Yasaqya 1:10 - NABUWWA KEE MALIKWA

¹⁰ Sodom marih bis le reedonow, YALLI siinik iyyam ankacisa! Gomorrâ-marih bis le ummattey, ni Dagelti siinik aba iyyam oobbeya!

Yasaqya 1:10 ပူးပေါင်းရင်းမြစ်များ

Yasaqya 28:14

Kulliimil qangaasalah rabah! *Yarsalaamal xiinisa maraw, tahaysa YALLIH iyyem oobbeya.

Yasaqya 3:9

Oson aban qadli-sinna keenit aamele. Sodom magaalah mari wacarriye'kal dambi akah abe innah, a mari kaadu wacarriye'kal dambi leemit asan. Woyyow keenit takku waytaama! Baati isinnih isinnil baahan.

Yasaqya 30:9

Macaay inteenik, oson kulli way Yalli faxe waam aban. Aamanti-sinni-xayloy YALLI keenik iyyam oggole waytahiyya kinnon.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 8:20

Too waqdi keenik intaanamah, «YALLI siinik iyyem abay kay farmo ankacisa» keenik inxica. Ta qangara cina maral, maaci mamaacisa.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Yacedkel 13:2

«Bani-adantow, a isi amok eyyeqqa heeh, ‹Nanu wacyi nuble› iyya maray nabuwwa akak iyyaanak intaamah, ‹YALLI siinik iyyam oobbeya› keenik inxic.

Yacedkel 16:35

«Tonna'mmay Yarusalaam kacbay, YALLI kok iyyam oobbey.

Yacedkel 16:46

Barah kok naba ku maqanxáy Samaariya deqsittahiyya kee tet xaylo dabaaqah-elle-tanim, atu elle tani'kkek kilbat le kabut raaqa araca. Kok qunxa maqanxá kee dariifal tan gaandoodiy gabbi-qaxat kok raqtahiyya, migaaqah Sodom deqsitta.

Yacedkel 16:49

Tet kee tet xaylo ken dudda maaqo geyyaay amaanah gacca iyyen waqdi, kaxxa kaxxiina xagarat keenik gacte. Takkay immay masaakiina kee tu sinni marah cato abak masuginnon.

Qaamus 3:1

Nabi Qaamus iyyeemih, «Israayil ummattay YALLI Masrik yeyyeeqehiyyaw, siinit takku waytaamay YALLI naharal garci siinih akak kalahiyya ankacisa.

Qaamus 3:8

Lubak gardam yaabbe way meysite waa num mayan. YALLAY Mulki le yaabe waqdi, kaak yoobbem ummatah warse waa nabi mayan» 'yaanam iyye.

Qaamus 9:7

YALLI iyyemii, «Israayil ummatey, isin Kuus marih bis yol maay aalle waytan? Sin Masri baaxok akah eyyeeqe innah, Filistiin mara Kireet rasuk eyyeeqeeh, Suuriyah mara kaadu Kiir rasuk eyyeeqe.

Miika 3:1

«Israayilik abbobtih yan maraw, yoo ankacisa. Qadaalatat taamittaanam sin taamak tene'mmay,