Yasaqya 10:13 - NABUWWA KEE MALIKWA

¹³ Assuuriyah malik, «Abba heem inkih inni qandet abeeh, qandeey kas kee bagi cubbi liyooh, ummatak qeebil eyseeh, inki ikkeh ken gacse. Oson daaniseenih sugen duyye keenik bee» axcuk tirtiriseh. Tonnah kaadu, «Wokkel tan malikwak, celem akah aba innah, amot taqqa exceh gexeeh,

Yasaqya 10:13 ပူးပေါင်းရင်းမြစ်များ

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 16:8

Farmo elle ruube maral YALLIH Qibaadah-Qari kee malikwa dabqah elle gacta qarik duyye-elle-daanisan-aracak bee dahab kee lakqo mattacoh kaah ruube.

2 Malikwa 17:24

Assuuriyah-malik, Baabelon kee Kuut kee Qiwwa kee Camat kee Safarwayim deqsitta magaaloolik sinam beyya heeh, Israayil-mari akak yiskiliqen Samaariyah-rasul tan magaaloolil nookise. Tonnal too mari Samaariyah-rasul tan magaalooli isinnih raqsiteenih, elle nooken.

2 Malikwa 18:11

Assuuriyah-malik Israayil-mara Assuuriya fan seewah bee. Sarrak keenik tu takkem Calac magaalal nookiseeh, gersi mara keenik Cabor weeqaytih garil Goodan deqsita rakaakayal nookise. Wohuk raqtem kaadu Meediya deqsita marih-magaaloolil nookise.

2 Malikwa 18:15

Ciskiyyaahu lakqok YALLIH Qibaadah-Qari kee, malik-qarik-duyye-elle-daanisan-aracal sugga 'tem inkih kaah yecee.

2 Malikwa 18:32

Sarra sin baaxoh bis le baaxo sin beeyyo. Too baaxol darok cayyetton. Qinabak bicsen kamri kibuk elle yan baaxo. Gaqambo kee qinab xala coox kibuk elle yan baaxo. Too baaxo zeyti (saliid) akak bicsan cooxih-xaylo kee malab le baaxo. Tonna-leemik rabak mano dooritaay, malik siinik iyyam oobbeya. Ciskiyyaahu, ‹YALLI nee catele› siinik iyyaamah numma makkalina.

1 Aydaad 5:26

Tonna leemiik Israayil doore Dagelti, Assuuriya deqsitta baaxoh malikiy Ful deqsitahiyyat ken baysaamih fayxi hee. Woo malik kaadu Tiglat-Fileeser deqsita migaaqal amixxiguk yen. Too waqdi Ruuben-kedo kee Gaad kedoh yooboke mara kee Manassê-kedoh yooboke marak garab seewah beenih, Calac kee Cabor kee Haara kee Goodan deqsita weeqayti garil tan baaxol ken gacsen. A saaku fanah tokkel yanin.

Yasaqya 10:8

annah axcuk tirtirisaah, ‹Yi qaskarih abbobtik kulli num maliki.

Yasaqya 5:21

Kaxxa kas lem isik yakkaleeh, kaxxam bagi cubbih is dareema maraw, woyyow, siinit takku waytaamow!

Ermiyaas 46:8

Masri marak tanih tan! Masri mari iyyaamah: ‹Inkih tan baaxo kaxxa weeqih innah duuful beyak amaatenno. Baadal enna 'ta magaalooli kee baaxo baysenno. Kulli magaalal enna 'ya mara selennok, faaris gexay inxica; faras-gaariira tarday inxica. Kuus kee Liibiyah qaskarak gob haysitay qeebih foora. Liidiyah maray gaysê-baxi mudumul yimixxigehiyyak, isin kaadu foora. Qaskarak inkih qeebih foora› 'yaanam iyyan.

Ermiyaas 48:14

«Mooyab maraw, isin, ‹Agiiray qeebil timixxigehiyya kinnino› elle intaanam macaay?

Yacedkel 25:3

‹Mulki le YALLIH yab oobbeya› keenik inxic. ‹Yi Qibaadah-Qari nadaasa yekkem siinit temqeh; Israayil rasi bayem siinit temqeh; Yuudâ mari seewah gexam kaxxam siinit temqe.

Yacedkel 26:2

«Bani-adantow, Suur magaalal yan mari akah wallitam macaay intek, kinnim koh warisu waa. Ahaysa, ‹Yarusalaam tiddigiiggilleeh; tellemmoy teetil akkuk tenehiyya gaba kalteh ikkal, gaddaliinoh net mamissowta› 'yaanamah wallitan.

Yacedkel 29:3

Kaak intaamah, ‹YALLAY Mulki lehiyya, «Weeqayti gudel yan kaxxa xabaado ceela numow, anu naqboyta kok ekkeh an» kok iyyah yan› kaak inxic. «Niil weeqayti yiimiiy; anu innih kaa bicse» 'yaanam inta.

Yacedkel 35:13

Tirtirisak yi giddinaamak edde yabten yab kee ceele-waytoy inteenihiyya siinik oobbeh.

Daaniyel 4:27

Hay, tonnal malikow, ku maganak anu koh acee fayu oobbey. Dambi lem maabinaay gitah tanim ab. Umaane cabaay, xukkot yan marah xuwaw. Tonnal gaddaliino koo cabe waytam takkeh» kaak iyye.

Daaniyel 4:30

iyyeemih, «Baabelon magaala manxu nabaah! Anu inaytâ-magaalah tet akah xisem, inni qande kee inni caylaay; inni nabna kee inni hayba elle aybulle'gidi»

Qaamus 5:27

Toh abtoonu waytaanam, Damaskok daga raqta baaxo sin askiliqu waa saaku. Ahat yabtam yoo YALLAY Nabaamak Naba Dagelta kinni› 'yaanam iyya» iyye.

Qaamus 6:13

« ‹Lodabar magaala nibbixeh› axcuk elle tirtirissan. ‹Karnaayim magaala ninni qandet nibbixe› axcuk hidah elle rabtan.

Cabakkuk 1:11

Tohih lakal foocat sugga tam duufut beelon. Oson dambileelah yan maraay; elle yaamineenim, isinni qande» iyye.

Cabakkuk 1:16

Wohut mayaadiyaanaay, woo sabooka yaqbudeeniih, sadgat akah aban. Toh akah abaanam, too sabookat isinnih faxxa haan maaqo geyaanaah, farcitak xiinan.

Cabakkuk 2:6

A saaku qeebil akak yeysen mari keenil anqaasak maaciseloonuuh, ken bursutelon. «Garaqtan duyye gaaboysaah, marak bukkuse duyyet gaddalite maraw, woyyow siinit takku waytaamow!» keenik axcelon. «Garqiino abaah, mago bee marak dulmil mago gacsa maraw, aham fan gaddalitteenih. Annal hay, magid fan sugtoonu waytaanah tanin!» keenik axcelon.

Makaabon 7:2

Tohuk lakal YALLI Gidqoonuk iyyeemih, «Atu lito mari mangoh; a axxul le mari inkih carbit engellaay woo carbil eessa iyyeh ken tekkek, isinni mangah geen iisa keenit ceelele ikkal, anu keenih ecee iisa keenit maceltaay; galto yoh elle magacsan.