Yasaqya 10:22 - NABUWWA KEE MALIKWA

^22-23 Away Israayil mari mangah baddi afih qiddeh gide yakkeemih dago mari aduurele. YALLAY Dagelta kinnih, Nabaamak Nabahiyya inkih tan baaxooxat «Abeyyo» iyye baati elle inxicci 'ye innal abe leemih sabbatah, Israayil-ummattat «Abeyyo» iyye baati bical taniih; a baati keenih elle taguude innal keenit akkele.

Yasaqya 10:22 ပူးပေါင်းရင်းမြစ်များ

1 Malikwa 4:20

Yuuda kee Israayil mari mangah arrooqih gide akkuk yeneeniih, isinnih elle faxen innal akamukuuy aaqabuk farcaanak yenen.

2 Malikwa 19:31

Macaay intek, Siyon-qale kee Yarusalaam-magaalah addak baatik saaboh raaqe mari anele. Taham YALLAY Nabaamak Nabahiyya keenih le kaxxa kacanuk gexxaamah abele» iyye.

Yasaqya 37:31

Yuudâ-rasul baatik saaboh raaqe mari, daabinte-caxay xaylo xaltaah buxux akak baaxot cule akkele.

Yasaqya 46:3

Yalli iyyamaa: «Yaqkuubuk rade maraw! Yi marak saaboh raaqe mara kinnitoonuk, yoo oobbeya! Tooboken saakuuy akke, sin akkuquk amo siinik wagitak suge.

Yasaqya 48:19

Ramad siinik mangah baddi afih qiddeh gide akkuk yen. Migaq siinik baye maraarinnaay, baye haak mananniyo» iyye.

Yasaqya 59:20

YALLI iyyaamah, «Dambik toobite marah kalalu kee cato yakke'gidih, wadeeni Siyon fan amaatele» iyya.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Yasaqya 6:13

Baaxô-bagul bool yakke marak tabna num raqtaamah, naqboytit qagitak baaxo warareleeh, baaxot gira ruubelon. Takkay immay yirgiqen caxak buxux elle raaqe'nnal, taahirik yan dariyyuy sarra yaabuku waa raaqele» yok iyye.

Yasaqya 60:22

Siinik qunxa mari naba mara akkele; siinik gaca mari qande le mara akkele. Anu YALLA kinniyooh; edde akkeh meqe waktit, taham inkih xayuk absiiseyyo» 'yaanam iyyah yan.

Yasaqya 65:8

«Meqe lee le qinab-xaylo, qinab-xaylo fanat geenik, baaxot num qidam mafaxa. Qinab xaylo yaxmuumeenih leeh aftoh sahda taaqube. Yi mari yol too gideh yan; yi naqoosa too bis yol le. Baaxot inkih ken maqida; inni naqoosa mabaysa.

Yasaqya 8:8

Tohuk lakal Yuudâ-rasu fanah, sahda filla fanah yanxuqe weeqih innah, kullim duufut beyak amaatelon. Ammaanuwelow, too qaskar fakimit tan kaxxa galway baaxo inkih duddahiyya akkele» yok iyye.

Ermiyaas 3:14

Qagissa heeh iyyamaa, «Imaan maleelay! Yi mara kinnitoonuk, yol uduura. Sin Dagelti yoo. Kulli magaalak num-num siinik beeyyooh, kulli gulubuk kaadu namma-namma num siinik doorru heeh, sarrak Siyon qale fan sin beeyyo.

Ermiyaas 44:28

A carbik tasillimu waytaah Yuudâ-baaxo aleelittu waytam, dago mara. Tohuk wadir Yuudâ-marak saaboh raaqe mari, yi yab numma kinnim kee sin yab numma kinnim ablelon.

Daaniyel 9:27

Too malik inki malciin-gide mango marah bica abele. Woo malciinik garab taturra 'ya waqdi, ummatta abak sugte sadgat kee mattaco inkih abe ken kalele. Yalli faxe baati too ikke amma 'tam fanah, kaxxam umâ-yabulih tanim Yallih Qibaadah-Qarik fayya 'ta aracal heelon. Tamah nagay cubbusay mahawweenin» yok iyye.

Hosiqa 1:10

YALLI iyyeemih, «Takkay immay Israayil mari loowo akak duudume waytah gide akkeloonuuh; mangah baddi-afih qiddeh gide akkelon. Anu, ‹Yi mara hinniton› keenik elle exce ikkel, wadir inni mara ken abeyyooh, Yallay waarahiyyah xaylo akkelon.