Yasaqya 13:3 - NABUWWA KEE MALIKWA

³ Anu innih, yi bagcarra yaybulleeni'gidih, celeemah tan yi qaskaray yi taamah doorehiyyah seece. Oson yi iisa yafrice mara kinnon» iyye.

Yasaqya 13:3 ပူးပေါင်းရင်းမြစ်များ

Yasaqya 23:11

Yalli bad fanah gaba ruube. Inkih tan baaxo meysih axaxxe. YALLI, «Kanqaan baaxol koositih bicsen arooca bayisa» 'yaanamih amri yecee.

Yasaqya 5:26

Yalli xer baaxol yan marah seeco abeeh, baaxô-maggaraqal yan mari yamaate'gidih seeco abe. Woo mari ah keeniiy; sissikuk ardat yamaateenih yanin.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 51:46

Sanatalaay qusba xaagu baahaanaah, hebeltô-makaabanti hebeltô-makaabantut qeebi abe iyyan. Qeebi radele 'yaanamih texce-texcek mameysitinaay, niya siinik rade waytay.

Ermiyaas 51:53

Baabelon mari qaran yawqeemih, wokkel qande le megdeb xisaanamah, tohim keenik bayisu waa mara keenit ruubeyyo. Tahat yabtam yoo YALLA» keenik iyye.

Ayyuqel 3:11

Dariifal yan maraw, takkeenimiik sissikuk cokmi elle yakke golo fanah amay gaaboowa› inxica» 'yaanam iyye. YALLAW, maysattaka keenit abta'gidih ku qaskar rub!

Xafanya 1:7

Mulki le YALLIH cokmih ayro xayih immay kay foocal tibba 'xica. YALLI too ayroh masgaada bicseeh, Yuudâ mara buubu waa marah seeco abeh.