Yacedkel 9:3 - NABUWWA KEE MALIKWA

³ Too waqdi Israayil doore Dageltih nabna yaybulle ifuy diifu le, naharak elle suge galwa-leemih amok katta 'yeh, Qibaadâ-Qarih culma fanah gexah uble. Sarrak YALLI, taaxige-meqe sarot-sartanah-yan numuy gabat kutbe elle aban duyye lehiyyah secca 'yeh,

Yacedkel 9:3 ပူးပေါင်းရင်းမြစ်များ

Yacedkel 10:4

Tohuk lakal YALLIH nabna yaybulle ifuy kaxxa diifu lehiyya galwa leemik cabba heeh, Qibaadâ-Qarih culma fanah gexe. Qamburre inkih yan Qibaadah-Qari bulte. YALLIH nabna yaybulle ifuy diifu lehiyya Qibaadâ-Qarih daarat duuduse.

Yacedkel 3:23

Too waqdi golo fan oobe. Tokkel duma Kabar deqsita weeqaytih garil an waqdi elle uble'nnal, YALLIH nabna yoh tumbulle. Too waqdi baaxol gomboh rade.

Yacedkel 8:4

Tokkel kaadu duma Kabar deqsita weeqaytul an waqdi akah uble'nnah, Israayil doore Dageltih nabna yaybulle ifuy diifu le uble.

Yacedkel 9:2

Tonna luk Yallih Qibaadah-Qarik kilbat le kabut raqta kaxxa afay akak culaanahiyyak lica numuy silac gabat le culah uble. Ken lih *baftak bicsen meqe sarot sartanah yan numuy kutbe elle aban duyye gabat lehiyya uble. Amma 'yeeniih, nacaasak bicsen sadgat elle aban aracih garil soolen.