Yasaqya 1:23 - NABUWWA KEE MALIKWA

²³ Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

Yasaqya 1:23 ပူးပေါင်းရင်းမြစ်များ

2 Aydaad 36:14

Tohuk kalah kaadu, Yuudah abbobti kee seekah abbobti Yalla cinna hayteh, cuggaaneh keenik yan mari edde ase umâ-yabulih-tan-taama inkih kataateeniih, xeet kee cooxuk bicsen duyyeeyah qibaadat gacen. YALLI isih taahir abe Qibaadah-Qari nadaasa aben.

Yasaqya 1:17

Meqem abtaanam barita. Qadlih tanim aba. Sahda maskintut xukkutte kala. Qayxiixah cakki qayxiixah ixiga. Gubuunuh cato tika» siinik iyya iyye.

Yasaqya 1:18

YALLI qagseh iyyeemih, «Tahaysa yol amaay, tahat itta lih yaabenno. Isin abten dambit kaqalteenih immay anu woo dambik sin kaqliseh cankaxi qidih innah sin heeyyo. Dambik abteenimih mangah xagar siinik yoomeh yani'mmay, qado illi xagoorih innah akak gacetton.

Yasaqya 1:22

Yarusalaamey, duma lakqoh innah fula luk sugte'mmay, a saaku foyya tekke. Duma qinabak bicsen maqabih tamu luk tene'mmay, a saaku foyyâ-lee tekke.

Yasaqya 28:14

Kulliimil qangaasalah rabah! *Yarsalaamal xiinisa maraw, tahaysa YALLIH iyyem oobbeya.

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Yasaqya 30:1

YALLI iyyeemih, «Yabti-cina le xayloy, sinim tekkeh! Anu faxam cintaanaah, isinnih faxxen mala malsittan. Yi idni maleh bica sinam lih haysittaanaah, dambit dambi osissan.

Yasaqya 33:15

Cakkit taamitaah nummat yaabaah, bukko kee rado niqbaah, guqul bee waah, sinam qidim kee umaaneh abittol malisa marat angale waah, umam abittot yan marat angale waa num fayya le arac geya. Reebuh, num aleele waa boolot gacele. Yakme maaqo kee yaaqube lee mawaa.

Yasaqya 5:23

Guqul taagah tablen umeynit gexxay intaanaah, qellat sinni mara cakki gee kaltan.

Yasaqya 65:2

Umaanek aduure cinaah uma-taamak aduure waah uma-gitat gexa maray deedal kee dirab kataatah, inkih tan ayroy dudda le ‹Yol ama› axcuk namma gaba keenih fidseh ‹Yol ama› exce.

Ermiyaas 22:17

koh tu gactek, liyom yoo duddah iyya num hinnitooy, marin im dulmih beytaah, dambi-maleelâ-qabal foyyah caxxa. Isi mara tadlumeeh, keenit xukkuttaah, ken biyaktah.

Ermiyaas 32:32

Tohut akah emeetem, Israayil kee Yuudâ maraay, ken malikwa kee keenik saqoltih yan maraay, ken seeka kee oson nabuwwah lon mara kee, Yarusalaam magaalah mari abah yan umaane.

Ermiyaas 4:17

Cal uma awur yasguudeenim faxan waqdi, yabbixoonuh elle maraasiyan innal, Yarusalaam marot heelon. Yuudâ-marat toh akah takku waytam, yoo cineeniih yi amri cineenimih sabbata. Tah intam yoo YALLA.

Ermiyaas 5:5

Tohuk lakal «Idoolal keenik gexeyyooh, ken idoola lih yaabeyyo. Too mari YALLIH gita yaaxigeeh, Yalli iyyem yaaxige maraay; keenil gexeyyo» 'yaanam inni bagul ucsube. Takkay immay oson kaadu yakkeenimik inkih, Yallih yab cine maray Yallak yexxeerehiyyak sugen.

Ermiyaas 5:6

Ta umaanek gexxaamah, garboh addak tewqe lubookah gadda akkelon. Bacaril tan suula ken kitittifele. Kabqi oson elle yanin magaaloolih dariifal ilaalisak suggu 'yeh; yawqen waqdi ken kitittifele. Toh keenit akah takku waytam, aban dambi keenik yemeggeh. Ayrok ayro uma taamat qagitak maacisan.

Yacedkel 12:2

«Atu fanat akak tanim, yabti cina le maraay; makoleela kinnoonumih sabbatah, abalih mayablaanay aabbih mayaabban.

Yacedkel 22:27

Israayil abbobti, barugi amol tongoorowe suulay mariiy kabuk akak yakmeh innah abitan. Gita maleh gaddalitaanamih fayxih sahda qidan.

Hosiqa 4:18

Qinabak bicsen kamrik cayya iyyan waqdi, dalwa abaanaah farcaan yakken. Meqe migaaqay luk sugeenik qaybik radaanam dooriten immay, kaxxa caacayih gadda akkeloonuuh, xeet kee cooxuy yalla 'yeenih yaqbudeenihiyyah aban sadgatat wacarriyelon» iyye.

Hosiqa 5:10

YALLI iyyaamah, «Yuudâ marih abbobti Israayil baaxo geyta'gidih, cuduudul suge xeet kala marih innal tekke. Tohih sabbatah yi bagcarra weeqi innah keenil oobiseyyo.

Hosiqa 9:15

Yalli iyyeemih, «Oson umaane elle qimbiseenim, Gilgal deqsita araca. Anu naharak ken inqibem too ayrok ten. Oson aben umaaneh sabbatah, inni baaxok ken ayyaaqeyyo. Ken abbobti yi yab cinteh immay yok kaadu keenih luk suge kacni gaba kaleh.

Qaamus 5:12

Abtan umaane kee dambiy edde taniinihiyya siinik yemeggeh yanim digga haa. Meqe marih amot gactaanaah, xakaake ken kaltaanaah; guqul takmeeniih; masaakiina cakki waysissan.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Miika 3:9

Tonna'mmay, Israayil abbobtik, isin yoo ankacca haay, siinih warsam yok oobbeya. Isin qadaalat qansiisa mara hinniton. Gitah tanim makot abtan.

Miika 6:12

Siinik gadda leelah yan mari tu maleela yadlume. Takkeenimiik dirab leela kinniton. Sinam duquurussan.

Miika 7:3

Umam abittol ken celtam matan. Doolat saqolti kee cokmaaba guqul faxxaah, milki le mari faxxa heem aban. Yakkeenimiik sahdak aboonu waanamal malsitan. Isinnih faxaanamah sinam dirkisan.

Zakariyya 7:10

Gubun kee xaleena akak rabte qayxiixaay, marin baaxoh maray sin addal yanii kee tu sinni masaakiinah emeqa. Isinnih kaadu umam tittah mamalsina› keenik exceh en.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

1 Samuwel 8:3

Tonna'mmay, oson isinni abbah gita kataata marak manannon. Lakqô-fayxi kaxxam luk yenen. Tonna-leemiik sahdak guqul beyak yeneeniih, ummattah yab gitah meklak manannon.