Yasaqya 11:6 - NABUWWA KEE MALIKWA

⁶ Too saaku, suula kee illi amaanah titta lih xiinele. Kabqi wadar lih xiinele. Rugaage kee lubak xaylo kee aroode saqi titta lih aseleeh, awki-baxa kinni way ken dacayri duudele.

Yasaqya 11:6 ပူးပေါင်းရင်းမြစ်များ

Yasaqya 2:4

Mango doolatwah fanat bica abeleeh; baaxooxal yan tittin-way bicsele. Qeebi edde abak sugen seefwa buqre edde aban biriitah korselon. Qeebi edde abak sugen macaxu caxak luud edde yargiqen gileelah gacselon. Tahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Yasaqya 65:25

Wakri anaqtu waklisele; lubak maaqoh qayso akmele. Awur innah qayso akmele. Hay, abeesa numut m'artaay, dibuk akmelem bullaaqe. Yi qaley taahirik tanil tet amol faxinnaan ikkel biyaakissam mageytinta; ahaysa umaane mayablan» 'yaanam iyya YALLI.

Yacedkel 34:25

Ken amo amaanah akah xinta'nnah, inni kee ken fanal xagana haysiteyyo. Ken baaxol enna 'ta alluwwa bayseyyo. Tonnal yi illi inkih meysi maleh bacarih tan baaxo kee garboh addal amaanah xiineleh dacrele» iyye.

Hosiqa 2:18

«Too saaku alak alaakulleyti yi mara xage waa'gidih, qahdi heeyyo. Carbi edde abba haan silaacak seef kee gaysê-baxa baaxok ayyaaqeyyo. Yi ummat amaanah xintay 'yaanam axceyyo.