Yasaqya 10:27 - NABUWWA KEE MALIKWA

²⁷ Too ayro Assuuriyah marih gabak sin ayyaaqeyyooh, sunkul siinik abbaxuk sugen quuki siinil maraaqa. Kaxxam filli-cayla litoonumih sabbatah, fillal siinik haak sugen *madmad aggilele.

Yasaqya 10:27 ပူးပေါင်းရင်းမြစ်များ

2 Samuwel 1:21

«Gilbowaq qaleelaw, rob siinil rade waay! Rob kee buqre ken booxaaxal able waynay. A abaaro akah axceemih akah abamaa, agiira le goobwa wanna maleh raqte. Tohum qax-umaane kinnih waaga mali. Saawuluk gob saliid duugo geyah mayan.

Yasaqya 14:25

Assuuriyah maray yi baaxol yanihiyya bayseyyo; inni qaleh amol keenit aaqiteyyo. Inni mara Assuuriyah marih xukkok ayyaaqeyyo; fillal keenik suge quuka keenik kaleyyo.

Yasaqya 30:23

YALLI rob siinih ruubeleeh; buqre elle abinnaan ikkel, qidinnaan daro siinih aabukele. Mango daro orbisetton. Laahi siinik mango qayso geeleeh amaanah aloolele.

Yasaqya 37:35

A magaala, anu inni nabnah sabbatah, umaanek raaqiseyyo. Toh akah abu waam, inni naqasu Dawuduh cule qahdih sabbata› 'yaanam iyyah yan» kaak iyye.

Yasaqya 52:2

Yarusalaam maraw, siisa isinnik urgufa. Ama elle tanin siisak katay, dardaarinni korsih amol gaca. Casbit yan Siyon-maraw, axawah edde tanin silsilat isinnik kala.

Yasaqya 55:2

Sin cayise waytaamat lakqo macah finqissan? Satqat akak raqtoonu waytaanamat geytan duyye mabaysina. Yi yab oobbeyaay anu siinik axcem aba; tonnal kulliimik tayse maaqoy niya siinik ruffu edde inta geetton.

Yasaqya 9:4

Woh akah kinnim, luk sugen quuka keenik kalettooh, sunku keenik edde aagaruk sugen caxxa aggilele. Keenit xukkutak sugeeh ken adlumuk suge mara duma Miidiyan mara elle bayisse innal baysele.

Ermiyaas 30:8

YALLAY Nabaamak Nabahiyya iyyeemih, «Too ayro fillal keenik abbixe coox keenik kaleyyo. Axawah edde yanin silsilat keenik afdigeyyo. Too ayrok wadir marin marih naqoosa mayakkan.

Yacedkel 30:18

Masri mari kaxxam edde akkaluk suge qande keenik bayisu waah, Masri mara maqar cabsiisu waa saaku, Tacfancis deqsitta magaalal dite radeleeh; qamburret buulumele. Tet mandarittel enna 'ya mara inkih seewah beelon.