Yasaqya 13:18 - NABUWWA KEE MALIKWA

¹⁸ Ta mari gayse kee gaysê-baxat furrayna qidele. Salaadah maracmataanaay qunxa urruh maxuwaawan.

Yasaqya 13:18 ပူးပေါင်းရင်းမြစ်များ

2 Malikwa 8:12

Cadayel too waqdi, «Yi abbaw, macah weqta?» kaak iyye. Eliisaq kaak iyyemii, «Israayil maral bahtu wayta umaane aaxigeemih sabbatah weeqah an» iyye. Qagteh kaadu kaak iyyemii, «Gaso maroh edde tan magaaloolit keenik gira ruubetto. Furrayna keenik seefit qidetto; qunxa urri-xaylo tafqetto; soolimak xaylo baguk ayyaaqetto» kaak iyye.

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

Yasaqya 13:16

Xaylo oson abalih ken foocal duubuyak qidelon. Buxa keenik buubelon; agabu keenik cayliselon» iyye.

Yasaqya 47:9

Tama isin net matakka inteenim siinit akkeleeh, inki ayroh addat siinit akkele. Xaylo qunxih siinik rabeleeh, agbi siinik gubuunuh raaqele. Ramli qida kee ginnilil akah gexxaanamah, tah siinik raq lem hinna.

Yasaqya 5:28

Gayse kee gaysê-xaylo qeebi edde aboonuh bical tan. Gaysê-xaylo keenik af le. Ken faariisih ibitte gibdah qado-xeetih inna le. Ken faariisa beyta gaariira qaana fuluk haak tamaate.

Ermiyaas 18:21

Tahaysa, YALLAW, xaylo keenik qulul gadda ab. Carbit ken sel. Agabu keenik xalay-maleela kee gubun ab. Labha keenik dalkat selli hay; furrayna carbit keenik sel» 'yaanamat emeete.

Ermiyaas 5:16

Qaskar keenik kaxxa qande leeh, gabat lon gaysê-baxat racmatta maleh sahda qidan.

Ermiyaas 50:30

Tohuk gexxaamah, too takku wayta ayro, furrayna magaalak gitittel keenik qidelon. Qaskar kaadu keenik selelon. Tahat yabtam yoo YALLA» iyye.

Ermiyaas 50:42

Tikyah macaxu kee gaysê-baxa loonuuh; racmatta kee xuwaawah loonum malon. Faarisit gacca 'yeenih gexan way, haffo baaha badih xaw lon. Baabelon maraw, siinit qeebi abaana'gidih, roorul gacca 'yeenih yamaaten.

Ermiyaas 51:22

Agabu kee labha edde qidsiisak sugem, sin gabaay; qunxa mara kee kaxxa mara edde qidsiisak sugem, sin gaba. Lab-urru kee say-urru kaadu edde qidsiisak sugem, sin gaba.

Ermiyaas 6:23

Too mari gayse kee gaysê-xaylooy macaxwa gabat lon. Racmatta kee xuwaawak tu le mara hinnon. Faariisat gexan waqdi, baddi haffoh xongolo lon. Yarusalaamey, kot qeebi abaana'gidih roorut gacca 'yeenih yamaaten» 'yaanam iyye.

Yacedkel 9:10

Tonna-leemiik tahak wadir keenih maxuwaawa; keenih manacruura. Oson sinaamal baaheenim keenil baaheyyo» yok iyye.

Daaniyel 7:5

«Aki ali yemeeteeh; woo ali uma-alay sahda qidahiyya ceelak yeneeh; salafah daffeyak yen. Too ali masangalê-lafoofuk sidoc afat luk yen. Too waqdi too alak, ‹Ugutay cadok dudda haytah gide akum› kaak iyyen.

Hosiqa 13:16

Samaariyah mari yi yab cineemih sabbatah, digaala keenil tamaate. Xaylo keenik carbit rabele. Qunxa urri keenik xeetil tafqelon. Bagut le agabuk bagu fakelon» iyye.

Naacum 2:1

Nanawê-maraw, sin bayissu wayta qande temeeteh, marot sin tabbixe. Tonna'mmay ahaysa dacayrih yan mari magaalâ gasoosak gacaay; magaala akak culan gita dacrisay. Qaskarah inkih seecaay qeebih gulguluh gaca.

Naacum 3:10

Toh teetih xiqtem maliiy; ellecabol too magaalah mara seewah marin baaxo been. Tet xaylo xaal tafaqqa heenih, baaxot qiden. Teetil abbobtih suge mara silsilatat axuyya heenih beeniih, ken seewah bee mari saami caxxa keenil qide.