Yasaqya 11:11 - NABUWWA KEE MALIKWA

¹¹ Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 11:11 ပူးပေါင်းရင်းမြစ်များ

2 Malikwa 17:24

Assuuriyah-malik, Baabelon kee Kuut kee Qiwwa kee Camat kee Safarwayim deqsitta magaaloolik sinam beyya heeh, Israayil-mari akak yiskiliqen Samaariyah-rasul tan magaaloolil nookise. Tonnal too mari Samaariyah-rasul tan magaalooli isinnih raqsiteenih, elle nooken.

Aster 10:1

Malik-Ekserkas, rasi addal yan mara kee baddâ-dariifal yan maral gabbara yaceenim faxxintam amrih oobise.

Yasaqya 1:9

YALLAY Nabaamak Nabahiyya, Yarusalaamal yekkeh yan wararak marak garabak rooci cate waamal, Yarusalaam magaala Sodom kee Gomorrak kaxxih, inkitanuuk baye rarte.

Yasaqya 10:20

Too ayro, Israayil marak raqte saabo, ken bayse maral kibaal mahaysitta. Oson nummaak kibaal elle hoonu waanam, YALLAY Israayil doore Dagelta kinnihiyyay *kudduusuk yani.

Yasaqya 10:9

Kalnu kee Karkamis magaalah marak carbil eyseh. Tonnah kaadu Camat kee Arfad magaalah marak carbil eyseh. Samaariya kee Damaskoh magaalah marak kaadu eyseh.

Yasaqya 11:16

Yalli, isi-marak saaboh raaqe marah, duma Israayilih Masri rasuk akak yawqen gita elle bicse innal, keenih kaadu Assuuriyah rasuk akak yawqen gita bicsele.

Yasaqya 19:21

Tonnal, YALLI Masri marah ambulleeleeh; too waqdi kaa aaxigelon. Kaa yaqbudoonuh, sadgat kee mattaco kay migaaqal abeloonuuh; YALLAH nadri culeloonuuh woo nadri duuduselon.

Yasaqya 19:22

YALLI Masri mara digaalele'mmay, sarrak ken aymaaqele. Oson kaal aduureloonuuh; usuk kaadu oson aban dooqa keenik oggoleleeh ken qaffoysele.

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Yasaqya 22:6

Qeelam-rasih-qaskar, faras amol anuk, gayse kee gaysê-baxa luk tamaateeh, faaris-gaariira luk tamaate. Kiir qaskar gooba luk tamaate.

Yasaqya 24:15

Tonna leemiik ayrô-mawqa le kabul yan marak, isin YALLIH nabnat yaaba. Baddi-xaqul yan marak, YALLIH migaq essekexxeya. YALLAY Israayil doore Dagelta kinnihiyya essekexxeya.

Yasaqya 37:31

Yuudâ-rasul baatik saaboh raaqe mari, daabinte-caxay xaylo xaltaah buxux akak baaxot cule akkele.

Yasaqya 42:10

YALLA qusba faylah faylisa! Baadal yan maraw, fayla abaay YALLA saarisa. Badal safarat yan maraw, kaa saarisak candu kaah gacisa. Badak addal enna 'taamay rooci lehiyya candu YALLAH gacissay. Xer baaxo kee xer baaxoh maraw, YALLA faylisa.

Yasaqya 42:12

Xer rasul yan mari YALLA faylisaay kaa yaynabay; YALLA saarisaay kaa yaynabay.

Yasaqya 42:4

«Inkih yan baadal qadaalat nookisaah daabisam fanah, kay niya mataddigila; way madaacta, mabaxaqta. Allahî-mari kinni-way, kay afak tawqe baritto geyoonu qambaalitelon» iyye.

Yasaqya 45:14

YALLI iyyamaa: Yi ummatey, Masri kee Kuus mari le duyye sinim abeyyo. Saabah maray lafa xeerihiyya siinil amaateleeh, sin mara akkele. Silsilatat axawah anuk, sin kataateloonuuh, assakaxxiyyah amo qunuunussa heenih, ‹Yalli sin qaxat yanim nableh naniih, kaak sah yalli mayana› 'yaanam axcelon» iyyah yan.

Yasaqya 49:12

Yi ummatta xer rasuk amaatele. Garab kilbat le kabuk amaateleeh, garab ayrô-culma le kabuk amaatele. Garab kaadu gabbi-qaxak Sinim deqsita aracak amaatele» iyye.

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Ermiyaas 25:25

Too marak kalah kaadu, Dimri kee Qeelam kee Meediya akak iyyan baaxooxal yen sidooca malik kee,

Ermiyaas 31:10

Baaxoh ummatey, YALLI siinik iyyam ankacisa. Usuk iyyam badak afal yan xer baaxoh marah warisa. Isi mara fixixih elle yabbixe baaxok gaaboysele. Illit duwah yan num duwah edde yan illi elle duwa'nnal, ken duweleeh ken dacrisele.

