Yasaqya 11:10 - NABUWWA KEE MALIKWA

¹⁰ Too ayro Dawud abbah yan Yiisak rade num, baadal tan ummattah inkih asta yakku waa simbil akkele. Mango mari kas kee fayu kaak beetelon. Usuk elle yan ikkel muxxo le nabna gacele.

Yasaqya 11:10 ပူးပေါင်းရင်းမြစ်များ

1 Aydaad 2:12

Booqas Yoobad xaleeh, Yoobad Yiisa xale.

Yasaqya 11:1

Yiisak rade maray malikwâ-nasab le, yirgiqen caxah buxuxih bis aallele. Takkay immay woo yirgiqen caxah buxuxuy saaboh raaqehiyya saadeleh, caxah-ramiidak luddi awqele. Yiisak rade marak qusba malik tonnal awqele.

Yasaqya 11:12

Yalli, asta-yakku-waa-qalam baadal-tan-ummattah heeleeh; Israayil kee Yuudâ-maray fixixeh sugehiyya baadak affara kaalibik gaaboysele.

Yasaqya 14:3

YALLI, isin luk sugten biyaakak sin urseleeh; cisabbootiyyak amaanah sin xiinisele. Dirkih sin absiisak sugen gibdi taamak sin ayfoofele.

Yasaqya 2:11

Sahdâ-kaxxiina kee anaani gaba edde kalta wakti amaatele. Too ayro nabna luk raqtu waytam, dibuk YALLA.

Yasaqya 2:2

Tamaatu wayta ayroorah addat YALLIH Qibaadah-Qari elle yan qale kulli'kkek fayyah giffa axcele. Kulli qalek fayyah giffa luk raaqele. Kulli koomak fayyah giffa luk raaqele. Baadal tan ummatta tet fan amaatele.

Yasaqya 2:3

Mango baaxol yan mari too saaku iyyu waamah, «Qibaadâ-Qari elle yan YALLIH-Qale fan nee beya» tittak axcelon. «Israayil ummat doore Dageltih-Qibaadah-Qari elle yan arac nawaqu wayna. Yalli tokkel isih faxem nee barsele. Usuk faxe gitat gexenno» 'yaanam axcelon. YALLIH-baritto elle tanim, Yarusalaam magaalaay; Siyon qalek isi ummat lih yaaba.

Yasaqya 28:12

«Offoofiyaay, ahaysa uqrufa; taqbe marak uqrufa inxica» siinik axcuk sugtem Yalla'mmay, takkeenimik Yallih-yab cinten.

Yasaqya 42:4

«Inkih yan baadal qadaalat nookisaah daabisam fanah, kay niya mataddigila; way madaacta, mabaxaqta. Allahî-mari kinni-way, kay afak tawqe baritto geyoonu qambaalitelon» iyye.

Yasaqya 49:22

YALLAY Mulki le isi marak iyyamaa, «Doolatwa fan gaba caseyyo. Elle yaaxigeeni'gidih, inni qalaamat ken aybulleeyyo. Sin xaylo sin baaxo fanah gacseloonuuh; lab-xaylo siinik aliilit baahelon; say-xaylo kaadu sunkut baahelon.

Yasaqya 59:19

Tonnal ayrô-mawqaay ayrô-culmal kulli num kaak meysitele; kay nabnak meysitelon. Haruurugutak ooba weeqih innah amaateleeh, kullim duufut beya caacayih innal amaatele.

Yasaqya 60:3

Doolatwa inkih, ku ifuy maaci ifih innah urahiyyah goranah amaatele; malikwa kaadu ku ifuh goranah amaatele.

Yasaqya 60:5

Aham akkih ablettooh, ruffu axcetto. Abtu wayta ruftoh xagar kok farci akkele. Baadal tan ummatta tedderem inkih koo fanah baahele; badak woo qaxa raaqa mari isi gadda koo fan baahele.

Yasaqya 62:10

Magaalah afoofik eweqa; magaala fan yaduure marah gita bicisa. Gita nagay bicisaay xeet akak kala. Asta-yakku-waa-qalam baadal-tan-ummattah haysita.

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Ermiyaas 6:16

YALLI isi marak iyyeemih, «Giti elle yangale maglallal solla inxicay baaxo wagitay! Dumî dabaanal sugte gititte cubbusa. Yayse gitay siinih yascassoonu waanahiyyat gexa. Too gitat gexxeenik, amaan geetton» iyye. Takkay immay toh keenih warse waqdi kaal gacseenimih, «Aleeyyah yayse gitat magenna» iyyen.

Caggay 2:9

Away xissoonu waytan Qibaadah-Qari, duma suge Qibaadah-Qarik qaxah iysissa heeyyooh; inni ummatah gaddaliinoo kee amaana tokkel aceeyyo. Toh siinik intam yooy YALLAY Nabaamak Nabahiyya› 'yaanam keenik inxic» kaak iyye.

Zakariyya 6:13

YALLIH Qibaadah-Qari nammeyhaak xissu waytam kaay; malikih taguude nabna geytu waytam kaa. Isi ummatak abba tikka 'yeh xiinisele. Malik dardaarinnih korsil gacele. Kay dardaarinnih korsih xaquk seekih yan num sooleleeh; too sek kee kaa abinnaanim titta lih abeloonuuh, muquk, wagarit titta xiiniselon. Toh intam YALLAY Nabaamak Nabahiyya› kaak inxic.