Yasaqya 13:6 - NABUWWA KEE MALIKWA

⁶ YALLIH ayro amaatelek, boogisa! Qande le Dagelti baati edde baahu waa ayro xayih.

Yasaqya 13:6 ပူးပေါင်းရင်းမြစ်များ

Yasaqya 10:25

Tah akah axcem, siinit liyo naqbi xayih gaba kaleleeh; yi bagcarrat ken bayisu waamih sabbata.

Yasaqya 10:3

Hay, Yalli sin digaalu waa saaku macaa abetton? Yalli xer baaxok temeete bala siinil oobisek, maca abetton? Catoh iyya fan ardetton? Teddereenim anket aaquretton?

Yasaqya 13:9

YALLIH ayro amaatele. Toh, Yallih-naqabuy kaxxam gibdi edde yakku waa ayroy racmatta sinnihiyya. Dambi elli haa mari inkih bayeleeh, baad abuuruh raaqele.

Yasaqya 14:23

Baabelon magaala inin dabqi abeyyooh, Baabelon elle suge arac xooka abeyyo. Baabelon magaala kullim duufut beya fiyeynat fiyeyyo. Taham intam yoo YALLAY Nabaamak Nabahiyya» 'yaanam iyye.

Yasaqya 14:31

Gasoosa maroh edde tan magaalooliy, boogisaay cato esserita! Filistiin maraw, takkeenimiik meysita. Kilbat le kabuk qamburre celta siisah innah tanim tamaate. Tohum, qaskaray bexxi addat akak ane waa.

Yasaqya 2:12

Macaay inteenik, YALLAY Nabaamak Nabahiyya ayro le. Too ayrot qande leemiiy kaxxiina kee qubbuy intam inkih wacarroysele.

Yasaqya 23:1

Yalli, Suur magaalah giddinaamak ruube farmo ah teeti. Suur baateeh; Suurul amaatuk yen maraakib edde culak yen marso kee qarwa bayteh immay, maraakib maraw, weeqaay boogisa. Sin maraakib Kobroosuk yuduure saaku, sin qambaltam ta xaagu.

Yasaqya 34:2

YALLI kulli baaxoh doolata'lih qeebih yan. Kay bagcarra yakkeenimiik keenil oobeleeh, ken bayselem keenil yuckumeh yan; ken marih-qidimih bical yan.

Yasaqya 34:8

Macaay inteenik, YALLI cane edde gacisu waa ayro tan; too saaku YALLI Siyoonuk naqboytiitih suge maral ken taama keenil gacsele.

Yasaqya 47:11

Bala siinil oobele'mmay, too bala isinnik akah kaltan inna mageytan. Masiibat sin abbixele'mmay, faxe sicri siinik mawaasa. Cube waak sugten bala kee qaasir-umaane sin abbixele.

Yasaqya 52:5

A saaku kaadu tonnah tanim siinit tekke. Seewah been marah tantoonuuh, wohul yeexegen lakqo matana. Sin amol reedah yan mari yol tirtirisaah, ‹Nanu abnu waynaamow› iyyan. Inkih tan ayro yoo xaafak assan.

Yasaqya 61:2

YALLI, isi mara edde wadu waa wakti kee, isi naqboytit edde digaalu waa ayro temeetem warsa'gidih, yoo ruube. Rookat yan mara aytikumusa'gidiiy

Yasaqya 63:4

Macaay inteenik, yi marih naqboytit edde digaaleh meqe ayro temeeteh 'yaanamal gaba kaleeh; anu wade marih wakti yemeeteh yan.

Yasaqya 65:14

Yi naqoosa africele; qililo kee gad abelon. Siinih gactek boogisetton; niya addigille siinik le; boogisetton; weeqe liton.

Ermiyaas 25:34

Baaxoh abbobtih yan maraw, weeqa boogisa. Rookitaay gombod bagul ubruka. Sin edde yasguudoonu waan uddur yemeeteh. Yasguuden maruwih innah maasayya maasayyah sin kuramkurelon.

