Yasaqya 1:28 - NABUWWA KEE MALIKWA

²⁸ Takkay immay YALLIH yab cina maray dambit asahiyya baysele. Kaa cabba hee mara selele.

Yasaqya 1:28 ပူးပေါင်းရင်းမြစ်များ

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

2 Aydaad 21:10

Tohuk wadirih, Edom mari currih gace. Tonnah kaadu too dabaanal Libnâ-magaalah mari gaadileh yewqe. Toh akah tekkem, Yahooram YALLAY usuk akak rade kay kaxxa abbobti doorehiyya cineh yeneemih taaga.

2 Aydaad 28:23

Too waqdi, Acad isi bagul «A mara qeebil cattem, Suuriyah mari yaqbude yallak tanih tanikii, sadgat oson yaqbuden yallah abaama» 'yaanam heeh; qeebil akah gacem, a duyye yuqbudem kinnim yeegemeh. Damaskoh mari yalla axcuk yaqbude duyyeh sadgat abe. Takkay immay too duyyeh qibaada kaa kee Yuudâ-marah baati xalte.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yasaqya 24:20

Baaxo yiskire numih innah kabuk kabul lagaq axcele. Digga sinni siraqih innah angayyele. Abte Yallih-cinak gexxaamah annikisseleeh, abte niksok sarra muugutta.

Yasaqya 30:13

ama dambi, tonkommeeh bokokte gasoy maqar cabba hayteh raddam faxxahiyya siinil akkele. Isin tonnal garciik radetton.

Yasaqya 33:14

Siyon-qalel tan dambileelat kaxxa cunxo hayte. Yalla-maleela meysih axaxitte. «A giray muxuq intak iyyi yalliile? Daayiman urta girat carariyya iyyi faxa?» iyyan.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 50:11

Takkay immay gira isih urusa maray isi ifoytal gexahiyyaw, isinnih ifsen gititte gexa! Takkay immay, ellecabo siinik finqa. Aham siinik abtu waytam yoo YALLA.

Yasaqya 58:2

Macaay intek, cakki-gital-gexa-marih innal, ken Dagelti iyyeemit darre cabe wee marih innal, oson kulli ayro, ‹Kay gita naaxigem fanxaah, kay amri oggollam fanxa› axcuk yoo yaqbuden. ‹Koo naqbudeemit rufto geennok, qadaalat le xinto neh eyyeq› yok iyyan.

Yasaqya 64:6

Nakkeemik caraamuk yan mara nekke. Abba hayna meqe taama nek inkih, abicih tan saroh innah tan. Abnah nan dambik gexxaamah laqaymumma 'yeh kafe ayyuufay caacayat gexah gidek nan.

Yasaqya 65:11

«Toh hinna'mmay raaqe maraw! Yoo hawweeneeh cine maraw! Yi qaley taahirik tani hawwenna 'yeeh burte maraw! ‹Nasiib› akak iyyan duyyeh meqe maaqo yecee maraw! ‹Ellecabo› akak iyyan duyyeh qinab-kamri yecee maraw, siinik excem tabbeenimi!

Yasaqya 66:17

YALLI iyyaamah, «Isinni taahirroysak, taahiri akak iyyan bustaanih addat Yallih aftok duyye yaqbude marih ellecabo xayih. Oson keenik gudel yan num katayak, ceray-cado kee ikiqyô-cadooy, tonnah kaadu, aaminnaan maaqo yakmen. Sittat finqitelon.

Yasaqya 66:24

Qagseh, «Yamaatoonu waan saaku, yi yab cine marih raysa ablelon. Ken xagar takme xaariya, rabta xaariya hinnaay; ken takme gira mabarugta. Ken raysi ableh uma innah gacele» iyye.

Ermiyaas 17:13

YALLAW, Israayil ummat kibaal elle lem koo. Koo bursutta haa mari inkih qawratak radele. Kooy sila le leeh raceynah yanihiyya cine mari siisâ-bagul yuktuben migaq akkelon.

Ermiyaas 44:12

Yuudâ-marak isi rasul raaqeeh, sarrak Masri fan gexe maraw, too gexo baatih siinik orbelem ixiga. Nabam kee qunxam siinik Masril rabele. Qulul kee carbit ambaxetton. Yuble mari akak wariggitu waa embexih ambaxetton. Ummat ilaqtaah ces akak inta mara akketton.

Hosiqa 14:9

Kas le mari a kitaabal yan yaabat radeleeh, afqadot raaqisele. YALLIH giti, cakkik yan gita. Cakki gitat gexa mari kay gita kataatele. Dambileelaay a yaabat baaqid mahaytaay, tohih sabbatah, kay giti adaf keenil yakke.

1 Samuwel 12:25

Dambit bisoh inteenik, sin kee sin malik inkih bayselem ixiga» keenik iyye.