Yasaqya 10:33 - NABUWWA KEE MALIKWA

³³ YALLAY Dagelta kinnih, Nabaamak Nabahiyya, isih qandey kaxxa cunxo sahdat qiddahiyyat caxak yirgiqen luddi innah ken baysele. Ken addak kaxxiina kee nabnah lafitta 'ya mari bayeleeh qaybit radele.

Yasaqya 10:33 ပူးပေါင်းရင်းမြစ်များ

2 Aydaad 32:21

YALLI, malaykattu ruubeeh; woo malaykatti Assuuriyah qaskar abbobti kee qaskar qide. Assuuriyah malik tohut wacarriy kaa yibbixeeh, Assuuriya fan yuduure. Ayrok teena Assuuriyah malik, Yallih aftok yalla axcuk Yalla akke sinnim elle yaqbude qarih addal yan waqdi, kay xaylok tu seefit kaa qidde.

Yasaqya 18:5

Qinab xaylo yifiileenik duma, qobor radaah, qinab xaylo alayta saaku, Yalli, qinab caxah luud gilet elle yargiqen innal, ken argiqele.

Yasaqya 32:19

Garbol kaxxa arroqle raddaamah, magaala abuuruh raqtaamah,

Yasaqya 33:3

Ku xongolo radda waqdi, baadal tan ummat kudele. Atu ugutta saaku doolatwa fiik faak akkele.

Yasaqya 37:38

Ayrok teena yalla iyyeh yaqbude duyyey Nisrok deqsittahiyya, wohuh bicsen qarih addal aqbuduk suge waqdi, kay xaylo nammayay migaaqah Adrammelek kee Sarxer deqsitta amma 'teh seefit kaa qiden. Sarrak Araarat deqsita rasu fan yoowwen. Kay aracal Isar-Caddon deqsita kay baxi malik yekke.

Yasaqya 5:15

Kulli num keenik qaybit radeleeh, gaca mara akkelon. Kaxxiina leela aqunxeele.

Ermiyaas 22:7

Anu malik-qarih ruubu waa mari, godmat aagaruk, kaat tan qamidway *sariidak bicseeni kitittiffa heeloonuh, girat qidelon.

Yacedkel 31:3

Ceelalloh, Assuuriya Lubnaan-rasul tooboke caxay mango ludway silal meqehiyya leeh, xexxaarah qamburre guftahiyyah bis luk sugte.

Daaniyel 4:37

Tonna leemiik yoo Nabkadnessar qaraanal yan Malik faylisaah kaa assakaxxeh. Usuk le nabnat yaabah, usuk abba heem inkih cakkik taniimiiy, kay giti cakki gita. Kaxxiina le marak kaxxiina kalu dudda le» 'yaanam iyye.

Qaamus 2:9

« ‹Takkay immay yooy YALLA kinnihiyya, Amoora deqsita maray xexxaarah calawwayti gide yakkeeh caylah lubak inna luk yenehiyya, sella akah heem, sin taagak ten.

Naacum 1:12

YALLI isi ummatak iyyaamah: «Assuuriyah mari celeema kinnoonuuh, manga loonuh immay bayeloonuuh; suge weenih innah ken bayseyyo. Yi ummatey, sin biyaakeh immay ahaysa sin mabiyaaka.