Yasaqya 1:11 - NABUWWA KEE MALIKWA

¹¹ YALLI iyyamaa, «Isin, ‹Yallah abna› axcuk abtan mango sadgoota yot tu xiqtam maay takkalen? Isin, sadgatah abna axcuk, cado akak cararissan illih sadgat kee aroodissen saqih xayta akak carrissan sadgatak cayyeh. Laa kee illi kee wadar qabalay kulli way caxxaanahiyyat ruffu maxca.

Yasaqya 1:11 ပူးပေါင်းရင်းမြစ်များ

Yasaqya 58:2

Macaay intek, cakki-gital-gexa-marih innal, ken Dagelti iyyeemit darre cabe wee marih innal, oson kulli ayro, ‹Kay gita naaxigem fanxaah, kay amri oggollam fanxa› axcuk yoo yaqbuden. ‹Koo naqbudeemit rufto geennok, qadaalat le xinto neh eyyeq› yok iyyan.

Yasaqya 66:3

«Sahda isih faxxem abbaasitta. Sadgatah saq qidaanam kee sahda qidaanam keenil inki gide. Anaqtu qidaanam kee kuti filla yaggileenimiiy, daro sadgatah baahaanam kee ceray qabala sadgatah caxaanam keenil inki gide. Qaydarus qeerisaanam kee, deedaltam yalla 'yeenih yaqbudeenim keenil inki gide. Yalla umâ-yabulih yan gital yaqbudeeniih, tohut ruffa iyyan.

Ermiyaas 6:20

Saba deqsita rasuk yoh bahtan qaydarusut anu maca waah? Hinnay kaadu, xer baaxok bahtan qibaadah-haan-sukutit faxam mayyu. Yoh bahtan sadgoota yi garil oggol siinih mali. Cado akak carrisan sadgatay yoh abtaanahiyya siinik mafaxa» 'yaanam siinik iyye.

Ermiyaas 7:21

Toh too tiya. Tohuk kalah YALLAY Nabaamak Nabah, Israayil doore Dagelta kinnihiyya siinik iyyaamah, «Ama abtan sadgat, cado akak carrisan sadgatat osissa haysitay, isinnih ottokommeya.

Hosiqa 6:6

Anu siinik faxam, kulli way yoo takcineenimi'kkal, saq sadgatah yoh qiddaanam hinna. Anu inni marak sadgatah qiden saqih xayta carrisaanah qaydarus ruubaanam hinna'mmay, yoo akah yaaxigen innah keenik faxa.

Hosiqa 8:13

Yi migaaqal sadgatah saq qidan. Qiden saqih cado yakmen. Takkay immay yooy YALLA kinni ken inqibeh, ken faxah maan. Oson baahen dambi aaxaguk ken akah digaaleyyo. Akak yemeeten Masri fan ken gacseyyo.

Qaamus 4:5

Ahaysa wadir maxcina! Candi gacsah Yallih sadgatah bahtan gaqambok maadayinay baaha! Ahak kalah sadgatah bahtaanamal tirtirisa. Toh hinnaa, isin kaxxam edde takkaleenim!» 'yaanam keenik iyya.

Qaamus 5:21

«YALLI iyyamaa, ‹Sanatal abtan qiid siinik inkinnah faxah maan. Diini migaaqal abtan modod yol sakkih yan.

Qaamus 5:22

Cado akak carrisan sadgat kee, daro yi migaaqal sadgatah bahtan way, anu siinik moggola. Gablusen saqih sadgat siinik moggola.

Miika 6:7

Sadgatah illik mango alfi baaheey, qadad sinni zeytiy (saliidiy) caxâ-xaylok bicseeni kaah bahnaamah, YALLI ruffa edde maay iyya? Hinnay kaadu abne dambih kaqalsoh, naharsi-baxa, cado inkitanuuk akak cararisan sadgatah naceemih, YALLI ruffa edde maay iyya?» intan sin tekkek,

Caggay 2:14

Caggay too way keenik iyyeemih, «Hay, tonnal, YALLI iyyaamah, ‹Ta maraa kee ken buqrek orba murti, tama taway siinih warisak suge ceelalloh gide. Tonna-kinnuk oson sadgat elle aban aracal sadgatah baahinnaan maaqo calaalak matanay; nadaasak taniih, caraamuk tan.

Zakariyya 7:5

«Seeka kee ummattak inkih intaamah: ‹A dabaanah malcina-tabanih liggidih gide, kulli sanatak konoyhaytoh alsa kee malcinhaytoh alsih addat abak sugten inki-inki ayroh soom akah abak sugteenim, yi nabna hinna.

Malaaki 1:10

YALLAY Nabaamak Nabahiyya iyyeemih, «Yoh sadgat elle abtan aracal tu xiqe sinni gira urussaanamak, gira akah uruse waytan innah, qibaadah qarih afoofi siinik alfa num geenniyoy faxe raare. Isin abtaanam ruffu yoo mahaytaay; sin sadgat moggola.

1 Samuwel 15:22

Samuwel iyyemii, «Hay meqehik, YALLI, amri kaak oggolaanam kee, kay sadgatah saqa qidaanamak macah lafitam kot celtaa? YALLIH garil kay sadgatah gabul le maruw qidaanamak, usuk iyyem abaanaah kay yaabat maqal haanam muxxo le.