay immay afak toh iyyaanamah, cunxoh wadir-wadir aduurih ken able. Qeebil gacah ken able; cunxoh kaxxam aawwih ken able. Quuruuk foocah yardeenimik sah, wadirih mawagtan.

Ermiyaas 48:41

Ken magaalooli kee megdebih lon arooca inkih antixibbixele. Too saaku Mooyab mari cunxoh, lacawat tan barrah inna assaallelon.

Ermiyaas 49:22

Bosrâ-magaalal yan marat ken naqboytit, qawi galwa fakka hayteh tamaate way sahdak gital duyye elle qawta'nnal, ken qawelon. Too saaku Edom qaskar meysih lacawat tan barrah innah gacelon» 'yaanam Yalli iyye.

Ermiyaas 49:24

Damaskoh mari boolaateeh; abeh yan meysih kudam faxa. Lacawat tan barrah innah, edde yaniinim, uma biyaaka.

Ermiyaas 50:43

Baabelon malik a xaagu geeh, tohuk gexxaamah gaba kaak meysih kafteh matangayya. Kaxxa cunxo kaat raddeh taniih, lacawat tan barrah innah araadaqisa» iyye.

Ermiyaas 51:30

Baabelon qaskaray agiirah tenehiyya qeebih gaba marubta. Isi megdebil elle soolak raaqele. Niya keenik addigilleleeh, agbi innah qeebik soolak raaqelon. Cayli keenik boolaatele. Baabelon magaalah culmay birtak bicseeni addigillele. Qarwat gira ruubelon.

Yacedkel 20:47

Gabbi-qaxat raqta garbok, yoo YALLAY Mulki lehiyya inxicca axcem waris. Intaamah, ‹Gira ruubam faxa. Too gira ku addal enna 'ya coox, kafin coox yakkuu, uyni coox yakku, carrisele'mmay, num tet mabargusa. Gabbi-qaxaak xabba haanam baaxo carrisak kilbat le kabu fan amaatele. Too girah huuri num macaba.

Hosiqa 13:13

Israayil mari kas weeh, meqe mano cineenih; inâ-bagut yan baxay awqe cine yekken.

Ayyuqel 2:6

Ta qanay amaatih yable marat warigga radda. Fooci sinaamak dattoowa. Garih akak yemeete marat axaxo hayta.

Naacum 2:10

Nanawe buubeenih! Is baateh, abuuruh raqte! Sinaamak afqado meysih dub inta. Guluuba keenik axaxxah, sinam qande cabteh. Fooci keenik gombod ceela.