Yasaqya 13:14 - NABUWWA KEE MALIKWA

¹⁴ «Loyna sinni illi elle fixixe'nnal, fixixelon. Admoh yemeete marak sageeri elle kudda innal, kulli num isi baaxo fan kudeleeh, isi mara fan gacele.

Yasaqya 13:14 ပူးပေါင်းရင်းမြစ်များ

1 Malikwa 22:17

Miikayhu too waqdi kaak iyyeemih, «Israayil qaskaray loyna sinni illi innah fixixih tanihiyya ableh an» iyye. Qagissa heeh, «YALLI ‹A mari is miraacisa abba leh mayanak, isinni buxaaxih gexxaasitoonay inxic» 'yaanam axcuk oobbe» iyye.

1 Malikwa 22:36

Ayro cultam faxxa waqdi, Israayil qaskarih abbobti amri tecee. Iyyeenimihii, «Kulli num isi baaxo kee isi magaala siinik yaduuray» 'yaanam iyyen.

Yasaqya 17:13

Doolatwa baddi haffoh innah habbuy inta. Takkay immay Yalli ken yassacakku waa waqdi, qaleh amok caacay baahe siisah innah, wadir gacelon. Silayti baahe caffih innah wadir aduurelon.

Yasaqya 21:15

A mari akak yoowwem, seefiy ken edde qidaanam faxak sugeeni. Siiben seefik kudeenih yemeeten. Gaysê-baxay ken edde mudoonuh qalaamiseenik kudeenih yemeeten. Rada carbik addak kudeenih yemeeten.

Yasaqya 47:15

Sin cutuk-beyah maqaanek ellecabo toh teeti. Qunxaaneey akke maalu akah acayuk, edde taqabak sugten sicri-abaa kee cutuk-beyah qaada toh teeti. Gira siinit gexxu wayta saaku, sin wadu duuda num keenit mayanaay; too saaku, sin cabba heeh isinni gexoh gexu waa mara akkelon» 'yaanam iyye.

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.

Ermiyaas 50:16

Ken baaxol daro qide kala. Tooboke daro orbe kala. Allî-baaxoh maray ken addal yanihiyya keenit tekkem yabalu waa waqdi, meysih isi baaxo aduurele» iyye.

Ermiyaas 51:9

Allî-maray wokkel yanihiyya iyyu waamah, ‹Baabelon mara cate rarne'mmay, elle cattiiman innal yaniinih mayanin. Ahaysa mariiy isi baaxo fan nek gexaama. YALLI isi kaxxa qandet tet digaaleh yaniih, akak ugte wayta baatih tet bayseh yan› 'yaanam axcelon.

Naacum 3:18

Assuuriyah malikow, ku doolatih maray ku ummatih duwat yanihiyya rabeh gaba kaleh. Ku kaxxa maray muddaqiyih sugehiyya akak ugute waan xiinih xiinen. Tohih sabbatah ku mari qaleelah amol fixixih gace. Tohuk wadir ken baaxo fanah ken gacissam matan.