Yasaqya 10:24 - NABUWWA KEE MALIKWA

²⁴ Tonna'mmay YALLAY Dagelta kinnih, Nabaamak Nabahiyya iyyaamah, «Yi-ummattay Siyoonul tanihiyyaw, Assuuriyah-marak mameysitina. Dumî dabaanal Masri mari akah abe innah siinit xukkutaanamah mameysitina.

Yasaqya 10:24 ပူးပေါင်းရင်းမြစ်များ

2 Malikwa 19:6

woo yaabal gacsemii, «Sin amoytak intaanamaa, ‹YALLI, Assuuriyah-malik ruube urri-xayli yoo xaafak siinih baahe farmok mameysitina, 'yaanam kok iyyah yan› inxica.

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 14:29

Isin *Filistiin maraw, ruffu maxcina. Sin aatakuk suge birti yiddigilleh immay, abeesak teena rabtaamah wohuk gacta abeesa ciggiilele. Abeesa xalte naalaytih addak haada baadeysi awqele.

Yasaqya 27:7

Israayil ummat qide mari, duma yan saaku akah rabe'nnah, Yalli Israayil ummat maay qide? Keenit qeebi abe marak abem hay, Yalli keenik abeh maay yan?

Yasaqya 30:19

Isin Yarusalaamal yan marak ahaysa ruffa inteenih maweqtan. Yalla kallactan waqdi, siinih amqeleeh; cato kaal essertan waqdi, sin catele.

Yasaqya 30:32

Yalli fiiruk geerah ken yaagureemih karambo kee *kirar kanniyto yaabbeenimik maadayinnon. Tonna leemiik YALLI isih Assuuriyah-maral-yuckume-digaalat ken digaale le.

Yasaqya 35:4

Meysita marak, «Sin Dagelti yanik, mameysitinay ayti kibba haa» inxica. «Yalli sin wada'gidih, sin qaxat gaceleeh, umam siinil baahe mara digaalele» keenik inxica.

Yasaqya 37:22

tonna-leemiik kaat takku waytam koh warisu waa› kok iyya. YALLI Sanceeribik iyyam ah teeti: Siyon-qaley taahirik yani koo burteleeh kol anqaasele; Yarusalaam-magaala atu kudda way burah af kol raqeeqisele.

Yasaqya 37:6

woo yaabal gacsemii, «Sin amoytak intaanamaa, ‹YALLI, Assuuriyah-malik siinil ruube farmoy urri-xaylo yoo xaafak siinih warissehiyyak mameysitina, 'yaanam kok iyyah yan› inxica.

Yasaqya 4:3

Too wakti baatik saaboh raaqe maray Yarusalaamal yani, taahirik yan mara akkele. Too maray Yalli Yarusalaamal raaqaana'gidih doore, migooqa akak tunkuttube mara.

Yasaqya 46:13

Anu akah exce innah, cakki edde geytimu waa ayro xayih. Yi wadu baahu waa ayro xayih. Yarusalaam edde wadu waa ayro xayih. Israayil ummatah yi qax-maqaane aceeyyo» iyyah yan.

Yasaqya 51:13

YALLAY sin gineeh qaran fidseeh baaxoh kaadu elle solta rakiibo bicse, hawwenteenii? Kulli waqdi siinit xukkutaah, sin baysam faxa marih bagcarritaamah macah meysittan? Ken bagcarra tu makalta.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Yasaqya 7:4

Too waqdi ‹Cisabbootiyyak isi dacrisaay mameysitinay mawariggitin› kaak inxic» iyye. «Malik Raaxin kee kay mara kee, tonnah kaadu, Ramalyaahû-baxih kaxxa bagcarra, namma caxxat gexxa girah qeerih gide.

Yasaqya 9:4

Woh akah kinnim, luk sugen quuka keenik kalettooh, sunku keenik edde aagaruk sugen caxxa aggilele. Keenit xukkutak sugeeh ken adlumuk suge mara duma Miidiyan mara elle bayisse innal baysele.

Miika 5:5

Baaxoh amaan bahtem kaa. «Assuuriyah mari ni rasu yabbaxuh, qaskar edde tan megdebittek koroonu waan waqdi, ni miracway celeemah tanihiyya keenit ruubenno.