Yasaqya 1:1 - NABUWWA KEE MALIKWA

¹ A kitaabal tanim, Yuudâ-rasu kee Yarusalaam magaalal tan ummattah Yalli, Amóx-Yasaqya le kabuk ruube wacyi. Yalli a farmo ruubem, Quddiyya kee Yootamaay, Acad kee Ciskiyyaahu deqsita mari malikwah suge dabaana.

Yasaqya 1:1 ပူးပေါင်းရင်းမြစ်များ

2 Malikwa 15:1

Yahoqás-Yarobqam Israayil-malik edde yekke labaatanna kee malcinhaytô sanatat, Amaxyâ-baxi-Quddiyya Yuudâ-malik yekke.

2 Malikwa 15:13

Quddiyya Yuudak malik edde yekke soddom kee sagalhaytô liggidat, Yaabes-baxi-Sallum Israayil-malik yekke. Samaariyah-magaalal inki alsa malikih suge.

2 Malikwa 15:32

Fekac Israayil-malik edde yekke nammayhaytô sanatal Quddiyya-baxi-Yootam Yuudâ-malik yekke.

2 Malikwa 15:7

Quddiyya rabe saaku, Dawud-Magaalal malik buxah mara edde yaaguqen aracat kaa yoogoqen. Kay lakal kay baxi-Yootam malik yekke.

2 Malikwa 18:1

Eela-baxi-Hosiqa Israayil-malik yekkeemih sidochaytô sanatal, Acad-baxi-Ciskiyyaahu Yuudâ-malik yekke.

2 Malikwa 19:2

Malik-qarih-abbah yan Elaakim kee, malik-qarih kutbe-abeenah yan Sebna kee, seekah abbobtih yan mara ken lih hayya heeh, Amox-baxa-nabi-Yasaqya fan farmoh ken ruube. Oson kaadu sartanah *qabuudut gaceenih gexen.

2 Aydaad 26:1

Yuudâ mari yakkeemiik Amaxyah baxay migaaqah Quddiyya deqsitak yenehiyya abbah aracal malikih dooren. Too saaku Quddiyya qumrik taban kee lica karmat yen.

2 Aydaad 26:22

Nabi Yasaqya ahak kalihimiy usuk abehiyya yuktube.

2 Aydaad 27:1

Yootam malik yekke saaku qumrik labaatanna kee koona sanatat yen. Yarusalaam magaalal taban kee lica liggida malikih suge. Kay ina Yaruusa deqsitta barrak ten. Tet abba Saaduk deqsita numuk ten.

2 Aydaad 28:1

Acad malik yekke saaku qumrik labaatanni karmat yen. Yarusalaam magaalah addal taban kee lica sanat malikih suge. Takkay immay isi kaxxa abba Malik Dawud raatat gexak masuginnay, YALLI niqba taamat asak suge.

2 Aydaad 29:33

Toh lih kaadu laca boolih awur kee, sidiica alfi yakke illi kee wadaray cado akak yakmeeni sadgatah baahen.

Yasaqya 13:1

Yalli Baabeloonuh giddinaamak Amóx-Yasaqyal ruube farmo ah teeti.

Yasaqya 2:1

Aham, Yalli Yarusalaam kee Yuudâ-rasih giddinaamak Amóx-Yasaqyah-gabat ruube farmo. Too farmo intaamah:

Yasaqya 20:2

Sidiica sanatak naharat, YALLI, Amóx-Yasaqyak, «Ibat lito kabel kee ama xagaral lito *qabudda isik kal» 'yaanam kaak iyyeh suge. Too saaku usuk Yalli kaak iyyem oggoleeh, xagaral saro maleh ib-qassih gexak suge.

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Yasaqya 37:2

Malik-qarih-abbah yan Elaakim kee, malik-qarih kutbe-abeenah yan Sebna kee, seekah abbobtih yan mara ken lih hayya heeh; nabi-Yasaqya fan farmoh ken ruube. Oson kaadu sartanah *qabuudut gaceenih gexen.

Yasaqya 38:1

Toh edde tekke uddurut, Malik Ciskiyyaahu kaxxa biyaakah biyaakite. Rabi kaat xayyooweh suge. Amox-baxi-nabi-Yasaqya kaal yemeeteeh kaak iyyemii, «YALLI, ‹Ahaysa rabi kot xayiih; ama lakimak murta'mmay, buxâ-mara farriimitay cab› kok iyyah yan» 'yaanam kaak iyye.

