Yasaqya 11:14 - NABUWWA KEE MALIKWA

¹⁴ Oson titta geyya heenih ayrô-culma le kabul tan Filistiin-ummattat qeebi abeloonuuh; ayrô-mawqa le kabul tan ummatta kaadu buubelon. Edom kee Mooyab-ummattak qeebil ayseloonuuh; Qammon-ummatta ken yab oggolelon.

Yasaqya 11:14 ပူးပေါင်းရင်းမြစ်များ

Yasaqya 14:29

Isin *Filistiin maraw, ruffu maxcina. Sin aatakuk suge birti yiddigilleh immay, abeesak teena rabtaamah wohuk gacta abeesa ciggiilele. Abeesa xalte naalaytih addak haada baadeysi awqele.

Yasaqya 15:1

Mooyab marih giddinaamak ruuben farmo ah teeti. Qaar kee Kiir magaalooli inki barih addat baateh! Too magaaloolil kaxxa haan yekke.

Yasaqya 16:14

Awayah tu gactek, YALLI iyyaamah, «Mooyab marih kaxxa nabna hununuh sidiica sanatih addat bayele. Mooyab maray manguk yenehiyyak dago mari raaqeleeh; woo mari boola le mara akkele» 'yaanam iyyah yan.

Yasaqya 25:10

Macaay inteenik, YALLI Siyon-Qale amaanah xiinisele. Takkay immay Mooyab marat laahi robbi addat suge caffat akah yaaqiten innah aaqitelon.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Yasaqya 59:19

Tonnal ayrô-mawqaay ayrô-culmal kulli num kaak meysitele; kay nabnak meysitelon. Haruurugutak ooba weeqih innah amaateleeh, kullim duufut beya caacayih innal amaatele.

Yasaqya 60:14

Kot xukkutak yen marih xaylo amaatele; koo yassakaxxeeni'gidih gommoh koh radelon. Duma koo bursutak yen mari ku ibih gubat radeh, ‹YALLIH magaalay! Siyon magaalay! Israayil doore Dageltay *Kudduusuk yanihiyyah magaalay› 'yaanam axcuk koo diyaarelon.

Yasaqya 63:1

Edom-rasuk Bosrâ-magaalak tamaatem iyyay? A qajaaqibih yan sartanay xarbat qassoowehiyyat gacteh, fooca fan annah nabna kee kaxxa qande luk tamaatem iyyaay? «Tah, yooy sahda waduh qande leeh, qadaalat luk yaabak yamaatehiyya kinni.»

Yasaqya 9:12

Suuriyah mari ayrô-mawqa le kabuk gaccaay *Filistiinih yooboke mari ayrô-culma le kabuk gacca 'yeh Israayil yanxuqoonuh af fakka teetit heen. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 40:11

Sarrak Yuudah-ummatay Mooyab kee Qammon kee Edom kee, wohuk kalah tan baaxol sugga 'tehiyya inkih, Baabelon-malik Yuudâ-rasul ummatak tu takkem cabeeh; too marak abbah Acikám-Gedalya keenik heeh cabe 'yaanam yoobben waqdi,

Ermiyaas 48:40

YALLI iyyeemih, «Qawi qawtam faxxa waqdi raarisak elle tamaate'nnal, Mooyab marat buuba abu waa mari raarisak yamaate.

Ermiyaas 49:2

Qammon rasuk inaytâ-magaalay Rabba deqsittal yakku waa qeebik xongolo edde oobba haan wakti amaatele. Too magaala abuuruh raaqele. Tet dariifal tan gaandoodi carriselon. Israayil mari isinni baaxoy keenik beeni gacsitelon.

Ermiyaas 49:22

Bosrâ-magaalal yan marat ken naqboytit, qawi galwa fakka hayteh tamaate way sahdak gital duyye elle qawta'nnal, ken qawelon. Too saaku Edom qaskar meysih lacawat tan barrah innah gacelon» 'yaanam Yalli iyye.

Ermiyaas 49:28

YALLI kaadu Keedar deqsitta kedo kee, Caxor deqsita numih milkih ten baaxooxay Malik Nabkadnessar qeebit yibbixehiyyah giddinaamak iyyeemih, «Keedarah yooboke marat qeebi abaay, ayrô-mawqa le kabut raaqa mara sela.

Yacedkel 25:14

Israayil ummatay yi ummat kinnihiyya yi aftok Edom maral cane gacselon. Yi naqbi le'nna ken aybulleelon. Yi digaala elle obta maral le inna ablelon. Tahat yabtam yoo YALLAY Mulki lehiyya» iyye.

Daaniyel 11:41

Baaxooxak qaxa inkih tayse baaxo kaadu wararele. Mango alfitte yakke mara qidele. Takkay immay Edom kee Mooyab rasih mara kee, tonnah, Qammon rasih marak raqtem asillimele.

Ayyuqel 3:19

Masri bacarih tan baaxo akkeleeh; Edom tu elle aabuke wayta foyyah tan baaxo akkele. Toh akah takku waytam, oson Yuudâ rasu yibbixeenih, teetil sugte masaakiinah yan mara qiden.

Qaamus 9:12

Too waqdi Edom rasuk raqtem kee, yi migaaqal elle dardaarak sugga iyyen baaxooxa Israayil marih im abeyyo. Tahat yabtam yoo YALLAY ah duudusu waahiyya» 'yaanam iyya.

Cabakkuk 1:8

Ken faaris sissikaaneh kabqik laftele. Satqitte suulak aban cunxok fuli cunxo keenik abelon. Faariisa keenik kaqoh fayxih inki aracal mataseehedaay, xukcunoh baaxo dub heele. Qawi tu bukkusam faxa waqdi sissikuk elle yamaate innal, a mari kaadu xer baaxok marin baaxo yabbixe'gidih, faaris xoxbisak amaatelon.

Xafanya 2:5

*Filistiin-maray baddi afal yanihiyyaw, bayteenim isinnik ixiga! YALLI cokmih baati siinil ruubeeh; too baatih bayettoonuuh, num siinik maraaqa.

Xafanya 2:7

Yuudâ-marak qeebik saaboh raqtem baaxo siinik raaqiseleeh, raaqisen baaxo saqi dabaaqah haysitelon. Askalon magaalal raqte qarwa, saqi loynitte xintimah haysitele. YALLAY ken Dagelta kinni luk sugen meqe mano keenih gacseleeh, ken qaxat gacele» iyye.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.

Makaabon 6:3

Israayil mari buqreh dariyyu qidinnaan waqdi, Miidiyan-mari, Qamaalek-mara kee ayrô-mawqa le kabul yan mara lih gacca 'yeenih qeebih keenit abak ken abbaxuk yenen.