Ermiyaas 49:3

Qaay baateh tanik, Cesbon maraw, boogisa! Rabba deqsitta magaalah agabow, rookita! *Qabuudut gacaay rookita. Meekitay *emreereya. Macaay inteenik, isin yallah liton Milkom kee kay seeka kee kay makaabon inkih seewah siinik beelon.

Ermiyaas 51:8

Baabelon-rasi cube'kal uma niksoh annikisseleeh, akak bayele. Sahda teetih weqtaama. Edde tan madaluk qaffottam takkehik, dayla teetih gorrisa.

Yacedkel 13:5

Tiddigille gidaarwa siinih madacrisaanaay; woo gidaarwa nammeyhaak maxisan. Yallih-carbi siinit yakku waa saaku, kalalu siinih mayakkan.

Yacedkel 21:12

Bani-adantow, weeqaay, boogis. A seef bical akah yanim, yi mara kee ken abbobti sela'gidiiy qida'gidi. Yi mara kee ken abbobtih qaagitaanam maraaqinnak, boogew inxic; woyyow inxic.

Daaniyel 5:26

«Loowo 'yaanamak maqna: Yalli ku abbootan sugu waah gide loowak sugeeh, ellecabo teetik xayyoyse, 'yaanama.

Daaniyel 5:9

Tahak iyyaanaah abaanam waagiseenih. Too waqdi malikik fooci burraacinaanah dumak lafteh, kaxxam meysite. Kay xintoh miracwa kaadu tahak iyyaanaah abaanam aaxige cineenih.

Ayyuqel 1:11

Buqre aba maraw, boogisa. Qinab xala coox aysubukuk yen maraw, rookita. Macaay inteenik, kamadi kee gabru deqsitta darooy, wohuk kalah tan daro inkih bayte.

Ayyuqel 1:13

Hay tonnal, isin seekay sadgat elle aban aracih foocal taamittahiyyak, *qabuudut gacca 'xicay rookita. YALLIH Qibaadah-Qarih addal inkih yan bar rookitak xiina. Ahaysa Yallih sadgatah baahak tenen daro kee kamri gaba kaleh.

Ayyuqel 1:15

YALLIH cokmih-ayro xayiih; woyyow, woo ayrot takku wayta baati! Nabna le Dagelti too saaku bala ruubele.

Ayyuqel 1:5

Hay sakaaray, ugutay weeqa. Qinabak bicsen kamrit yiskire maraw, takkeenimiik boogisa. Qusba kamri akak bicissan qinab xaylo bayteeh finqitteh.

Ayyuqel 2:1

Baanta ugura. Taahirik tan Siyon Qaleh amook turumba kaayisa. Israayil ummatey, YALLIH cokmih-ayro xayih immay cunxita.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Qaamus 5:18

Qaamus qagseh keenik iyyemii, «Isin YALLIH cokmih ayro qambaala maraw, woo ayro diteh tan ayro'kkal, meqe ayro hinnaay; woh abletton!

Xafanya 1:14

YALLIH cokmih ayroy kaxxa ayro kinnihiyyah mamaata nabam xayiih, too ayroh mamaata sissikih. Too ayro uma weeqa abeloonuh, cunxitelon. Kaxxa agiirinna luk sugte labhak kinni way qeebil af awqeleeh, waagiselon.

Xafanya 1:7

Mulki le YALLIH cokmih ayro xayih immay kay foocal tibba 'xica. YALLI too ayroh masgaada bicseeh, Yuudâ mara buubu waa marah seeco abeh.

Zakariyya 14:1

YALLI cokmi edde abu waa ayro amaatelek ixiga. Too ayro Yarusalaam magaala buubelon. Siinik been duyye siinik foocal kurraasitelon.

Malaaki 4:5

«YALLIH ayroy sahda akak meysitta kaxxa ayro kinnihiyya tamaateemik naharal, anu nabi Eliyyas sin fan ruubeyyo.