Yasaqya 10:3 - NABUWWA KEE MALIKWA

³ Hay, Yalli sin digaalu waa saaku macaa abetton? Yalli xer baaxok temeete bala siinil oobisek, maca abetton? Catoh iyya fan ardetton? Teddereenim anket aaquretton?

Yasaqya 10:3 ပူးပေါင်းရင်းမြစ်များ

2 Malikwa 7:15

Too waqdi too mari Ordon weeqaytuh amma 'yaanam gexeeniih; elle gexxa 'yeenimil, Suuriyah mari kude waqdi qideh cabe sartan kee duyyeeya yublen. Sarrak yuduureeniih, tohim malikih warsen.

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

Yasaqya 17:4

YALLI iyyaamah, «Too ayro Israayil marih nabna gaba kalele. Xagar keenik boolatakaay qakkootak qakkootelon.

Yasaqya 20:6

Too saaku Filistiin baaxoh badih dariifal yan mari iyyu waamah, ‹Assuuriyah malikik nee cateloonu inneh kibaal elle hayneh sugne marat tekkem wagitay. Hay, tahaysa anke kudnah nan!› axcelon» iyye.

Yasaqya 26:14

Mayanin, alqo, boodo oobeeniih; Mayaduuran; kabrik muugutan. Ken digaalteh ken bayisse'kkal, aysa rooci keenil magaca. Ahak wadir ken kassam matan.

Yasaqya 26:21

Addunyâ-bagul yan mara inkih ken umaaneh digaala'gidih, YALLI dabqik yawqeh yamaate. Sinam rooci yeyyeeqe mara, aysa baaxo ken mataaqura; qiden marih qabal awqele.

Yasaqya 28:20

Missilah, «Qunxa qarkayto iba kok cabiiy, amo kok cabe'kah inkih koo matabbixaay; dudda sinni guula num mataybududda» iyyaana'mmay,

Yasaqya 29:6

YALLAY Nabaamak Nabahiyya qaran-kakkaqooy baaxoh-angoyya kee ibak-gibdi-xongolo ruubele. Tonnah kaadu, kaxxa caaco kee caacay kee sinam takme gira ruubele. Yarusalaam mari tohuk cattiimele.

Yasaqya 30:16

Tohih aftok isin, «Kaxxa arda le faariisit gacca 'neeh kudenno» inten. Nummah kudetton! Sin faariisa kaxxa arda lem takkaleeni'mmay, ama lakak sin yayradde mari siinik aakumele.

Yasaqya 30:5

Yuudâ-mari cato faxak maacisu waa saaku, Masri marih cato soono kinnim ablelon. Too waqdi, ‹A maray tuxxiq sinnil cato macah esserre?› 'yaanamal kaxxam nadaamitelon» iyye.

Yasaqya 30:7

Too duyye akah beenim, Masri mara'mmay, Masri marak geyoonu waan catotta malon. Tohuk gexxaamah Masri marak ‹Summi sinni abeesa› 'yaanam exceh an» iyye.

Yasaqya 33:14

Siyon-qalel tan dambileelat kaxxa cunxo hayte. Yalla-maleela meysih axaxitte. «A giray muxuq intak iyyi yalliile? Daayiman urta girat carariyya iyyi faxa?» iyyan.

Yasaqya 39:3

Sarrak nabi-Yasaqya Malik-Ciskiyyaahu fan yemeeteeh, kaak iyyemii, «Too mari akak yemeetem ankeey, kok iyyeenim macaay?» kaak iyye. Ciskiyyaahu iyyemii, «A mari yi fan akak yemeetem, xer baaxoy Baabelon deqsittahiyya» iyye.

Yasaqya 5:14

Akeera ken qambaalak sugele. Edde gacoonu waan kabaara af kaawut keenih luk sugele. Yarusalaamal tan muddaqiyi kee raqqa 'ye maray qaffaydah digiraah waxxaq iyya selele.

Yasaqya 5:26

Yalli xer baaxol yan marah seeco abeeh, baaxô-maggaraqal yan mari yamaate'gidih seeco abe. Woo mari ah keeniiy; sissikuk ardat yamaateenih yanin.

Ermiyaas 22:7

Anu malik-qarih ruubu waa mari, godmat aagaruk, kaat tan qamidway *sariidak bicseeni kitittiffa heeloonuh, girat qidelon.

Ermiyaas 4:30

Yarusalaamey, baati koo tibbixek, sugay abtam macaay? Qax-meqe sartanat macah gacta? Dahabak bicsen bila xagarat bilqah macah hayta? Intil kucul macah isik hayta? Foyyah bilqitta'kkal, koo kicinuk suge mari kok cayyeh. A saaku koo qidaanam faxan.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Ermiyaas 9:9

Hay ta mara digaalam yol matana'nna? Tannah yan marak ta umaane abalih digaale ikkal, ken cabam mameqe. Tahat yabtam yoo YALLA» 'yaanam keenik iyye.

Hosiqa 5:13

«Israayil ummat biyaakittu waytaah, Yuudah ummat daleela lem isik tabalu wayta saaku, Israayil catoh Assuuriyah malikil gexele. Takkay immay biyaakak ken macatay; daleelak ken muurusa.

Hosiqa 9:5

YALLIH qiidih ayro ta mari maca migaqsitele?

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Qaamus 5:19

Too ayro, naharak lubak afal gaceeh, lubaakak yisillimem yekkele waqdi, kabqih afal gaceeh; kabqik isillimeh ahaysa buxa wadbiteh iyye waqdi, qari afal sugte abeesa edde arte numih ceelallo siinit akkele.

Miika 7:4

Ken kaxxa mari foyyaay, baaxok bagul yooboke waaqeexik mayaysa. Yalli ummatah dumal elle ken nabuwway ken dacrisak sugteh kabuk keenih elle warse innal, ken edde digaalu waa ayro temeeteh. Too waqdi baditit sugelon.

Xafanya 1:18

Too ayro bagcarriteyyo'mmay, yi bagcarrak oson lon dahab kee lakqo ken mawadda. Inkih tan baaxo yi naqabuh obtu wayta girat cararele. Anu num cabe'kal, garciik addunya bayseyyo» 'yaanam iyye.