Yasaqya 10:2 - NABUWWA KEE MALIKWA

² Tu maleelah le cakki mataaxigan. Ken cakki ken geyi mahaytan. Xukko elle tan marah cakki mabtan. Gubun kee qayxiixah im gita maliinot beytan.

Yasaqya 10:2 ပူးပေါင်းရင်းမြစ်များ

Yasaqya 1:17

Meqem abtaanam barita. Qadlih tanim aba. Sahda maskintut xukkutte kala. Qayxiixah cakki qayxiixah ixiga. Gubuunuh cato tika» siinik iyya iyye.

Yasaqya 1:23

Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

Yasaqya 29:21

Cakki-bagul-yan-maral diraabah-sumaaqita-mari bayele. Cokmi-buxal, cakki-le-mara cakki-waysiisa-mara baati qambalta. Qellat-sinni-mara-cakki-gee-kala-mari bayele.

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Yasaqya 3:15

Yi ummat xukkot tabbixeeni'mmay, masaakiinah yan marat taaqiteenim cakkik manton. Aham siinik intam, yoo YALLAY Dagelta kinnih, Nabaamak Nabahiyya» keenik axcele.

Yasaqya 32:6

Macaay inteenik, duquruk yab saaha mali. Aaminnaanimil malsaanam taamah le. Tonna leemik, YALLA cina num yakkeeh; YALLIH giddinaamak, qellat le yaabat yaaba. Qulula mara mayaskama; bakaarita mara mayafqa.

Yasaqya 5:23

Guqul taagah tablen umeynit gexxay intaanaah, qellat sinni mara cakki gee kaltan.

Yasaqya 5:7

Hay, YALLAY Nabaamak Naba yuysubuke qinab caxa kinnim Israayilik xaylo. YALLI yuysubuke cooxuy, ruffu edde haak yene kinnim Yuudah yoobokeh yan mara. YALLI, meqem aba mara yakkeenim keenik faxak yen. Takkay immay woh makkinnon; sahda qida mara yekken. Cakkik tanim aba mara, yakkeenim keenik faxak yen. Takkay immay woh makkinnon; amot akak gacan mari, «Qadaalat waynah nan» iyyan.

Yasaqya 59:15

Yaaminen mari mayanaay; umaanek waasiminnaan numuk amot gacen. YALLI aham yubleeh, qadaalat ane waam yuble waqdi faxe cineh.

Ermiyaas 7:6

sin addal yan allî-marat xukkute wayteeniih, qayxiixa kee gubun adlume wayteeniih, elle tanin baaxol masaakiinâ-qabala caxe wayteeniih, xeet kee cooxuk bicsen duyyeh-qibaaday baati siinih xaltu waytahiyyak raqteenik,

Yacedkel 22:7

Yarusalaamey, isi xaleena yassakaxxe num ku addal mayana. Marin baaxoh maray addal kok yani duquurussa. Gubun kee qayxiixa tadlume.

Qaamus 2:6

Qaamus kaadu qagissa heeh iyyemii, «Aham YALLI iyyaama. ‹Israayil mari fiiruk geerah dambi le taama abeenih; tohuk gexxaamah ken digaaleyyom digga le. Qellat sinni maray isi mago yagdiyu duude waahiyya sinaamal xaaman. Gersim hinna'mmay, magok yeceen kabel edde gacsan dudda alle wayta masaakiina, magoh aftok naqoosah haysitan.

Qaamus 2:7

Boola leeh, is cata mara sinni tu-maleela tassammeh biyaakittam keenit meqe. Masaakiinah yan mara yassammeh biyaakitam keenit meqe. Baxa kee abba inki baxuwway ken naqasoh tanil yangaleeniih, nammayak fido teetit faxan. Yi migaaqay taahirik yani, too abtol nadaasa aban.

Qaamus 5:19

Too ayro, naharak lubak afal gaceeh, lubaakak yisillimem yekkele waqdi, kabqih afal gaceeh; kabqik isillimeh ahaysa buxa wadbiteh iyye waqdi, qari afal sugte abeesa edde arte numih ceelallo siinit akkele.

Miika 3:1

«Israayilik abbobtih yan maraw, yoo ankacisa. Qadaalatat taamittaanam sin taamak tene'mmay,

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.