Yasaqya 1:25 - NABUWWA KEE MALIKWA

²⁵ Amah siinit macabaay, liton nadaasak sin kaqliseyyo. Saabunut kaqlisen saroh innah nadaafatah sin heeyyo.

Yasaqya 1:25 ပူးပေါင်းရင်းမြစ်များ

Yasaqya 1:22

Yarusalaamey, duma lakqoh innah fula luk sugte'mmay, a saaku foyya tekke. Duma qinabak bicsen maqabih tamu luk tene'mmay, a saaku foyyâ-lee tekke.

Yasaqya 27:9

Tonnal dambi keenik katele. Israayil mari edde ase umaanek qafu geen saaku aham akkele: sadgatah xeetik bicsen mansaf, bardak bicsen xisneh innah, iggilla heelon; riira akkele. Aseeral yaaxigen gurmuuday qibaada akah abak sugeeni, qaydarus elle ruuban mansaf soolak maraaqa; bayele'kkal.

Yasaqya 4:4

YALLI isi qandet ummattal mekleleeh; gira birta akah taahirroysa'nna ken taahirroysele. Yarusalaam-agbi le sakkik tan taamak keenik taahirroyseleeh; Yarusalaamal caxita qabalak tet kaqlisele.

Ermiyaas 6:29

Yi mari girat laqlaqan birtay diyaaye cineeh, wasak akak kate cinehiyyah bis lon.

Ermiyaas 9:7

Tohih sabbatah YALLAY Nabaamak Nabahiyya iyyaamah: «Birta girat elle yagirriben innal, anu inni mara agirribeyyo. Yakken mara keenik ableyyo. Yi mari aba dambi able waqdi, toh keenik abe week, maca keenik aba?

Yacedkel 20:38

Yi yab cinaah anu axcem abe waa mara sin fanak ayyaaqeyyo. Away elle yanin baaxok ken ayyaaqeyyo'mmay, ahaysa Israayil rasu aduuri ken maha. Too saaku YALLA kinniyom yok aaxigetton› 'yaanam iyye.»

Yacedkel 22:19

Tonna-leemiik keenik intaamah: YALLAY Mulki lehiyya siinik iyyaamah, ‹Tu xiqe sinni duyyeh gideh yol taniinik, takkeenimik sittat Yarusalaam fan sin baaheyyo.

Yacedkel 22:20

Lakqooy nacaas kee birta yasiffiyeeni'gidih girat akah diyaayisan innah, yi bagcarra tonnal sin diyaayisele.

Yacedkel 22:22

Lakqo girat akah diyayta'nnah, Yarusalaam addal diyaayettoonuuh; too saaku yi naqbi le'nna abletton› keenik inxic» iyye.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.

Malaaki 3:3

Lakqo kee dahab edde yasiffiyen girah innah, umam kee meqem tittak asiffiyuk amaatele. Dahab kee lakqo bicsa num girat asiffiyuk akah bicsa'nnah, Yallih farmoyti yamaatu waa saaku, Leewih yooboke mara tonnal asiffiyele. Too saaku too mari, YALLAH gitah yan sadgat abele.