Ermiyaas 44:1

Yuudah yooboke maray Masril Migdol kee Tacfanhis kee Moof deqsitta magaaloolil yani kee, Masrik gabbi-qaxat raaqa maray Yuudah aabakuk yenehiyyah giddinaamak, Ermiyaasal YALLIH qangara obte. YALLI kaak iyyeemih,

Ermiyaas 49:23

Damaskoh magaalah giddinaamak YALLI iyyem ah teeti. «Camat kee Arfad magaalal yan mari kaxxam cisabbootiyyat yaniih; too cisabbootiyyat akah yaniinim, uma xaagu yoobbeenimih sabbata. Edde yaniinim ankakkaqe kee cisabbootiyyak, mayaffoofan.

Yacedkel 27:6

Koo edde seeban coox, Basan deqsita rasuk yirgiqen garsâ-caxak bicsen. Markab waqina akak bicseenim, Kobros rasuk baahen *sariidâ-cooxu. Dariifa akak dakani moddiinit exfen.

Yacedkel 29:14

Tohuk lakal oson akak raden mari elle suge Masrik gabbi-qaxi fan ken gacseyyo. Tokkel boola-le doolatah gacelon.

Yacedkel 30:14

Fatros deqsita aracay gabbi-qaxat raaqahiyya foyya abeyyo. Xooqan magaalay kilbat le kabut raqtahiyyat gira ruubeyyo. Teebes magaalal cokmih digaala ruubeyyo.

Yacedkel 32:24

«Qeelam kaadu wokkel taniih, carbit teetik rabte qaskarih kabaara maroh teetit tan. Addunyal sugen saaku sahda akak cunxitta marak yeneeni'mmay, a saaku too diini maleelah yen mari akeera gexe. Akeera gexe uma marat tikka 'ye qaybi keenit yekke.

Yacedkel 38:8

Uli baaxoy mango baaxol sugte ummatta tittal uduurra 'teh titta lih elle tanihiyya tan. Ta baaxoh mari carbi meysi mali. Mango sanatak lakal, too baaxo akah tabbixe innah koo ruubeyyo. Toh Israayil rasuuy; mango dabaanah Israayil qaleeli dibuk suge. Num sinniih lac sinni rasuh suge'mmay, a saaku woo mari woo qaleelal amaanah xiinan. Takkay immay too marat atu qeebi abetto.

Daaniyel 1:2

Goyti, Yuudâ-malikih yen Yahoyaakim kee Yallih Qibaadah Qarih addal sugte duyyek garab, Baabelon malikih gabat akah tantixibbixe innah abe. Too malik sahdak tu takkem seewah gabat beeh, dannabah kaadu Yallih Qibaadah Qarik been duyye orbise. Too duyye yalla axcuk yaqbudeemih xise qarik duyye elle daanisan aracal hee.

Daaniyel 11:18

Tohuk lakal baddaafal tan baaxooxal yan marat qeebi abeleeh, mango marak keenik aysele. Takkay immay aki baaxok yemeete makaabanti kaak ayseleeh; luk suge kaxxiinat kaa macaba. Too num sinaamat abak suge kaxxiinak gexxaamah, sinam kaal akah kaxxiinitta'nna kaak abele.

Daaniyel 8:2

Soonoh ubleemih: Anu innih Qeelam baddak Suusa deqsitta magaalay gaso maroh edde tanihiyyah addal, Uulay deqsita weeqaytih garil soolak suge.

Hosiqa 1:11

Yuudâ mara kee Israayil-mari wadir kaadu angaleleeh inki mara akkelon. Inki amoyta haysitelon. Isinni baaxol gaddaleela akkelon. Yidraqel-ayro, kaxxa ayro akkele.

Hosiqa 11:10

Anu lubak innah xongolu waa waqdi, yi mari axaxitak ayrô-culmaak yoo fanah amaatele.

Hosiqa 11:11

Masrik kimbir innah haadak, yoo fan amaatelon. Assuuriyah rasuk kukkurruh innah, sissikuk yol aduurelon. Ahak sarra ken baaxo ken gacseyyo. Tahat yabtam yoo YALLA» iyye.

Miika 7:12

Sin mari elle suggu 'ye ikkek isi baaxo aduurele. Assuuriyah rasul yan mari isi baaxo fan aduurele. Masril tan ummat sin fan aduurele. Furaat weeqaytih qaxal yan mari sin fan aduurele. Xer ikkel yan badih qaxal yan mara kee, xer ikkel tan qaleelal yan mari inkih siinil aduurele.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Zakariyya 5:11

«Kafaq Baabelon fan beyaanaah, tokkel tama tuble kafaqah qibaadâ-qari xiselon. Xisnek gaba kalan saaku, tama kafaq addal akak heelon» yok iyye.

Zakariyya 8:7

Inni mara seewah been baaxok gacseyyo. Ayrô-culma kee ayrô-mawqak ken baaxo fanah ken gacseyyooh,

Zakariyya 9:2

Cammat deqsita rasuy cuduuduh Cadrak deqsita rasut raaqahiyya kaadu digaaleyyo. Tonnah kaadu Suur kee Sayda deqsitta magaala kee teetil yan maray kaxxa kas lehiyya digaaleyyo.