Yasaqya 40:9

*Yarsalaamah warsa numow, meqe xaagu teetih waris. Fayya le qale fan gexay, amol bukka akak inxicay, ta xaaguy ayti doogisa, warisay, awadah inxic. Siyoonuh, anay fayya haay, a xaaguy ayti doogisa, teetih waris; awadah 'cuy. Fayya hay, anay fayya haay, teetik 'xicay, mameysitin. Yuudâ-magaaloolih marak, «Sin Goyti yamaateh» inxic.

Yasaqya 6:1

Malik Quddiyya edde rabe sanatih addat Goyta uble. Usuk isi dardaarinni korsiy fayya kee nabna lehiyyal daffeyak yeneeh; xagarat culsah le sartan inkih yan Yallih Qibaadah Qari duudeh yen.

Yasaqya 7:1

Qudiyyâ-Yootam baxay Malik Acad deqsitahiyya Yuudâ-rasul malikih yen dabaanal carbi rade. Suuriyah malikih suge Raaxin kee Israayil malikih suge Ramalyaahû-Fekac Yarusalaam magaala tabbixem faxxe. Takkay immay yabbixoonu yeffereenih.

Ermiyaas 23:16

«Toh too tiya'mmay, Yarusalaam maraw, yoo YALLAY Nabaamak Nabahiyya siinik axcem liyo. Toh macaay inteenik, ama mari siinil yaceem numma makkalina. Deedaltam siinil yaceenim, gee waytaanam geettoonu siinik iyyan. Siinil yaceenim, isinni amok yeyyeeqen yaaba ikkal, anu keenik excem hinna.

Yacedkel 1:1

Anu Buudi-baxa Yacedkel kinniyooh, soddomhaytô-sanatak fereyhaytoh alsak konoyhaytoh ayrot, Baabeloonul Kabar-weeqaytuk xaqut, Yuudâ-maray seewah beenihiyya lih an waqdi, qaran fakkimma 'yeeh; too waqdi Yallih wacyi yol oobe. Too wacyi elle ublem, Baabelon rasuk Kabar weeqaytu deqsita aracih garik ten.

Hosiqa 1:1

Quddiyya kee Yootam kee Acad kee Ciskiyyaahu Yuudâ-rasul malikwah sugteeh, Israayil rasul kaadu Yahoqás-Yarobqam malikih suge dabaanal, YALLI Beqeerí-Hosiqal farmo ruube. Ruube farmo ah teeti.

Qaamus 1:1

Ah Qaamus maxco. Qaamus Takooqa deqsitta magaalal yan saqi marih fanat suge numu. Yalli, Israayilih takku waytam elle warse wacyi kaal oobisem, woo baaxol baaxoh angoyyi yakkeemik naharat namma sanatak ten. Too dabaanal Quddiyya Yuudâ-rasul malikih sugeeh; Israayil rasul kaadu Yahoqás-Yarobqam malikih suge.

Qaamus 4:5

Ahaysa wadir maxcina! Candi gacsah Yallih sadgatah bahtan gaqambok maadayinay baaha! Ahak kalah sadgatah bahtaanamal tirtirisa. Toh hinnaa, isin kaxxam edde takkaleenim!» 'yaanam keenik iyya.

Miika 1:1

Yootam deqsita malikiiy Acad deqsita malik kee Ciskiyyaahu deqsita malik Yuudâ-rasul itta kataatak dardaaren saaku, YALLI Miika deqsita nabiy dabqih Moreset deqsitta magaalal yenehiyyal farmo ruube. YALLI too farmol Samaariya kee Yarusalaamat takku waytam kaa yuybullee.

Naacum 1:1

Yalli Nanawê magaalah giddinaamak ruube farmo ah teeti. Elkos deqsita aracal yooboke Naacum deqsita nabil, Yallih wacyi oobeeh; Naacum yublem a kitaabal yuktube.

Cabakkuk 2:2

Sarrak YALLI yok iyyeemih, «Allaak akah tankirriye innah, anu koh warisu waam luucul meqe innah uktub.