Yacedkel 9:9 - NABUWWA KEE MALIKWA

⁹ YALLI too waqdi yok iyyeemih, «Israayil kee Yuudâ-mari kaxxam gibdi dambi baaheeh; rasul ummat annaak qidaanam baaheeh; Yarusalaam baatilik dabaq aben. Yi giddinaamak, ‹YALLI ahaysa ni baaxo cabeh ikkal, nee mayabla› iyyan.

Yacedkel 9:9 ပူးပေါင်းရင်းမြစ်များ

2 Malikwa 21:16

Manasse, Yuudah-ummatta Yallih-gita cabba hayteh YALLAL dambi lem baahaanamat asise. Too dambik kalah kaadu ossotinah, Yarusalaam-gitittel qabal weeqi innah caxitam fan mango masaakiinay tu baahe wayte qide.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yasaqya 29:15

Edde tanin mala YALLAK yaaqurem yakkale maraw, sinim tekkeh! Uma-taama bar ditet abaah, «Nanu abnam iyyi nek yableeh, iyyi yaaxige?» 'yaanam intan.

Yasaqya 47:10

Isinni makari kee uma-taamat kaxxam takkaleeniih, ‹Nanu abnam tablem matan› 'yaanam intan. Litoonum takkalen kas kee ixxiga makot sin beyteeh, ‹Nanu nanih; nek sa tu matan› 'yaanam intan.

Ermiyaas 2:34

Xagarat liton sartan tu-maleela kee umaane sinni marih qabalat isinnik bayisseenim matablan. Masaakiina akke waytek, umeynitil bahtaanam manton. Tonna'mmay ta axxul le umaanet taniiniih,

Ermiyaas 22:17

koh tu gactek, liyom yoo duddah iyya num hinnitooy, marin im dulmih beytaah, dambi-maleelâ-qabal foyyah caxxa. Isi mara tadlumeeh, keenit xukkuttaah, ken biyaktah.

Yacedkel 7:23

«Baaxol titta qida mari yemeggeh; magaalal umaane aba mari caddo cabelek, silsilatwa bicis.

Yacedkel 8:12

Too waqdi Yalli yok iyyeemih, «Ama Israayil idoola sirrit abta taama tablem hinna? Tasaawirik kibuk yan qarih addat duyye yaqbuden. Oson tah akah abaanam, ‹YALLI a baaxo cabeh ikkal, nanu sirrit abnam nek mayabla› 'yaanama» yok iyye.

Yacedkel 8:17

Too waqdi Yalli yok iyyeemih, «Bani-adantow, tamah table koo hinna! Yuudâ-mari tama'kkel abah yan umam-yabuli tableh tanik, ah celtam kinnii? Kulli waqdi qamalliinok aade waanaah; anu anqibinnaanim abaanam celtam kinnii? A diini-maleela gacak gactam elle aban inna maay tablee?

Cabakkuk 1:4

Tohih sabbatah, xinto boolatteh; qadaalat mayana. Yab gitah mekla mari mayanak, umeynit meqe marak fillat gacte» iyye.

Xafanya 1:12

YALLI kaadu qagseh iyyeemih, «Too ayro gabat faanus hayya heeh Yarusalaam magaala gorriseyyo. Isil kaxxa kibaal le maray isit kaxxam yakkalehiyya digaaleyyo. ‹YALLI abba haamah lem mali. Meqem neh maabaay; umam nel mabaaha› iyya mara digaaleyyo.